Liebe Carmile

Vielen Dank für deine Eindrücke der Hotels. Thailand könnte auch für unsere Flitterwochen was sein - schöne Strände, Tauchregion und preislich attraktiv.


--------------------
Wir tauchen in unser neues Abenteuer am 11.06.11

Carmile, thx für deinen Bericht! bei uns ist es ja in 4 Wochen soweit *freu*... wir haben aber keines der genannten Hotels gebucht...
Aber es ist trotzdem immer schön von Orten zu lesen, wo man bald hingeht...

~~~~~sitem 17. Juli 2010 glücklichi Ehefrau~~~~~~~

nicht registriert

hej carmile willkomme zruck.. nun hesch glaubi sganze kapitel hochzit abgschlossä .. oje das wegem wetto isch halt einzige wod ned chasch änderä.

hmm also würsch dini reis nomol so machä mit denä hotels?

lg

wir sind soeben von thailand zurückgekommen. waren bereits im 2006 dort. haben nun einige tage auf phi phi island verbracht, dann waren wir in phuket und noch drei tage in bangkok. phuket ist zwar sehr touristisch, doch es gibt einige schöne, lange sandstrände (karon, kata, kata noi), welche ruhig und auch nicht so voll sind. waren im 2006 anfang november dort, hatte viel weniger leute an den stränden, waren teilweise fast alleine dort. hatten wunderschöne, sonnige und erholsame tage und ich würde immer wieder nach thailand!

hi sinna

du häsch recht, dsuite isch au einiges türer wies doppelzimmer. i persönlich würd es doppelzimmer sofort wieder neh, han all zimmer chönne go aluege und find de ufpris fürd privacy ide suite nöd würkli lohnenswert.

http://urlaubswelt.neckermann.ch/Pauscha....49545-0.1.html

bi neckermann kostet zb. im april (siehe link obe) 2300 euro für ei person im doppelzimmer inkl. früähstück. afang mai (und ade grenze zur regezit isch es würkli nöd sones problem mit em rege. mer hingege sind en ganze monet ide regezit gsi) kostets 1900 euro. wenn me bedenkt, dass devo de flug allei um di 900 euro isch, findi die 100 fr. pro person pro nacht inkl. früähstück grechtfertigt. zumal es esse vor ort und massage sehr günstig sind. zb. 8 fr. für spaghetti carbonara, thai esse isch günstiger. wenn länger als 2 wuche gosch, wird es ganze natürli günstiger im verhältnis. maledive kriegsch sicher au was für de pris, absolut. aber es 5 stern wird schwierig zu dem pris, va. isch sesse vor ort halt einiges türer. i bin selber nonig gsi, aber ab dem wo i ghört han. mer hend nöd nur drum recht wenig zahlt (glaub um di 60 fr. pro nacht pro person) will mer ide regezit gsi sind, sondern au will mer länger gsi sind und de flug separat buecht hend über STA travel.

drum, insgesamt 8300 fr. für en monet ferie im absolute luxus mit esse, usflüg etc. für üs zwei, findi top. das hend mer bisher nur mit zelte ide usa hikriegt, aber sicher nie mit 5stern hotel, somene service und teils no bungalows mit 80 quadratmeter :-)

aber jo, isch jedem sini eignig entscheidig. hetti chönne wähle, hetti am liebste au maledive gha oder mauritius, eifach will das min honeymoon traum gsi isch. aber denn hetti gern es wasserbungalow gha und däzue hi es 5stern hotel und das zeme mit de hochzit isch eifach nöd gange und zudem findis eigentlich ehrlich gseit au chli gstört 10 000 fr. usgseh für zwei wuche. das isch es mer irgendwie nümm wert und i möcht nöd üses johresbudget für ferie für zwo wuche gad ufbruche. nögst johr werdet mer üs aber sicher nomol as projekt maledive woge.

grüesslis

hi sienna

es chunt halt au sehr druff a womit dass die hotel verglichsch. innerhalb vo thailand sind sie sehr tüür. i han vor 3 johr für 10 fr. pro nacht und person a super schöne stränd übernachtet. aber es sind au einfacheri unterkünft gsi ohni klimaalag, nur mit fan und eifachem bad. dass es gross türer worde isch innert dä drü letschte johr hani jetzt weniger sgfühl, aber sicher im verglicjh zu vor 10-20 johr. me mues aber au gseh dass dinfrastruktur sehr zuegno hät i dere zit. i chönt mer vorstelle usde erzählige vo kollege wo in vietnam gsi sind, dass vietnam momentan no chli so isch wie thailand vor einige johr. bin aber selber nie döt gsi.

jetzt zu dim satz, dass für das geld au viel anders findsch. absolut. dfrog iscch mit was dass es verglichsch. wenn sontig schöni stränd möchtsch, warms klima, schöni unterkunft mit gueter infrastruktur und sehr fründliche service zahlsch aber ade meiste andere ort me. also i han zumindest ide usa ade ost- und westküste, in china, australie, ägypte, singapur und min schatz in neuseeland, hawaii etc. no nie öppis verglichbars gfunde vom pris-leistigsverhältnis. und sonen super service hani bisher erst im quellehof in bad ragaz gha wo mer ghürote hend und letscht weekend in lyon. sus hani das no nie erlebt und bin scho i einige guete hotel gsi.

in europa findsch natürli einiges schös a unterkünft für de pris, dlandschaft isch natürli au anders und hüffig leider au de service nöd glich zuvorkommend. in europa zahlsch denn aber pro nacht für es 5stern hotel aber meist au 100 fr. a ufwärts pro nacht und person und sicherlich me fürs esse.

lueg, i möcht di nöd vo thailand überzüge, jede söll döt hi go wo er wött. i krieg jo kei provision däfür :-) was mi eifach würd wunderneh, mit wellne länder du verglichsch und was ihr genau suechet. wenn mer en gheimtipp häsch wo i für 8000 fr. chan en monet ferie mache mit dem luxus, denn probier i de me als gern us. i bin do überhaupt nöd länder fixiert. mi würd au südsee, hawaii, afrika etc. mol reize, aber für all die destinatione mönd mer denn es bitz tüüfer is portemonnaie griffe, drum wartet mer no es bitz dämit. drum, poste doch dini vorschläg mol do im forum, das bringt au andere sicher öppis.

grüesslis carmile