nicht registriert

Hoi zämme

Da min Fründ und ich nöd wüsset, was besser isch, fräg ich eu mal um Rat.

Üsi kirchlichi Trauig findet recht abglege und wiet weg vo üsem Wohnort und au üsne Arbeitsort weg. Für die gladne Gäst isch das keis Problem, die verbringet ja fast dä ganz Tag mit üs und chönet au im Hotel übernachte.

Was isch mit dä Arbeitskollege? Würdet ihr für die nach em Zivile en Apéro mache? Mir hüratet det wo mer wohnet und in dere Gmeind schaffet au min Fründ. Vo mim Arbeitsort ischs au nöd wiet weg.

Oder ischs blöd, am Kirchliche denn nur gladni Gäst däbi z'ha?

Dämit ihrs euch besser vorstelle chönet: mir händ recht ä beschränkti Azahl Gäst. Apérogäst hetet mer 30 Lüt und es bitz meh als 40 gladni Gäst.

Bin gspannt, wie ihr das gsehnd.

Lg

Manuela

Mir trauet üs am 29.05.09 & 06.06.09

Hallo Manuela

Also be üs isch es so gsi, dass mer nur 46 gladni Gäst gha hend. Mer hend also kei Apérogäst a de kirchlichi Trauig gha und am zivile au nöd. I ha das viel besser gfunde. I ha würkli mit jedem Gast chönne rede. Mer hend au nöd a üserem Wohnort ghürote und döt wo üseri Kapelle gsi isch, wärs eh nöd so guet gsi für de Apéro also hend mer de im Schloss gmacht wo gad au Esse stattgfunde het. Do i gad im April min Job gwechselt ha, han i au nöd so Bedürfniss gha zum gad mini Arbeitskollege izlade. I ha denkt i werd mol im Büro no en Apéro mache. Bim mim Maa hend mer sini Arbeitskollege dahei be üs zum Apéro iglade.

Es het zwar a paar Kommentär vo Lüt geh, wieso i kein Apéro gmacht ha für d'Lüt wo i Kirche sind go luege, aber i ha au nöd offiziel Iladige gschickt. Isch mängisch scho komisch wie Lüt sich ab so öppis ufrege chönd.

Schlussendlich muess es für eu stimme, und i has würkli lässig gfunde, dass mer nur gladni gäst gha hend. Isch eifach gmütlicher gsi

31.07.08 & 02.08.08

Bi üs isch es so gsi, mir händ am Zivilä eifach öpis vorbereitet bi üs dihei uf em Gartesitzplatz. Dänn s Standesamt isch z Fuess grad 5min vo üs Dihei. Mir händ üs überrasche lo wer so chunt und promt es sind e hufä Fründe, Familie und Verwanti dötä gstande wo mer us em Standesamt cho sind.
Mir händ üs uh drüber gfreud dass au am Zivilä viel Lüt a üs dänkt händ.

Am Hochziit sälber händ mir dänn en grosse Apéro gha nach de Chile. Es sind sicher 350 Lüt cho. Verwanti, Bekannti, Fründe, Arbetskollege, Vereinskollege u.s.w. Ich ha das mega iidrücklich gfunde, dass so viel Lüt nume wäg üs cho sind.
Für mich isch de Apéro s Wichtigschti gsi, dänn döt hämmer mega tolli Begägnigä gha mit Lüt wo mer zum Teil au scho uuuuhh lang nüm gseh händ.
Bi üs im Dorf ischs halt au üblich, dass es Lüt git wo ohni Iiladig chömät und es Gschänk bringet wänn sis im Pfarrblatt lisät und eim kännät.
Min Maa und ich mir sind nu i Vereine und hät drum dänn au en riese Spalier gha.
Das ich eifach mega gsi wänn us de Chile chunsch und all dini Fründe sind döte.

Ich persönlich heti nie uf das verzichtet.

Für Fründe würd ich au witer fahre und wänn i nume für de Apéro iiglade bin.

Grüessli


I bi sit em 1. Septämber 2007 glücklich verhürotät... 1. Hochziitstag scho verbi!!!