nicht registriert

Hallo zämä

Mir wärde nur zivil hürate und ä Kollegin, vo Standesbeamtin isch, het mir gseit, dass mir ca. 5 -10 Minute vor zivile Trauuig säuber chönnte gstalte (bsp. mit Sängerin, Ringe tuusche usw.).

Mir würde vo dere Zit gärn Gebruch mache, für üsi Trauuing chli persönlecher z gstalte. Bis itz isch vorgseh, dass mir wei d Ringe tuusche und mini Trauzügin öppis würd singe (sie het früecher Gsangsunterricht gha und scho öfters bi Hochzite gsunge...). Mir si itz am überlege, öb mir üs bim Ringtausch ono äs kurzes Eheverspräche wette gä. Macht das öpper vo euch o oder het das öpper scho miterlebt?

Hallo monwypenny! Mir hend vor genau eim monet zivil ghürotet und näbscht zwe sängerinne (2 lieder hends gsunge) hend mir eus bem ringtuusch es trauverspräche gäh. För mech esch das de schönscht momänt gsii öberhaupt, sehr berüehrend und bewegend!!! Mer hend enand vorhär ned gseid was mer säged, und es esch eifach nume schön gsii! Dur das wird trauig au sehr persönlich, und ned nur be mer send träne gflosse - eusi gäscht hend eusi trauig genau so schön und bewegend gfunde wie mer