... hoi zäme ...

Ich bruch Euri Hilf oder Idee oder Tipps!
Mir hürotet am 13.06.15 und mir hend scho sehr sehr vell plant, entschiede und reserviert. Nur de Zeitplan funktioniert ned, egal wie ich's treie und mache es passt ned!

Also es goht um folgendes, eusi Trauuig findet am 12 statt in Weiningen (die goht ca. 1 Std.) den laufemer 2-3 Minute und det hemmer de Apéro. Sprich ca. 13.15 Uhr Start Apéro, det hemmer musikalischi Unterhaltig, Gruppeföteli plant...
Ca. 15.15 Uhr gönd min Maa und ich wiiter uf dHalbinsel Au zum Paarföteli go mache... i dere Ziit sind dGäst "elei" am Apéröle (was ich ned schlimm finde)...aber bis mir uf de Halbinsel Au sind mit em alte Bentleay gohts ca. 1 Std., sShooting sicher au ca. 1 Std. und bis mer den in Pfäffike SZ sind e halb Stund.
Das heisst eifach gseit: mir tauchet ca. 18.00 Uhr im Restaurant uf...und den Apéro in Weininge endet ca. 16.00 Uhr...aber die gladne Gäst hend nur ca. 45 min. mit em Auto uf Pfäffike... was machi mit de Gäst 1h elei det obe???
Apéro chamer jo ned scho wieder mache?!?

Het öper e Idee oder en Ratschlag für mich?

Merci im Vorus...

also, warum nöd nomal en apéro (en chline) bi dä location?

also bi mire schwö ischs eso gsi, dass d chile z züri gsi isch und s fäscht dänn in steckborn. mer händ zwar vo züri wäg en autocorso bildet, aber wäg däm sind glich nöd alli glichziitig dert gsi. dänn hätts no einigi gha, wo händ müesse ichecke und so hätt mer gseit, mer trifft sich nachem ichecke und so bim apero im turm wieder... und so sind d lüt nah-dis-nah itrudlet und händs gmüetlich gha...

ich finds eifach wichtig, dass d lüt nöd ufem trochne hocket... gitt nünt schlimmers, find ich :) en kolleg hätt mal verzellt, dass sie uf frankrich sind ane hochzit und wo's ahcho sind hätts die erscht zitt, ca. 2ehalb stund, nix z trinke gäh, also au kei wasser oder so... und wänn dänn im judihui usse bisch, wo nöd mal ane tankstell chasch, isch das ächt müehsam vorallem wänns dänn nochli warm isch!

usserdem chöntet ja bi däm apero eui trauzüge öppis organisiere (oder ihr), wo d gäst für eu vorbereite chönted... ob das jetzt ballonchärtli usfülle sind, oder gäschtebuech oder föteli oder was au immer... gitt da tuuuusig möglichkeite. bi dä hochzit vo mire schwö händ mir ihne vo däm her rächt viel abgnoh gha... aber ebe, mängisch isch au mal schön, wänn eifach nix lauft, und mer au als gast chan d stimmig und d lüt gnüsse und kennelerne (falls mer sich noni so guet kännt)...

mach dir wäg däm nöd z viel gedanke, sondern tüend doch das mit dä trauzüge berede... vilicht händ sie ja au e überraschig planed, wo ihr noni dörfed vorher gseh und wo dänn en gueti glägeheit wär :D

ja, isch doch e super idee! :) gsehsch und scho ischs problem glöst :D

das wär jetzt zbsp. - also chunt natürli uf eu und eui trauzüge drufab - wo ich würd dä trauzüge säge oder die das organisiere lah... und ebe, gäscht müend nöd immer bespasst werde. ich persönlich hans ebe a so fäschter au gern, wänn nöd alles minutiös dureplant isch und mer sich eifach mal chan ines gspröch vertüfe oder ebe s luscht ha... und so lerned sich die, wo sich vilicht noni so guet känned, no besser känne und es isch scho ganz e anderi stimmig, wänn ihr dert ahchömed :)

isch doch gerngscheh ;)

nei, ich han noni ghürate, bin zwar sitem februar 14 verlobt, aber bi eus wirds erscht im 2016 oder 17 sowit sii. mer tüend nächst jahr afangs juni mal drüber diskutiere... bis denn hani en mulchorb becho :) hihi. drum bini eifach chli da ine am mitläse und chli mitschwätze us mine erfahrige als tz und gast :D

aber vermuetlich wirds bi eus dänn 2016. :)

hehe, ja, drum bini ja da... bin au chli am luege was anderi mached. find das scho länger es interessants thema :) und da nervi niemert (hoffi ;) )

naja, nächst jahr hüratet min cousin und da mir eifach au kei gäld uf dä siite händ und vorallem kein stress händ, händ mir gseit, mer mached eus nach ihm sim hochzit mal gedanke und lueged mal, was mer eus chönd vorstelle... bezw. eigentli händ mir ganz klari vorstellige, wie das öppe söll usgseh... nur hämer eifach no nix umgsetzt. ich dänke au, dass mer halt eifach nochli spare müend, das jahr isch relativ viel uf eus zuecho und müend eus zerscht wieder chli erhole :) händ es neus auto, en roller, jetzt chömed no 2 vignette (autobahn für ch und AT) dänn saisonkartene für dä winter und und und... :)
aber min schatz hätt sich eigentli au nur unter dä "bedingig" verlobt, wänn mer eus kein stress mached... und vo däm bini ja wiit eweg. :) mir händ vo afang ah gseit, mer lönd eus 2-3 jahr ziit... drum wirds mind. 2016, evt. sogar nomal es jahr spöter... das wird sich nächst mai / juni zeige, und zu däm zitpunkt bisch du ja scho fascht verhüratet :)

wie gahts bi dir/eu vorwärts?

ja, also mir händ no keis budget, und so, das chunt würkli erscht alles nacher... :) aber bi eus wirds nöd so pompös mit chile und so, da simer eus zum glück einig :)

was händ ihr fürnes budget, wänni fröge dörf?

ja, das isch doch au schön, grad es jahr nacher hürate. jede so wie er will, säg ich immer ;) ja, am stöbere bini - wie du merksch - au immer es bitz... und dur vieli biträg weiss ich au scho zimli was ich nöd wött hihi.

ja, also es tönt dernah, dass du so zimli a alles dänkt häsch. wie gsehts mit musig oder dj us? und vilicht gastgschänk (falls ihr das wöttet) und ebe, so chli unterhaltig, wo vermuetli besser dä trauzüge und so überlahsch :) ?

ja, dä tag isch scho schnell verbi... euse plan isch, es ganzes wucheend z fire (also fritig bis sunntig) aber ebe, mal luege, wie's dänn würkli usechunt... bi eus isch noni mal klar, i wellem land mir hüratet :) also er isch ebe östricher und drum isch halt au d frag, ob mer bi ihm im dorf oder bi eus da ide schwiz hüratet. staht alles no ide sterne. aber sobalds dänn im juni los gaht mit dä planig, tueni mi natürli da au nochli ibringe, hihi.