| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Wer hüratet au am 08.08.09?
 1 2 3 4
07.06.09 22:32
filu  		Wer hüratet au am 08.08.09?

hoi zäme,

wer vo eu hüratet au am 08.08.09?
hend ihr scho alles? sinder scho nervös?

also ich bin no überhaupt nöd nervös und han eigentli au scho fast alles. aber irgendwie hani di ganz ziit s gfühl dasi jenes vergesse han!

mir hüratet am 06.08.09 zivil und am 08.08.09 kirchlich !! :-))
10.06.09 08:56
filu  		Re: Wer hüratet au am 08.08.09?

nur mir??!

mir hüratet am 06.08.09 zivil und am 08.08.09 kirchlich !! :-))
10.06.09 08:59
aschera 

Re: Wer hüratet au am 08.08.09?

hallo filu

sorry mir hürate es wücheli speter... närvös bini ou no nid aber chli im stress

hesch du scho alles?

lg aschera

mir hürate kirchlich am 15. august 2009
10.06.09 09:04
filu  		Re: Wer hüratet au am 08.08.09?

ja eigentli scho, aber ebe: ich han s gfühl ich han no sooo vill vergesse!

nur de pfarrer macht mi chli nervös. er het zwar gseit dass ich ihm mitte juni mal söll schriebe, er seg vorher no ide ferie. aber jetzt wenn ich ihm maile, chunt immer mis mail vo mail delivery retour!
ich wart mal no die wuche und denn lüti ihm a! hend ihr das gspröch scho gha?

mir hüratet am 06.08.09 zivil und am 08.08.09 kirchlich !! :-))
10.06.09 09:41
aschera 

Re: Wer hüratet au am 08.08.09?

ui... ig bi de no gar nid nache! tischchärtli u namensastecker hani noni gmacht... was setsch de nach dim gfüehl so vergässe ha?

zgspräch hei mir scho afangs märz gha... u alles wo är brucht muesi bis ändi juli ihm maile...


mir hürate kirchlich am 15. august 2009
10.06.09 09:52
filu  		Re: Wer hüratet au am 08.08.09?

jetzt hets klappet mitem mail! juhuu!
namenskärtli und steckerli hani scho gmacht und menukärtli au.
was muesch am pfarrer denn alles maile?! was de pfarrer agaht hani no kei ahnig wie das lauft...
ja sus hani eifach s gfühl mer chönti nomeh, no besser mache.
Obwohl das denki zum bispiel bi de tischdeko au. und eigentli hani wahrschinli vill z vill, so dass es denn fast z überlade usgseht.

mir hüratet am 06.08.09 zivil und am 08.08.09 kirchlich !! :-))
10.06.09 13:39
aschera 

Re: Wer hüratet au am 08.08.09?

oh du bisch würklich e schnälli... ig wet ig hätt ou scho alles gmacht

ouso em pfarrer muesi meile was für lieder mir wette, öb orgele oder nid, d fürbitte u der text (müesse trouzüge säuber meile) öb mir ztrouverspräche säuber läse oder nid, wie mir id chile chöme zäme oder ig mit em papi

ig gloube das isches... ouso eifach entscheidige wo em pfarrer ahautspünkt gäbe wie är wot predigt gstalte

mir hürate kirchlich am 15. august 2009
10.06.09 20:01
filu  		Re: Wer hüratet au am 08.08.09?

ja und das sogar mit nur 4 1/2 mönet ziit bis zum hochzit
han halt chli gas müesse gäh, aber zum glück het alles so guet klappet.
mini trauzüge müend au öppis säge ide chile? das wüsseds glaub ich gar nöd.

mir hüratet am 06.08.09 zivil und am 08.08.09 kirchlich !! :-))
12.06.09 10:07
Liara

nicht registriert

 Re: Wer hüratet au am 08.08.09?

Hallo filu

Mir hüratet am 7.8.09 Zivil und am 8.8.09 Kirchlich =)

Es gaht mir absolut genau glich wie dir. Han au eigentlich
alles parat und doch ständig zGfühl, ich heg öbis vergässe.
Mol öbis mueni no bsorge, d Namensasteckerli für Gest. Weiss
gar nid wo ich die bechume...

Nervös bini au no nid, bis jetzt hani eigentlich rächt d Ruhe bhalte.
Ich han aber zGfühl das ich den defür am Hochziet um so nervöser
bi...

S Gspröch mitem Pfarrer händ mir scho gah. Mir händ bim Gspräch
mit ihm euses Trauverspräche dörfe ussueche und er hätt ganz
vieli Frage gstellt. Zum Biespiel wie mir eus känne glehrt händ und
was mir für gmeinsami Hobbys händ und wie eusi Zuekunftsvorstellige
usgsehnd. Er wird sehr en persönlichi Predig mache und mir händ ihm
völlig frei Hand lah. Dän hämer de Ablauf vo de Predig besproche und
d Musikwünsch.

Wo hüratet ihr denn filu?

Liebs Grüessli
Liara
15.06.09 12:26
filu  		Re: Wer hüratet au am 08.08.09?

@liara

sorry dasi erst jetzt zrugschriebe. han mich irgendwie nüme chöne ilogge!

mir hürated im zh oberland und ihr?

namenskärtli hani scho. sind zwar nöd direkt kärtli:
han klüppli gno, wiss agmalet, dä name drufgschriebe und vorne so halbdurchsichtigi farbigi blüemli (ohni stengel) us plastik drufklebt. gseht no herzig us!

s gspräch mitem pfarrer hend mir erst am 2.juli! aber ich glaub das chunt guet. de pfarrer isch mir sympathisch.

am dunstig gömmer id tanzschuel zum öppis istudiere zu eusem lied für de hochzitstanz.


mir hüratet am 06.08.09 zivil und am 08.08.09 kirchlich :))
 1 2 3 4
Trauverspräche   pfarrer   Schlechtwettervariante   beschriftetem   eigentli   heiraten   namensastecker   organisiert   kirchlich   ztrouverspräche   wäscheklammern   Chopfzerbrächä   namensschildli   Namensasteckerli   drufgschriebe   entscheidige   nächschtwuche   Zuekunftsvorstellige   halbdurchsichtigi   hüratet