Guats Mörgali zämma

I han jo no sehr lang Zyt zum alles vorbereita und rüsta, trotzdem bini immer am umastudiara was so alles afallt...viellicht chön iar miar helfa?

Also mi nämmt eigentlich nur Wunder was ma für DÄ Tag alles vorbereita muass und i bin amol uf dia paar sacha cho....hen iar Ergänziga?

- Tischdeko
- Sitzordnung
- Namenschärtli am Tisch
- Namenschärtli für d'Lüt
- Moneybox (wenn miar jetz eifach)

wiiter? das wird jo wohl nid alles si oder? also klar so Sacha wia Resti und Menü uswähla aber das fallt jo vorher ah....

Danka für euri Hilf.

****Ziviltrauung 30.08.2013 & Zeremonie in der Woche darauf auf hoher See ****

ich wür na folgendes vorbereite:

- en usdruckti liste, mit de gruppene für d gruppebilder
- evt. en telefonnr.-liste vo allne wo a dem tag wichtig sind und mit eu ztue hend. zb. de fahrer vom fahrzüg, verantwortlichi vo restaurant ect., täschtmeister und/oder trauzüge, fotografIn ect. eifach all wo a dem tag e wichtige teil a verantwortig übernehmed. mir hend die liste im vorfeld allne betroffene au wiitergeh und sie für de notfall auno usdruckt debi gha (passt zämegleit guet is täschli)

mir sind um die extra usdruckte listene extrem froh gsi, well grad wenns wichtig isch, sogar die wichtigste lüüt den ebe grad die sache bruched und den nöd debi ha chönd.

- vorbereite chamer au je nach dem en chlini verpflegig für die awesende bi de vorbereitge.

- falls bilder vo de vorbereitigsziit gmacht werdet, den natürli au d umgebig parat mache und evt. nachli in szene setzte oder mit "hochziits-deko" (muen gar nüd kitschigs si, git au bi de floriste uh schöni sache z.b.) verschönere.

- was ich bi eus extrem gschätzt han isch, dass mir am vorobig eus na im spa-wellnes hend la massiere und im hamam na hend chönne entspanne. das isch wunderbar gsi und i han extrem guet chönne schlafe.

süsch chunt mer grad nüd me in sinn. falls de doch no, post ichs spöter.

@ Bergeri: schau mal hier:

http://www.heiraten.ch/forum/board/ich-s...e-9_1063.html#8