Hallo zusammen
i bin hüt a de "trau dich" mess gsy in zh und han ehrlich gseit chli meh erwartet. han sie rel. chli gfunde. isch soscht no öber gsy? i han eifach saagebot vo de ussteller chli mikrig gfunde, hett wenig karteussteller gha und praktisch ke floristin... isch hüt öber a de hochziitsmess uf em messgländ gsy? i han mir drum überleit, obi echt murn no söll a die goh.

Liebi Grüessli

Hallo Jeannine

Ich bin gestert au a de Trau Dich gsi, und hans au nöd so de Hammer gfunde! Sueche no Brutschueh und en schöne Halsschmuck und han ghofft ich chönnt det öppis finde...aber leider hetts al das gha, won moer bereits organisiert händ...und au vo de Frisure Show bini ettäuscht gsi. D Bruutmode Shwo allerdings hett mer guet gfalle.
Ich chönnt mer guet vorstelle, das d Mess in Oerlikon e chli e grösseri Uswahl hett. Sie isch ja s au s ersti Mal in Züri..

Grüessli Andrea

hallo mitenand

itz nützt d info öich vilich nümm so vil, aber trotzdäm: mir si am samstig o zersch a d "trau dich" und si rächt enttüscht gsi. wil mir denn rächt schnäll gnueg hei gha und vorer heireis no dr ganz nami vor üs isch gläge (mi verlobt hett ds gleis7 ...), si mir när no spontan is messezentrum a d hochzeits- und festmesse. das isch würklech wie e anderi wält gsi, uf anhieb hett üs d atmosphäre vil besser gfaue, s isch alles uf eim bode und sehr schön zwäggmacht gsi.

dr einzig nachteil isch gsi, dass mir scho kilo-wiis material vor trau dich hei drbi gha und s ke garderobe hett gha, so dass mir mit wintermantel und sack und pack chli is schwitze si cho...

die antwort isch halt itz meh für alli die, wo sich im nächste jahr zwüsch "trau dich" und "hochzeits-und festmesse" müesse entscheide...

grüessli
meitli