| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Was für es Izugsliäd i Kile hend ier gwählt?
 1 2 3 4 5
08.10.07 17:33
jovia

nicht registriert

 Re: Was für es Izugsliäd i Kile hend ier gwählt?

Hi dodo10

Ja, mier hed nateyrlich einige Freiheite wemmer vo dihei uhs chan schaffe. Bi mier isch es aber xundheitsbedingt, susch würd ich das nid so mache mit Teilzeit, sondern nateyrlich 100% schaffe.
Isch das keis Problem mit em Pfarrer weil dey Schatz us de Chile usträte isch? Mier sind beidi au katholisch und hüratit dementsprächend ai so .

Poah, morn gömmer mal wäg de Iladigschartene go Offertene bi Druckereie ihole... wird sicher nu en tüüre Gspass obwohl mier s'Föteli ufem Titelblatt sälber druhfchläbid. Na ja, mal schauen...

Liäbs Grüässli
Jovia
09.10.07 08:16
dodo10 

Re: Was für es Izugsliäd i Kile hend ier gwählt?

Hoi Jovia

Ah, wenn das so isch, denn würdi au lieber 100% schaffe...

Aso min Schatz isch extra fürs Hochziit wieder id chile itrete, das mer au ja kei Problem hend, und wird nacher aber wieder ustrete... kompliziert gäll?? Er mues es ja schlussendli selber entscheide.

Euse Pfarrer isch ebe zimli locker, drum isch das au gar nie es thema gsi.

Und sinder erfolgriich gsi bi dä druckereie??

Grüessli dodo10
09.10.07 22:51
jovia

nicht registriert

 Re: Was für es Izugsliäd i Kile hend ier gwählt?

Hi dodo10

Sägid die meiste wenn's de Grund wissid werum ich nur Teilzeyt schaffe...

Ah, denn isch nateyrlich super wäg eychem Pfarrer. Du, ich säge ai, jede muess für sich sälber entscheide was är will vorallem bezüglich uf Religion. Gseh das rächt locker.

Sind nid i Druckereie gsi. Erstens hemmer de Text und d'Azahl nu nid gnau, zweitens han ich hütt Nami müesse schaffe und drittens han ich meyni Meinig bezüglich Chärtli wieder umentschiede bezüglich Foti voredruffe und so. Kümmere mich jetzt denn z'erst mal um de Text und um d'Azahl und gah de mal go luege. Chund scho guet, mier hend ja nu Zeyt, wehnds ja eh erst im Februar verschicke. Wievill vorhär holt meh da eigentlich Offertene i? Hend ier scho? Dörf ich frage was ier so im Budget hend für die Chartene?

Liäbs Grüässli
jovia
10.10.07 08:33
Sibylle 

Re: Was für es Izugsliäd i Kile hend ier gwählt?

Hallo dir zwei!

mir si am samschti ga luege id papeterie/druckerei wäge chärtli, dje het üs de zwe riesigi ordner mitgäh mit verschiedene muster drinne zum hei näh.

mir bruche 60 mit reserve, apero und gladni zäme!
mir hei de dje deheime gstudiert und afa useläse, bismer när hei d priese gseh dass het üs fasch übersteut, s billigste wär 311.- gsy eifach wyss und beidi näme uf dr front! s schönste wo üs dünkt het (nid ztürste) fasch 600.-

Jizt heimer üs ou umentschiede und probiere säuber öpis zkreire ufäm pc wüu 3/4 vo dä lüt gheies eh när mau i ghüder.

was heit dir näch fürnäs budget vorgstellt?
lg sibylle

daniel & sibylle 19.01.01= 30.05.2008 / 07.06.2008
15.10.07 08:53
dodo10 

Re: Was für es Izugsliäd i Kile hend ier gwählt?

Hoi Jovia

Sind am wuchenend zweimal in stansstad verbi gfahre!! Sind is tessin.

Mir hend eigentlich gar nüt im budget für chärtli. Will ja dä Brüeder vo minere Trauzügin Grafiker isch und eus Chärtli macht! Die einzig Bedingig wo er bis jetz gestellt hät isch, dass er as esse iglade wird. Mir gebed em sicher na öpis meh, aber ich glaub besser chöntet mers gar nöd ha.
Drum gönd mier au gar kei offerte go ihole.

Sind ihr jetzt scho gsi weg dä chärtli??

Grüessli dodo10
16.10.07 10:13
jovia

nicht registriert

 Re: Was für es Izugsliäd i Kile hend ier gwählt?

Hi dodo10

Scho schön in Stansstad, gäll? Hättid eych ja gärn zumene Kafi iglade , sind aber sälber nid hie gsi. Hend im Engadin nu paar Sache erledigt. Wie isch es denn im Tessin gsi? Guets Wätter gha?

Yeah, mier hend en Fotograf und de isch nid mal tüür (findid mier). Chostet Fr. 1000.00 mit allem - find ich en superguete Preys wenn ich so anderi i de Forum liese. Hend ier ai de Fotograf scho?

