07.12.06 16:59
kki 
|
Re: Neuer Talk
Apropos Chalti Lüüt, han geschter sooo Krach gha mit minere blöde Tante. Mir händ bi minere Grossmuetter gchläuslet, min Vater, mim Brüäder sini Fründin, mis Grossmueti, min Götti und sini Frau (das isch mini Tante).
Hey, die sind cho, aneghockt, händ gfrässä und gsoffe, dänn plötzli staht si uf, gaht no (zum 3tä Mal) schnäll use go rauche, dä chunnt si ine, staht näbäd dä Tisch, mir all nochli am Ässe und gspröchle, min Götti au, "So,ich will jetzt hei" oder "Jetzt gömmer" oder so ähnlich. Ich bin schomal chli hässig worde. Dä hani gseit, ok, dä chömmer ja no zämä uufruume, will mini Grossmuetter mag doch nöme so und eigentli ischäs nöd min Job s Züügs uufzruume. Ok, si hät chli ghulfe die 6 Täller abzrume, hät alles eifach uf d Chuchikombination gstellt, nöd Nüsslischale in Chübel grüährt oder Teller id Abwäschmaschine ta, nüt. Und dänn hät si gseit, so mir gönd jetzt. Es isch ALLES no uf dä Chuchikombination gstande es paar Sächeli no uf em Tisch, dä Tisch isch no nöd abgruumt gsi nüt, ich han mich mit em Chübelsack abgmüäht, will mis Grossmuetti nödemal me rächti Chübelsäck gha hät. Läck, da bini soooo hässig worde, han umegschroue, was das eigetli sölli, huere Schmarotzer (so schlimm hanis gläbs nöd gseit), ich seig di einzig wo mit em Bus da isch und chan jetzt no alles ellei uufruume. Hanere nödemal me Tschau gseit.
Ich bin ja mega unschlüssig gsi, eb ich si (min Götti und mini Tante) söll iilade. Dänn hani min Götti gseh und am Afang isch mini Tante nonig schlimm gsi, dä hani dänkt, momol, ich lad si ii. Dänn verzellt mer min Götti er seig ame Hochziit gsi, wo s Bruutpaar nöd heigi welle, dass mer dine raucht. Dä seiger immer ellei am Tisch ghocket, will all andere use go rauche seiged. Mini Tante seit, ja, dänn isch z ässä cho, dä simmer go ässä, wänn dä Gang fertig gsi isch simmer wieder use go Rauche bis dä nächscht Gang cho isch. Und min Götti seit, er würd s nächscht Mal gar nöme a sones Hochziit ga. Hät mer scho dä erschti Gong gä. Isch ja nöd am Bruutpaar sini Schuld, dass d Raucher sich so assozial ihm gägäüber verhaltet händ. Han dänkt, ok, ich würd sie eifach ame gmischte Tisch plaziere, dänn sind nöd all wäg. Und nacher ebe das i dä Chuchi. Das hät s Fass zum überlaufe bracht. Ich lad mini Tante ganz sicher nöd ii und min Götti wahrschindli au nöd, will er ohni si eh nöd chunt.
So, jetzt hani mim Fruscht Luft gmacht 
|
Anmelden
