Liebe Bräute, mein Polterabend steht bevor...... was mussted iher so alles machen? Das typische mit "Sachen verkaufen", "Stripper", "Essen & Party machen" etc. oder was habt ihr so gemacht bzw. was wurde für euch organisiert?
Mer send zerst ganz gmüetlich gu esse, de hend mi mini Fraue und mi Brüeder(Trauzüge) als Hello Kitty ikleidet! En coole Haarreif, e HalsChetti und Armchetti hets drzue gäh! E Ballon vo Hello Kitty hends mer au nu id Hand drückt!! Es T-Shirt mit emene Spruch,dassi däg hürate hani de und e Hose mit FrankeBeträg ufzeichnet dörfe alegge! Mini Ufgab isch gsi ade Manne sZetteli vodr Unterhose abzschniide (mit minere Hello Kitty Schär) und ines Album, natürli vo H.K. inechlebe! Und dass ich chli Geld verdiene, hani müsse Manne drzue brenge dass sie e Chreis vo minere Hose mit emene FrankeBetrag usschniidet! Dä Betrag wos usgschnitte hend,hends mer de "müsse" gäh! Also mier hets riesig Spass gmacht,dLüüt hend super mitgmacht! Was hend ier so müsse mache, intressiert mech au?
* mier freuet üs ufe 2.7.2011 und säget JA zunenand *
Also mich hends dihei z zweite abholt, det hani so doofi Pijama Hose in Pink müese azieh (söss na nüt) und so mit dene zwei Ladys uf Zug. Hei d lüt hend mich aglueget als ob ich gaga bin Bim Bahnhof hend mich denn die andere 9 Mädels erwartet und na fertig ikleidet. Sie hend all Tüfelshörnli agha und es T-shirt wo vorne druf gstande isch Zahtüfeli und hinde es Zahtüfeli drug gsi isch. Nacher hani so es Pijama in Pink agha (het sölle es Zahnarzthelferinne- Dress si ) und denn hani im Zug uf Luzern agfange Shots und Zahhygieneartikel und Gummibärli verkaufe. Z Luzern hends mir denn na s Finish geh, en riese Zahhuet. Heieiei, det hani scho en Moment brucht bis ich en agleit han. Ja und denn hani na so e Zahböxli becho mit Ufgabe zum löse. Z.b. Zumba tanze mit eme Hufe Männer oder eme Maa e Ruckemassage mache und luter so Züg. Nebed em Verkaufe..., isch echt lustig gsi! Nacher sind mir go esse und nach em esse hend mir na echli wietergmacht. Sind denn aber vomene Männerpolterabig id VIP Lounch im Casineum iglade worde und hend det abgshakt bis am Morge früh...
Hallo Mädels! So, mein Polterabend ist vorbei und ich habe meinen Kater langsam auskuriert... Es war ein genialer Tag! Morgens um 8 Uhr musste ich bereit stehen. Meine eine beste Freundin (bridesmaid) holte mich ab und wir fuhren zu meiner Trauzeugin nach Hause. Dort gab es ein wunderbares Frühstück. Danach machten wir uns auf an ein für mich unbekanntes Ziel. Wir gingen zu einem super Seilpark!! Es war wirklich genial. Danach assen wir zu Mittag. Danach gings zu mir nach Hause, duschen. Um 16 Uhr kamen die anderen Mädels und wir konnten erst mal anstossen. Dann wurde ich eingekleidet... Als Prinzessin... Mit Diadem, Schleier, weisser Leggins, weissem Kleid, pinkigem Shirt darüber und pinkigem "Tütü"! Sehr amüsant... Schmuck gabs auch, sogar einen Ehering (eine pinke Blume...). Wir fuhren dann los und ich musste 1h Dinge verkaufen... Das war sehr lukrativ! Dann gingen wir nach Hinwil ins Pirates und assen und feierten dort... Wirklich viel Spass, trotz schlussendlich zerbrochenem Diadem Der Heimweg machte keinen Spass mehr... Hab wohl ein, zwei Shots zu viel gehabt... Gefahren wurden wir vom Bruder meines bridesmaid... Das war auch genial! So das wars! Bin immer noch etwas k.o.
