Hallo zäme

Mir hei üs am 25. Juli 2008 am wunderbare Blausee z Ja-Wort gä. Es isch absolut romantisch gsi u mir si beidi immer no hin u wäg vo däm Tag, auem Erläbte, dene vielne Gschänk, dere Härzlechkeit vo de Gescht u eifach vom ganze Tag. Es isch würklech dr schönscht Tag i üsem Läbe gsi. Hürate isch seeehr empfählenswärt! Mir hei es super Trouzüge-Team gha wo dä Tag perfekt het organisiert gha!
Für aui wo's no vor sich hei: gniesset d Vorbereitigszyt u fröiet öich uf dä wahnsinns Tag!! *schwelg*

myri

Wow! Am Blausee isch jo wunderschön!!! Do händer jo en Hammer-Location gha!
Gratuliere euch härzlich zum Hochzit und hoffe, ehr chönd no gaaanz lang vo däm super Tag zehre!!! Alles Gueti für euchi Zuekunft!

Be öis isch es jo jetzt denn au sowit und mir freued eus riiiesig druf!


Grüessli
madmadi


Ich hürote mi Schatz ganz genau 10 Johr nach öisem erschte Koss, am 8. August 2008!

mer hend au am 25.Juli ghürote dönd etz am Samstig no kirchlich. Alles gueti