| Was für es Izugsliäd i Kile hend ier gwählt? |
|
|
1 2 3 4 5
|
01.10.07 15:18
jovianicht registriert
|
Re: Was für es Izugsliäd i Kile hend ier gwählt?
Hi numal dodo10 
Wenn är hei inne gueti Kritik becho hed isch es sicher en guete. Aber wenn ier d'Möglichkeit hend würd ich ihn sicher glich nu go lose.
Ah okay. Mier wohnid in Stansstad. Ich kenne mich äbe im Aargau überhaupt nid uhs... bi nur paarmal in Zofingen gsi...
Liäbs Grüässli
jovia
|
|
|
|
|
|
|
|
01.10.07 16:41
jovianicht registriert
|
Re: Was für es Izugsliäd i Kile hend ier gwählt?
Hoi Dodo10
Danke. Ja, mier gfallt äbe de See au rüde guet und ich han immer gseihd wett irgendwo am Wasser wohne. Bi au am See ufgwachse grad näbe Stansstad und drum find ich das nu schön so.
Ich ha meys Chleid scho kauft, aber nu nid dihei. Ha's müesse la ufenäh - Ändi Oktober hol ich's denn ab und lageres bi meyne Eltere bis im Juli... poah, ich kenne das Gfühl - momentan bleybt die Zeyt ächt fast stah...  Eigentlich würd ich ja wünsche dass es grad uf Juli hüpft, aber dier zliäb wär ich ai mit Juni zfriede . Hmmm... isch ai u schwierig z'beschreybe... also es isch 1teilig, eher so eierschale-champagnerfarbig mitemene feyne stoff drüber wo feyni stickereie und biz glitzer druff isch. Es hed en abnähmbari Schleppe, en Schleier und es Bolero dezue  .
Bisch denn du in Wettinge ufgwachse? Wow, är weiss jetzt scho vonere Stell i ca. 5 Jahr? Isch denn das dett en Firmesitz?
Liäbs Grüässli
jovia
|
|
|
|
01.10.07 16:51
dodo10 
|
Re: Was für es Izugsliäd i Kile hend ier gwählt?
Hoi Jovia
Nei bin nöd in Wettinge ufgwachse. Han die ganz Schuelziit inkl. ufwachse und allem drum und dra in Adliswil erlebt, grad nach Züri Richtig Kanton Zug.
Ja, es isch nöd gseit, dass er i 5 Jahr die stell überchunt. Aber er isch glernte Chauffeur und dört wo er jetzt dänn am 1.11. afangt schaffe, nehmeds immer wieder die junge Chauffeure na is büro. Will die wüssed wies uf dä Strass lauft, Kunde kennet usw. Ihm staht dänn möglichkeit offe id Dispozentrale oder in Ussedienst zwächsle. Was natürli en enorme ufstieg isch. und dä ganz Ussedienst isch ebe in thalwil stationiert. Bin jetzt scho froh, wenn er nüme dä ganz tag uf dä strasse isch! 
Ich ha mis chleid erst kauft, isch nonig gänderet. sie hend mer gseit sie mached das erst öpe 3 mönet vorher, das es dänn au sicher passt.
Han au sust na nüt dezue, weder stola, na schueh (gruset mer jetzt scho vor em schueh chaufe, chum immer blattere über  ), usw.
Liebs Grüessli
dodo10
|
|
|
|
01.10.07 19:59
jovianicht registriert
|
Re: Was für es Izugsliäd i Kile hend ier gwählt?
Hoi Dodo10
Ja, Adliswil kenn ich. Dett fahr ich amigs verbey wenn ich uf Züri ine Klinik muess ab und zue.
Ah, das wäri nateyrlich super für dey Schatz und für dich ;-). Chan ich mier vorstelle dass froh bisch wenn är nid immer nur uf de Strass isch - mit em hütige Verchähr isch das ja ai nimme grad lustig.
Mier isch s'Chleid susch äbe wirklich wie agosse gsässe, nur z'lang isch es gsi. Sie hend denn das drum grad gmacht. Ich probieres denn ca. 2 Mönet vorem Hochzeyt numal und wenn's nimme passt, denn gahn ich eifach numal das goge änder lah. S'Gschäft isch nid sooo weyt vu mier dihei wäg.
Schueh han ich scho, ha sie imene "normale" Schuegschäft gfunde zumene annehmbare Priis und mit nid zu höchem Absatz ;-). Und glücklicherweys isch es Bolero grad zu meym Chleid dezue. Wettsch du denn e Stola oder es Jäggli oder so eppis nu?
Liäbs Grüässli
Jovia
[
|
|
|
|
|
|
02.10.07 19:45
jovianicht registriert
|
Re: Was für es Izugsliäd i Kile hend ier gwählt?
Hoi Dodo10
Finde irgendwie au dass so en Stola wirklich eppis fästlichs hed und gäbig isch sie au nu vorallem wenn's halt glich nid soooo tolls Wätter isch wiemer sich erhofft - cha ja alles passiere... :o)).
Mier hüratit ja im Juli und hend vor d'Iladige so im Februar usezlah. Juli isch zwar Feriezeyt, aber die Leyt wo mier immer wieder träffid wissid s'Datum sicherheitshalber scho ;o).
Ier hüratit ja im Mai, oder han ich das falsch im Chopf? Wenn verschickid ier si? Im Dezämber - grad mit de Wienachtschärtli?
Grüässli
Jovia
|
|
|
|
03.10.07 08:07
dodo10
|
Re: Was für es Izugsliäd i Kile hend ier gwählt?
Hoi Jovia
Mir hüratet im Juni, hend vor d'chärtli so im Januar zverschicke. Die meiste hend sich sdatum eh scho notiert.
Aber zerst müemer mal en idee ha, was für chärtli das mer mached...
wird eus scho na öpis guets in sinn cho. Hend ihr eui chärtli scho??
Mached ihr dnamenstäfeli selber??
Grüessli dodo10
|
|
|
|
03.10.07 09:50
jovianicht registriert
|
Re: Was für es Izugsliäd i Kile hend ier gwählt?
Guete Morge dodo10
Äbe de tüend iers au so 5 Mönet vorhär wie mier. Müend jetzt denn z'erst mal Offerte ihole. Hend ier üch scho Gedanke über Köste vo de Chärtli gmacht?
En Idee hemmer scho für Kärtli, aber nu neyd konkrets... es sell aber eher schlicht sey.
Ja, d'Namenstäfeli für ufe Tisch und d'Astecker für die gladnige Gäst machid mier sälber - d.h. meyni Schwester und ich machid die. Und ier???
Grüässli
Jovia
|
|
|
|
|
|
|
|
1 2 3 4 5
|
Anmelden
! Wettingen wird aber sehr warschindli nur ä zwüschestation werde. Min Schatz het in ca. 5-6 Jahr ä stelle in ussicht, wo in Thalwil wär. Dänn heted mer en sehr en guete grund zum wieder id nächi vom see zieh! 
