Ou ja, das wär de nätt we du mi da ufem loufende würdsch haute..... MERCI!!!
Ja säg nüd, de räst söt me ja de ou ma a fah plane oder ömu d Iiladige mau chönne verschicke...... Das isch geng so es züg mit däne Ämter!!

Stimmt, im Winter si aube weniger Lüt wo wei hürate.... Mir wete äbe im Früehlig.... Mau luege...

Mir hei zwar o nid viu mit de Kirche am huet, aber mi troum isches äbe scho in Wiiss ds hürate... aber weisch, mir mache de am Pfarrer scho klar, dass da nid zviu über Gott gred wird, das söu ruck zuck gah.... U mir tüe im Tessin när chirchlich hürate, das isch o scho lang mi Troum!!!!! ;-))))

i bi o scho chribbelig, weni a das ganze Züg dänke.... aber wie du seisch, eigentlich geits no rächt lang, aber äbe.... es bruucht gliich rächt lang, bis me aues planet u vorbereitet u organisiert het...... i hoffe o für euch, dass aues so klappet wie der nechs vorgsteut heit u stress söu de scho grad gar kene uf cho!!!!!

mir si üüs no nid sicher mitemne Datum, i dänke irgend eis im April oder Mai näme mer de... aber das für ds chirchliche weti de scho säuber bestimme..... ;-)

Bi am Samstig grad ds Lugano imne Brutchleider lade gsi, aber die hei nüd gha, auso ja, nüd wo mir gfaue het... jetz woti de hie mau ids Brutparadies ga schnouse.... ha im Internet scho ds einte oder andere Chleid gseh, wo mir würd gfaue, jetz woti de äbe ga luege ob sie die o hei.... choufe woti no grad kes, i wot zersch abnäh u im Herbst si sie schins abeggschribe, me söu denn ga luege... Kollektion vom 08 wird denn abegschriebe si, hani aus tip hie im Forum becho!!!

Wosch de du am Ziviler in Wiiss hürate??

ig hoffe ou dass es so wird wie mir üs da vorsteue und dass aues klappet, das wünschi öich natürlech ou!!

nei ig wott nid in wiiss hürate, ig ha eher häui huut und nid so gärn wiiss.
aber ig ha no kei ahnig, wasi de süsch söu alege. öbs de überhoupt es chleid wird isch ou no d frag, weiss ja nid, wie chauts de würklech isch und, und, und.. frage über frage ;)

wahrschiinlech wirds aber scho es chleid, wüu ig wett scho nid unbedingt in hose hürate

hesch dr scho überleit wasd am ziviler wettsch alege?

Stimmt, bi dir chunnt no d Frag wie chaud dases wird sii.... aber i würds im fau no schön finde, we du es chleid würdsch a legge... klar, es git schöni hose azüg, aber mi dünkt es chleid wiiblicher!!

säg nüd, frage über frage.... ach göttchen, i weiss eigentlich gar nid gnau, woni söu a fah... weni so hie im Forum lise, si teu scho meega wit, o die wo ersch im Juli oder no spöter 09 hürate... i mir si mau so easy peasy am a fah luege......

ha im fau no gar ke atrag becho, mi fründ het mer aber de uftrag gäh, i söu mau a fah ume lose u luege, wägem Zivilstandesamt u was mer müesse mache für im Tessin chönne chirchlich ds hürate..... auso, macheni das...

ehm, gueti frag, wasi am ziviler wet a legge, uf jede fau es chleid.... sones bordeaux oder violett wär no schön.....

i gloube es git im Fau chli dickeri Strümpf wo du süsch chönntsch a legge, dass de nid au zu chaud hätsch..... u viellich chasch ja Stifle zum Chleid a legge?? Irgendwie so öpis....