Au ech ha am Samstig min Polterobig gha. Bi mer esch es am drü am Nomitag losgange. Ech ha aber vo nüd gwösst. Mini Schwöstere händ mech metemene Vorwand i mis alte dihei glockt. Mis Mami ond mini Trauzügin händ de "per Zuefall" no müesse id Landi go poste ond ech ha müesse go hälfe (sie hed welle go en grosse Tontopf poste). Bi de Landi ofem Parkplatz esch de en horde Fraue gstande. Im erste Augeblick hanis gar ned tschegget, dass da mini Ladies send, wo det Apero nehmid. Händ all es Sennehemdli agah ond super usgseh. Ech ha de au so eis öbercho ond de no en "Batze". Ha mi nämmli müesse id Landi go ikleide. Ha de es paar super Latzhose, ganz schöni Händsche för i Garte "met Erdbeeri droffe ond no es "wunderschöööns" Hoorband kauft. Das hani de natürli alles zo min Sennehemdli döffe alegge ond wo mer am Apero näh gsi send, händ mer no min Begleiter för de ganzi Obig vorgstellt. Sones Ross, zom drischlüfe
Mer send de wiiter ofne chlini Aperotour ond nocher weder bi min alte dihei glandet, wo mer gmüetlech brötlet händ. Det hani de au no es paar Spieli "döffe" mache. Zersch hani müesse min Schatz in Teig forme. De Zopfteig esch scho fertig gmacht gsi, ech ha en de eifach müesse forme ond met Wiibeeri, Nüsse ond Mandelsplitter alli Details no dezuefüege.
Den hani müesse euses Lied met Schnaps gorgele ond zwar so lang, bis desi usegfonde händ, welles Lied, dasses esch. Dasch no huere schwerig gsi. Di erste paar mol hani mi verschlöckt ond de esch es ebe emmer schweriger worde...
Am Schluss hani mim Schatz no en Liebeserklärig müesse ofes grosses Packpapier schriebe. Am nöchste Morge hani entdeckt, dass die Liebeserklärig bi eusere Wohnig vor osse äne ghänkt händ.
Noch dene Spieli ond em gmüetliche Znachtässe send mer de wiiter as Auwer Dorffescht. Dasch bi eus i de Region sehr es bekannts Fäscht. Ech ha natürli mini Verkleidig ond s'Rössli emmerno a- ond debi gha. Esch mega lässig gsi. Ech ha sehr vell Lüüt könnt ond min Kindergartefrönd hed per Zuefall au grad Polterobig gha.
Schlussändlich ben ech de am 7ni am morge deheime gsi. Mer send no binere Kollegin go z'Morge ässe ond nocher hani definitiv nöm möge ond be total müed aber happy is Bett gheid.
Ich hatte so ein "Tussin on tour" Helm an mit 2 Becher auf den Seiten mit Schleuche, so konnte ich immer etwas trinken Dann hatte ich ein T-shirt an wo "Braut" drauf stand und meine Mädels mit "Braut Security". Ich bekam ein kleiner Kiosk zum umhängen und musste Shots und Süsses verkaufen... So peinliche Spiele musste ich nicht machen, zum Glück! Später kam uns eine weisse Stretch Limosine holen und fuhren mit 2 Schämpis Flaschen ca 1 Stunde in der Stadt herum. Das war megaaa cool!!!
Anmelden
was mussted iher so alles machen? Das typische mit "Sachen verkaufen", "Stripper", "Essen & Party machen" etc. oder was habt ihr so gemacht bzw. was wurde für euch organisiert?
! Es T-Shirt mit emene Spruch,dassi däg hürate hani de und e Hose mit FrankeBeträg ufzeichnet dörfe alegge! Mini Ufgab isch gsi ade Manne sZetteli vodr Unterhose abzschniide (mit minere Hello Kitty Schär) und ines Album, natürli vo H.K. inechlebe! Und dass ich chli Geld verdiene, hani müsse Manne drzue brenge dass sie e Chreis vo minere Hose mit emene FrankeBetrag usschniidet! Dä Betrag wos usgschnitte hend,hends mer de "müsse" gäh!