Nei, sind nu nid gsi wäg de Chärtli. Ich muess z'erst mal de Text kreeire han ich gmerkt . Weiss gar nid was ich da gnai sell schreybe... na ja, mal luege... hend ja nu Zeyt. Usseerdem machid mier jetz s'Chärtli nid mitemene Foti, sondern ha ganz es härzigs Sujet im Internet gfunde und genau dass wemmer jetzt . Muess mal go Druckereie abklappere sobald ich de Text han. Isch nateyrlich super bi eych mitem Grafiker .

Hend ier eigentlich s'Gspröch mit em Pfarrer ai scho gha? Bi eych gahd es ja nimme sooooooooooooooooooooo lang .

Liäbs Grüässli
Fabi
16.10.07 11:00
dodo10 

Re: Was für es Izugsliäd i Kile hend ier gwählt?

Hoi Fabi

Ja, isch schön bi Stansstad. Sind halt nur duregfahre uf dä autobahn.

Ja isch mega schön gsi im Tessin. Am Suntig hät zimli hochnebel gha, aber dänn simer au au scho wieder hei, aber am Samstig isch traumhaft gsi. Sind binere guete Kollegin und ihrem Maa gsi wo dunde i dä Ferie gsi sind go en Bsuech mache. hend en knapp 2.5 jährige sohn.... läck da lauft immer öpis! Aber isch au lustig gsi.

Ja en Fotograf hemer scho....mim Schatz sin Unkel... Er isch Künstler und Zeichnigslehrer. Macht mega schöni und au gueti föteli! Scho wieder en hufe geld gspart!

Nei hend sgspröch mit em Pfarrer nonig gha. Wird dänn afang nächst Jahr aktuell werde.

Wär na cool gsi, wemer eus troffe heted am Wuchenend

Mir sind eus im Moment au schwer am überlege, was für es Motiv uf chärtli söll. Sind nonig würkli fündig worde!

Was hend ihr für es Motiv??

Grüessli dodo10
16.10.07 14:01
jovia

nicht registriert

 Re: Was für es Izugsliäd i Kile hend ier gwählt?

Hi dodo10

Ja, mit emene Chind i dem Alter laift immer eppis . Meyni Schwester hed ai zwei Chind und drum weiss ich vo was ich rede . Aber sind scho süss die Chleyne, vorallem im Alter so ab 1 1/2...

Hey, ier hend ja en cooli Verwandschaft - gihd ämu es günstigers Hochzeyt wenn e Teil vo de Verwandte so chönd mithälfe mit fotografiere, Chärtli kreeire usw. Isch lessig so .

Mier hend scho es Motiv für eyses Chärtli, isch aber ganz eifach und schlicht. Hmmm... nu schwierig zum erkläre. S'Chärtli isch sandfarbig und hed voredruffe so zwei adeyteti Härze wo inenand verschlunge sind. Tönt biz kitschig villicht, isch es aber gar nid. Eifach schön und schlicht - passt perfekt zu eys . Wend ier denn es Föteli vo eych druffe? Mier wettid eigentlich keis, aber eventuell wettid mier innerhalb vom Chärtli es Föteli vo eys under de Text drucke. Weisch wie ich meine? Mal luege...

Hey, hesch wieder nid so vill ztue im Gschäft ?

Liäbs Grüässli
Jovia
17.10.07 08:10
dodo10 

Re: Was für es Izugsliäd i Kile hend ier gwählt?

Hoi Jovia

Ja, chan mer ca. vorstelle wied meinsch.

Han im Moment würkli nöd so vill arbet, aber gester Namitag isch ebe dFrau vom Chef cho schaffe, drum hani nöd gschriebe. Mir merked im Moment extrem dass in Züri na Ferie sind. Es lauft fast nüt.
Isch mer aber na glich, wens zwüschedure nöd so stressig isch.

Mir hend gester abig wieder ghirnet weg eusne chärtli...eus chunt eifach nüt in sinn wo eus gfallt. Mues hüt mal na chli im Internet umestöbere.

Wieviel Lüüt hend ihr am esse? und am Apéro?

Grüessli dodo10
17.10.07 14:39
jovia

nicht registriert

 Re: Was für es Izugsliäd i Kile hend ier gwählt?

Hi dodo10

Wenn ier susch gnueg ztue hend denn sind so es paar ruigi Täg ja au okay, aber wenn's immer so wäri... tja, die giengti Zeyt ja gar nid verbey . Isch bi mier früener mal binere Arbetsstell gsi, denn bisch denn ächt nur gsässe und nid gwisst was mache....

Hed denn de Grafiker kei Idee wäg de Chärtli? Ich dänke es muess bzw. sett eifach zu eych passe. Also je nachdem eher schlicht, romantisch, uisgfalle oder so... Hend ier nu gar kei Vorstellige?

Mier hend so 51 - 53 gladnigi Gäst (bi eim Pärli simmer nu nid sicher, grins) und eppe 100 - 120 am Apéro. Und ier?

Liäbs Grüässli
Jovia
 1 2 3 4 5
Izugsliäd   eigentlich   sooooooooooooooooooooo   Hochziitstanzkurs   hochziits-homepage   xundheitsbedingt   eierschale-champagnerfarbig   chärtli   sicherheitshalber   hochziitserfahrig   Grüässli   absatzschuhe-füess   nateyrlich   Bastelmaterialie   Vierwaldstättersee   Altersunterschied   Grüessli   Hochzeyts-Homepage   superschööööööönnnn   Wienachtschärtli