ja diä gönd mir au go aluägä. säb isch glaub au tür aber das intresiärt mi dän mega
han üseri reis gsplitet uf d homepage duä dass d lüt chönd ateil schänke und das züg isch wäg wiä frischi weggli. muäs fäng täglich neui sachä druf duä sust häts nüt meh zum awähle.

aso i fende bi disneyland langet 1tag fasch förig! mer hend beidi pärk i eim tag gmacht. ond i meine die hend jo mega lang offe (bes am 10ni zobe oder so).
universal studios beni bezeli entüscht gsi, ha denkt es het me bahne oder so... aber soscht eschs wörkli cool gsi¨wenner gsend dass vell lüt astönd, nemet so en vip pass. zahlsch glaub 96$ aber chasch öberall direkt ine ond musch ned astoh. loht sech brutal!!!!

@mona: mieteter äs outo? heiter über nes reisebüro buechet?

@elea: bisch du o mitem outu underwägs gsi?

jo mer send emmer metem mietauto onderwegs gsi! musch ufpasse die probiere eim det emmer züg azdreie. de wends der es sterchers auto adreieh wel anschinend d klima alag försdeath valley zschwach esch oder si wend der no versecherige atreie. ond de verzelles der mega horror gschechte! lo di eifach ned druf i, die wend di nor abzocke! eifach zo allem nei sege ;)

jo das stemmt es chont bi disney land mega druf a wie lang dass me muess astoh, dass stemmt scho jo... velecht eifach e tag ussueche wo ned soo schön wetter esch (esch zwar schwerig in la)

mona, jo i has auto emmer scho vo dehai us reserviert. ond jedes mol hends mer öpis wele adreihe... ond si mache recht drock. einisch hends wörkli gseit, das auto wo mer usgsuecht heget förs dors death valley zfahre do sig d klima alag zschwach, do wörd s auto öberhetze ond mer wörde stoh blibe. nix esch passiert. ond woni met de kolegin gsi be hend mega drock gmacht vo wege, mer mönd e panne versecherig ha well mer soscht legge blibe ond eus de niemert chont go hole etc!. aso si send wörkli wörkli hartnäcktig!!! si sege zwar dasses nüt choschtet, berechne der aber em nachhinein happig was ufd kredit charte! bim erste mol woni gsi be, hani mi total lo ischöchtere ond ha das gmacht. wohlverstande si hend emmer gseit das choschti nix, aber of de kredit charte hani en abbuechig vo 300£ gha... em nochhinein het me das natürli nöm chöne zrog hole!! wel die chöne mache was wend, du musch jo so oder so d kreditcharte age. damet si öpis ide hand hend falls du s auto kapott zrog brengsch!
aber egal was si euch wend adreieh, EMMER NEI SEGE!!!!!

i ha de eifach emmer gseit "no, its ok thank you!" ond de hends gstörmet ond gstörmet ond i weder "no, its ok thank you!" ond ergend einisch hets ufge ond emmer öpis gseit ala "selber gschold" oder " muesch es selber wösse.."
aber ebe i be einisch drih gheit ond dorom beni alergisch of das!
aber ke angst esch ned so schlemm, eifach emmer nei sege de esch alles ok! ;) i ha extra im nachhinein bim reisebüro nomol abklärt wege de versicherig etc. ond si het gseit me sig absolut usreichend versecheret do bruchts nix me. die wend nome geld mache so!