Hoi zäme

Mer wössäd ned rächt was mer selled mache, dorom wär ich sehr froh om euchi Meinige/Rotschläg/Idee.

Mer düänt am 18. Juni zivil Hürote, händ eigentlich vorgha a dem Obe au grad euses Grossä Fäscht zmache. Leider esch eusi Traumlocation a dem Obe scho usbuächet. Dorom wärde mer zivil wiä planet am 18.6 ond am 03. Juli e chlini Trauuig/Tauverspräche im chline Rahme ohni Chele etc. mache.

Händ 2i Variante im Chopf.

1. Variante:
D Trauuig im chline Rahme met dä gladne Gäscht ca. 45 oder vellecht im ganz chline Rahme nor met Trauzüge ond Familieaghörige ca. 14 Persone.
Aschlüssänd es Aprero met allne inkl. dä Aperogäscht das wärdet so om di 160 Persone sie. Min Partner het e sehr e grossi Familie, denn Arbetskollege, Johrgänger etc..
Das alles wördi of em Areal vom Restaurant stattfende. Spöter wördä mer met dä gladne Gäscht zom Ässe goh.

--> ben scho as paarne Hochzyte met so velne Aperogäscht gsie, s Brutpaar het gar kei Zyt för alli, bes mer nor scho met em Gratuliere dore esch, denn met allne Föteli mache etc.. chan mer vorstelle, dä Stress pur.
Denn hämmer sehr vel Verwandti wo mer soscht au fascht niä Kontakt händ, diä muämmer halt fascht ilade, dass "d Chele" im Dorf bliebt.

2. Variante
Mer mached kein Grosse Apero met däne velne Gäscht, sondern ladet es paar Lüüt meh i, wo mer eigentlich au gärn wördet debie ha. Wördet denn so of di 70 Gäscht cho, met dene d Trauuig mache nachher es Apero ond denn aschlüssänd s Fäscht.
I dänke, mer händ so au vel meh vo dä Lüüt, chönd s Apero gnüssä ond met dä Lüüt chli plaudere. Zyt för Fotene wäri denn au no do.

--> gwössni hätted demet secher es Problem, dänke so a Tanits/Onkels, Cousins etc..

Mer send voll im Klinsch, aber wärdet glaub ehner d Variante 2i näh, da sie för eus meh stemmt. Ond es muäs au för eus stemme ond ned för di andere.

Mer händ met dä Trauzügä scho chli Werbel gmacht i dä Familie. Händ mini beschti Fröndin ond sin beschte Frönd usgwählt. Eusi Gschwöschterti ond Eltere fendet das glaub ned so toll - aber wiä scho gseit muäses för eus stemme.

Wörd mi sehr freue euchi Meinige zghörä. Mer macht sech so vel Gedanke, gseht mängisch vor luter Bäum dä Wald nömme.

Grüässli Glöggli

Hoi Glöggli

i würd mi def. für die 2. variante entscheide.. mer machets trauuig, apero u sässe au mit dä gliche lüüt u händ würkli nume die engschte bekannte, fründe iglade ca. 40 pers..

klar gits dä eint oder ander, wo jetzt wahrschindli chli enttüscht isch, aber so oder so chan mers nid allne recht mache.. warum lüüt ilade, wo mer sozäge fascht ke kontakt hät?! i finde, äs isch s'fescht vom bruutpaar, u mer sölls au chöne gnüsse u vorallem mit dä igladne gäscht chöne ziit verbringe, dziit zäme gnüsse, u au natürli chli chöne mit dä lüüt pläuderle.. wänn mer suscht sooo viel lüt isch, chan i mer vorstelle, das mer dä für die einzelne persone gar ke ziit hät u das find i sehr schad u isch mers nid wärt..

das isch mini meinig u i weiss, vieli bruutpaar händ viiiell meh lüt iglade. i möcht jetzt niemerd "beleidige" oder so!! jede sölls so mache wie's für eim richtig isch..

i hoff i han der bitz chöne hälfe..
liebs grüessli, peja

Hallo Peja

Danke för dini Antwort. Do hesch du vollkomme rächt. Mer het halt emmer s Gfühl mer müäsis allne rächt mache. Alli andere händs bes anhin so gmacht, Cousins, Kollege etc., aber das muäs jo ned heisse dass mer das au müänd.
Es get halt scho Lüüt wo mer a dä Trauuig ond am Apero gärn möcht debie ha, aber am Obe am Fäscht chan mer halt ned onändlich vel Lüüt ilade, ergendwo muäs mer sech entscheide. Das machts ned eifach hämmer gmerkt.

Grüässli Doris

Guäte Morgä Piglet

Das dönt au ganz guät wiä ehr das Planet händ. Wiä gseht denn bi euch di freii Trauuig us? Esch diä met Pfarrer oder Theolog? Oder gstaltet ehr diä sälber?
Wersch du es Hochzytschleid aha? Wenn jo wenn, beidi mol oder am Apero met Fäscht nömme?

Ergend i dem Rahme wiä ehr das mached chönte mer eus das au vorstelle. Ich möcht halt scho gärn es Hochzytschleid alegge.

Wörd mi freue, wenn du mer chli wörsch verzelle.
Grüässli Glöggli

Hoi Piglet

Danke vel mol för dini Antwort
Düänd ehr denn amene Samschtig zivil hürote? Ond denn di freii Trouig amene andere Ort als Standesamt abhalte? Gönd ehr a dem Obe met euchni Gäscht go ässe?

Das met em Brutcheid muäs halt scho sie, esch glaub en Traum vo jedere Frau .

Han höt met mim Mami e rächti Diskussion gha wäge eusere 2e Variante. Sie meint das chön mer doch ned mache. Gwössni siget denn secher entdüscht dass sie ned chönd debie sie. Han ehre denn s Argumänt gseit, dass mer jo för alli diä Gäscht e gar kei Zyt hätted, das brengi eus jo au nüt. Sie meint, das sigi halt so, ond mer träffi sech a dä Hochzytä ond gsächi sech so weder mol. Demet meint sie d Verwandschaft. För das send mer jo ned zuäständig, wenn sie öbber well gseh, denn chan sie jo met dene öbbis abmache.
Oje, do chont glaub no öbbis of eus zue.


Grüässli Glöggli

Hoi Peja

Das met dä Hochzytsazeig fendi au no e lässigi Idee. Was händ ehr denn det droffä gschrebe?

Wenn esch euchäs Fäscht?
Grüässli Glöggli