hallo madmadi

besch aso werklech e superhübschi bruut gseh ond s'chleid wod am zivile a gha hesch esch ou megaschön!

wasi no ha welle froge: wie hend dnamenstäfeli ghebet? alles guet funktioniert?

gruess tess

Sali zäme, danke für'd Komplimänt, be wörkli au z frede gsi, was die Schminkerinne und Coiffeuse gmacht händ, muessi zuegä. Es isch mer de ganz Tag pudelwohl gsi.

@ Tess: D Nämeli händ teils guet ghebt, teils ned so - es chonnt schinbar rächt ufe Stoff drufa, wo si druf kläbt wärde. Äuä hämmer bem Usprobiere eifach Glöck gha.

@mondfee: Isch gärn gscheh... Um dini Frog bezüglich Voice-Mai lz beantworte: beides, Tanzgruppe und Musical. Mer hend s Schlager-Programm usgsuecht, das esch en Halbstond Schlager nonstop mit Tanz und Schauspiel. Si send eifach bombastisch gsi!!! Cha si nor wääärmschtens witerempfähle - si täte au i de Chele (denn natürli schöni Liebeslieder) singe...
http://www.voice-mail.ch

Grüessli
madmadi


Sit em 8. August 2008 glücklichi Ehefrau!

Editiert 09.09.08

Sorry, Tess, das weissi ned - i ha no kei Rächnig öbercho ond es esch ebe ursprönglech so gsi, dass öis mini Schwöschter (d Karin, wo au debi esch) das het welle schänke - jetzt chonnt's zwar chli anders, aber di ganze Verhandlige het sie gmacht... i muess si zersch froge ond ene mol säge, si sölle doch so chli Richtprise uf d HP lade.

Also, vor es paar Johr hani si au för en Personalalass buechet ond denn händ's för en Obeunterhaltig mit drü Blöck no Fr. 500.-- koschtet. I glaube, si send jetzt afig chli tüürer, aber för z.B. i de Chele singe, goht's velecht no. Send halt de grad es paari, öpper eleige choschtet äuä weniger.

I mälde mi, sobald i ungefähr weiss, was si ame öberchöme.

Grüessli
madmadi


Sit em 8. August 2008 ändlech glücklichi Ehefrau!

Also mini Liebe, Voice-Mail choschtet för en Hochzitsuftritt so um di Fr. 850.--. Si händ aber kei fixi Prise und es chunnt immer chli ufe Ufwand (Afahrt, Azahl Lüt etc.) und d Art vom Programm drufa. Isch jetzt so i absolute Zahle no veu, findi, aber si send ehre Pris meh als wärt ond es sind natürli ame mehreri Persone.

Mer cha si natürli au als Obeunterhaltig odere ebe wie mir zum Apéro bueche. Wer Interässe het, söll sech eifach via Homepage mälde. Si verschicke denn en Demo-CD und mer söll gärn emol en Prob vo ehne go luege/lose, um sich es Bild z mache.

Viel Spass witerhin bim Vorbereite und Organisiere!

Grüessli
madmadi


Sit em 8. August 2008 glücklichi Ehefrau!