| Karibik - Dominikanische Republik |
|
|
1 2
|
21.11.08 10:53
Taneli 
|
Karibik - Dominikanische Republik
Hallo Zusammen
Mer send för öisi Flitterwoche es schöns und romantischs Hotel in Punta Cana am sueche. Hend scho es par vo RIU aglueget wo öis sehr wördet gfalle.
Esch öper vo öich söscht scho mol det gsi oder goht au dört it Flitterwoche und chann öis es schöns Hotel empfehle?
Mer traued üs am 08.05.2009 & 09.05.2009
Editiert 21.11.08
|
|
|
|
|
|
21.11.08 12:08
Sunshinenicht registriert
|
Re: Karibik - Dominikanische Republik
Hey Taneli
Mer sind im 2003 in Punta Cana gsi im Hotel Grand Palladium Resort. Da kani nu empfehle. Isch e super Hotel gsi.
Zwei Kollegepärli vo mer sind denn im 2004 bzw. 2006 gsi und sie händ au nu gschwärmt. Anschinend isch es im 2004 no renoviert wore.
Grüessli
|
|
|
|
21.11.08 12:48
fonzi
|
Re: Karibik - Dominikanische Republik
Wir waren vor ein paar Jahren in einem der RIU's in Punta Cana. Wir waren im "Besten" von den dreien. Ich würde nie mehr dahin gehen. Wir hatten alle Durchfall und es ging ist nicht mal weg, als wir nur noch Bananen und Reis assen. Die hatten ein echtes ein Hygieneproblem. Vor allem war das Geschirr nie sauber. Die Mehrwegbecher am Strand waren auch nie sauber. Und zur Krönung sind am letzten Abend noch Ratten im Restaurant rumgesprungen. Der Hoteldirektion hat diese Information aber ziemlich locker genommen...
Was gut war: Das Personal war immer sehr nett und die Zimmer sauber, aber nicht hammermässig eingerichtet, aber ok. Und die Gartenanlage war wirklich sehr schön.
Das ist nun 5 Jahre her und vielleicht hat sich einiges geändert, das weiss ich halt nicht.
Wir haben das Hotel vor der Buchung noch im Holidaycheck und Tripadviser nachgeschaut und da waren alle hell begeistert. Na ja, ich würde es nicht mehr buchen.
|
|
|
|
21.11.08 13:10
trulla09
|
Re: Karibik - Dominikanische Republik
hello!
wir waren vor 2 jahren im LTI beach resort... damals war es super, allerdings ist mein mami vor einer woche in diesem hotel gewesen und zur zeit sind sie am umbauen... das grand palladium ist wirklich auch sehr schön. die TUI kenne ich zu wenig. allerdings würde ich schauen, dass ihr am playa bavaro seid, das ist ein traumhafter strand.
wir würden generell sofort wieder in die karibik gehen, wir waren allerdings ein bisschen vom massentourismus in punta cana entäuscht. ausserdem hat mein mami gesagt, in diesem jahr hätte es erstmals unglaublich viele russen gehabt (sie gehen jedes jahr nach punta cana). anscheinend ist das die neue haupttraumdestination der russsen (ich habe nichts gegen ausländer, aber ich habe schon ZU VIELE negative beispiele mit den russen erlebt!)... deshalb würde ich mich für eine kleinere insel entscheiden (bsp. curacao oder so- da arbeitet übrigens mein bald-schwager im moment)
grüessli trulla
|
|
|
|
21.11.08 15:12
Manuela24nicht registriert
|
Re: Karibik - Dominikanische Republik
Hi Taneli
Bin gspannt für welles Hotel ihr eu entscheide werdet. Mir sind üs ebe im Moment au am überlege in die Dominikanischi Republik id Flitterwuche z'gah.
Eigentlich ha ich uf d'Maledive welle, aber im Juni isch det s'Wetter nöd so guet und s'Wasser au nöd bsunders warm.
Viel Spass bim Hotels vergliche und Vorfreud ha. 
Lg
Manuela
Mir trauet üs am 29.05.09 & 06.06.09
|
|
|
|
21.11.08 15:31
pluto2008
|
Re: Karibik - Dominikanische Republik
Natura Park Beach chani eu wärmschtens empfehle! Also esch au scho 6 Johr her siit mer gsi send, aber esch eifach traumhaft gsi ond sÄsse wörkli top. Mer send au im Juni gsi ond es het ned vell Lüt gha was super gsi esch. Personal esch sehr fröndlech gsi, hesch chönne in verschiednige Restaurants ässe, was mer au sehr gschätzt händ.
Vell Spass bim ussueche!
|
|
|
|
22.11.08 20:40
Taneli
|
Re: Karibik - Dominikanische Republik
Hallo Zäme
Danke vlle mol für öichi Tipps.
Mer hend öis jetzt för's Iberostar Bavaro Resort entschede. Esch sehr Priswärt aber trozdem mega de Hammer. Au d'Bewertige im Interne send sehr positiv. Gönd nechscht Woche bi Hotelplan go provisorisch bueche (leider stönt Hotelprise und d'Flugplän för Mai 09 nonig).
Liebi Grüessli
Tanja
Mer traued üs am 08.05.2009 & 09.05.2009
|
|
|
|
23.11.08 12:07
Sunshinenicht registriert
|
Re: Karibik - Dominikanische Republik
Halli Hallo
Wa als Alternative zu dä Karibik ächt z'empfehle isch: Thailand! Mer sind da Johr im Früehlig gsi und es isch genau so schö wie z.B. z'Punta Cana. Vorallem häts da Vorteil, das mer nöd mues Angscht ha, wenn mer us da Hotelalage usegoht. Meischtens häts denn gad au no e Städtli i da Nöchi, wo mer au emol ka e kli usi go pöschtele oder eis go trinke oder au go ässe. Döt isch mer i da Karibik halt me bunde as Hotel. Und vo da Prise här isch es ähnlich...
Liebe Gruess und witerhin viel Spass bim Vorbereite.
|
|
|
|
28.11.08 17:56
Mango
|
Re: Karibik - Dominikanische Republik
Hoi zäme.
S'Hotel Paradisus Punta Cana isch sehr empfehlenswert.
Ich bin au scho mehrmols i dä Iberostarhotels gsi. Sind würklich sehr guät und feins Esse. Aber für ä Hochziitsferie wäred mir diä Anlage zu gross, zu unpersönlich und halt nöd so romantisch.
|
|
|
|
05.12.08 17:33
Manuela24nicht registriert
|
Re: Karibik - Dominikanische Republik
Hoi zämme
Isch öpert scho mal im Hotel IFA Villas Bavaro oder im VIK Hotel Arena Blanca gsi?
Lg
Manuela
Mir trauet üs am 29.05.09 & 06.06.09
|
|
|
|
|
|
1 2
|
Anmelden
