hey saerli

hehe was für e überraschig, ja ich han de trip scho mal gmacht! ich hans meeeega cool gfunde, sind a eim tag vo miami nach key west, d'fahrt det abe isch scho sehr speziell über die brüggli ine und key west hät mir meeeega guet gfalle, sind dänn zwei nächt det une bliebe! isch eifach so e spezielli atmosphäre det une, alles mega easy und gmüetlich, hät mir super gfalle, chani also wärmstens empfehle!

lg nimbini

Wir haben diese Woche unsere Flitterwoche an der Ostsee gebucht.
Schön mit Wellness, Strand und Meer. Und einer Kutschenfahrt über den Darss.

Zivil 14.07.12 im Thurgau, Kirchlich 21.07.2012 in Sachsen

nicht registriert

hey saerli

han dä trip au schu gmacht und es hät mer au meeega guat gfalla. miar sind noch orlando gfloga und denn überi richtig tampa/clearwater und dött abagfahra.. isch super gsi.. denn d'keys füra.. hammer! key west isch echt cool. hät überall so cooli klini restis und au d'lüt sind ganz andersch (händ miar zumindest ds gfühl kha). uf am rückweg hämmer no an stop in key largo gmacht und dött au ganz as cools hotel kha. wenn d'fluat kho isch, sind alli liegestüahl im wasser gstanda, haha.. in miami hät's denn leider fascht 3 täg lang duragrägnet.. das isch as biz pech gsi. aber sus: top!

saerli, mir wärde in Florida folgendi Rundreis mache: Vo Miami nach Orlando, denn übere nach Sanibel Island und denn via Naples und Everglades zrugg an Flughafe Key West wärde mer nit mache, do mir jetzt scho paar gseit händ das es sich mit Kind eher nit lohnt. Meischtens fahrsch am einte Tag abe und am andere widr ufe. Und unde kasch schiens super go tauche und in Usgang. Aber wenn mr dr Klei nit drbi hätte, würde mer ganz sicher abefahre. D Bruggene sind schiens scho no speziell zum drüber fahre und au aluege.

*** 30.06.2012 ***

@saerli, nei bahamas bini no nie gsi! isch jetzt aber ehrlich gseit au nöd en ort, wo mich reizt, han leider nöd soviel guets ghört drüber! aber de beach in miami isch im fall au cool und suscht chani eu no clearwater empfehle, meh seit, isch eine vo de schönste stränd in florida und ich hans au sehr cool gfunde! mir händ ebe au e 3-wüchigi mietwage-rundreis gmacht in florida, hans mega lässig gfunde und meh chan halt sehr viel unternäh! wänn zwüsched november und mai nach miami gahsch, isch d'chance nach räge eigentlich gering, also ich bin ja scho 6 mal in miami gsi und ich han nur eimal räge gha, das isch aber mitti juni gsi..... ich liiiiiebe miami über alles, det chani dir dänn au no einigi tips agäh, wänn wilsch! ebe, bin ja scho es paar mal gsi....

@saerli, also ebe, ich bin no nie gsi, aber ich han ghört, es seig meh schein als sein und cylli81 bestätigt mir jetzt eigentlich au grad das, woni scho ghört han.... aber schlussendlich find ich immer, muess meh sich es eignigs bild mache vonere destination und wänns eu aspricht, dänn go for it... ich glaube aber, für badeferie gits vieli destination, wo eifach schöner sind.... dänn gönd ihr lieber vo de usa us no id karibik, isch ja au mega nöch.....