| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
abnehmen bis zur hochzeit
 1 2 3 4 5 6
19.03.09 15:59
sabo 

Re: abnehmen bis zur hochzeit

Frangipani, das Problem känni ebä au

19.03.09 16:02
fraztaz 

Re: abnehmen bis zur hochzeit

i ha o eher zwenig we zviu. aber mim schatz gfauts so

Am 05.09.09 isch es sowiet!
19.03.09 16:03
Fischli 

Re: abnehmen bis zur hochzeit

Hallo zusammen

Auch ich will noch ca 4 Kilos abnehmen. Habe bereits 15Kilos abgenommen. Seit 3 Wochen gehe ich zusätzlich 2-3x die Woche walken, und hoffe so noch was an Bauch,Beine und Po abzunehmen. Mache mir aber keinen Stress mehr, wenn es klappt das ist es super, wenn nicht, hauptsache ich nehme nicht mehr zu. Ab ca Mai will ich denn auch wieder 2 x wöchentlich meinen Kilometer in der Badi schwimmen.
Ich schaue einfach auf meine Ernährung, trinke nur Wasser, keine stark fettigen und süssen Sachen. Vorallem achte ich auf meine Gemüse und Früchte-Rationen. Ganz klar geändert in der Ernährung habe ich das Frühstück, da esse ich immer 200gr. Naturejoghurt mit einer Frucht und ca 20g Kellogs Special K. Das schemckt mir mega und sättigt ohne Probleme bis Mittag. Sicher gibt es immer mal wieder Tage bei denen ich über die Stränge schlage. Aber die vergesse ich dann schnell wieder und beginne am näschten Tag wieder von neuem

Wir könnten uns ja hier gegenseitig unterstützen wenn wir mal schlechte Tage haben, wer macht mit?

Fischli

Ä grossi Liäbi - mir hürotet am 20. Juni 2009

Zuletzt bearbeitet am 20.03.2009
19.03.09 16:06
Frangipani 

Re: abnehmen bis zur hochzeit

Heh fischli, du hüratisch ja au am 20. juni! wo genau? *gwunder*
wie machsch es dänn du mitem süesse? ich muess eifach jede tag mini "ration" süesses ha, bin so en süesse tiger...! salzigs chani ohni problem verzichte, aber so schoggi und guetzli und so..!?

Ja heh ladies, ich bin überzügt, mir werded alli super usgseh a eusem tag, au nume will mir eus so fest druf freued und das würkli EUSE tag isch!

19.03.09 16:11
fraztaz 

Re: abnehmen bis zur hochzeit

hallo fischli

da mit dä unterstützig funktioniert bi mir sicher nid. isch aber lieb. i ässä kei zmorgä u ha eher am obig so heisshunger weni hei chum. vor allem hani de gluscht uf chäs u äss de ebä gliich no znacht. i mues glaub eifach no mee gmües ässä. i ha da ja o gärn. viellicht mau ä tomatä oder so statt me stuck chäs. im summer funktioniert das eigentli amig nid so schlecht (de chames gad im gartä go pflückä)

i ässä ebä so vorruckt gärn...... zzzzzz

Am 05.09.09 isch es sowiet!
19.03.09 16:14
Frangipani 

Re: abnehmen bis zur hochzeit

Heh Fraztaz, wieso issisch dänn du kei zmorge? bringsch nüt abe am morge früeh? ich ha irgendwo gläse, dass die wo kei zmorge ässed generell eher zuenähmed... vilicht wür das hälfe wenn zumindest eifach e frucht oder so issisch am morge?

Aber du häsch scho recht, ich isse au fürs läbe gern und zume feine glas wii sägi grad au nöd nei..
19.03.09 16:26
fraztaz 

Re: abnehmen bis zur hochzeit

genau dört bini de gad o däbii.

usser am wuchäend hani gar nid so hunger am morgä, das i öppis cha ässä. i ha o erscht sit churzem s'problem, das d'hosä immer enger werded. vorher hani chönä ässä was i ha wöllä.

ja o da bechumi no in griff. bi mir siis o numä öppä 5 kg.

isch ja sicher ä guetä tipp, aber frücht chani no weniger ässä am morgä.

"i bi vorher gad das buech go chaufä - Body reset" mau luegä wie da würkt (resp. wini duräheb) u xund wärs ja wahrschinli o.

Am 05.09.09 isch es sowiet!
19.03.09 16:29
Frangipani 

Re: abnehmen bis zur hochzeit

Heh du machsch ja grad nägel mit chöpf!
cool, muesch dänn brichte wies dir gaht! ..ich ha s gfühl das isch nüt für mich, wennd nume dörfsch härdöpfel ässe und kei riis, brot, pasta isch das scho z viel verzicht für mich. ich muess halt eifach luege, dass ich mit spörtle chan drabliebe und sust generell eher gsund tuen ässe. aber uf gwüssi sache ganz verzichte das chani nöd. für das iss ich echt z gern, und wird dänn au kompliziert über mittag im büro und so...

19.03.09 16:38
Fischli 

Re: abnehmen bis zur hochzeit

@Frangipani
Mir hürotet im Thurgau, idä Nöchi vo Frauefeld. Und du?
Ich mue mini täglich Ration nöd ha, aber wenn halt mol wieder so än Geburtstag oder so astaht chan ich halt amel au nöd guet uf all die feine Sache verzichte. Ich bin eher än Pommes Chips-und Chueche-Junkie. Wenn du eifach ä chlini Ration irechnisch isch das sicher nöd wieter schlimm, am beste schwarzi Schoggi und nu äs Täfeli, oder so.

@Fraztaz
Früehner han ich au kein Zmorge gässe, aber sit ich das so mache bini au viel fitter am morge und ha würklich kei Hunger bis am Mittag.

Fischli

Ä grossi Liäbi - mir hürotet am 20. Juni 2009
19.03.09 16:46
Frangipani 

Re: abnehmen bis zur hochzeit

@ Fischli! hihi, ja so viel geburtstäg wirsch ja nöd ha, oder? Ja nei du, nume es Täfeli schoggi isch mir dänn eindütig z wenig.. es reiheli oder zwei müends dänn ebe scho sii
aber ich luege eifach sust dass ich eher liechti mahlziite isse, dänn glicht sich das hoffentli wieder us!
heh luschtig, ich bin vo winti, isch ja ziemli ide nöchi! hürate tüend mir aber z hinwil, will min zuekünftige vo det chunt

 1 2 3 4 5 6
Ernährigsberotig   kirchlichen   canadienlady   hochzeit   entschlackungstag   weissmehlprodukten   abnehmen   funktioniert   Ernährungsumstellung   Ebalance-Expertin   wohlgefühlsgewichtauch   entschlackugnstag   gewichtsmanschetten   Ernährigsberaterin   Ernährigsberatig   Trauung   Höhepunkt   Deutsch-Schweizer   Ernährungsberaterin   Bodybuilder-Manne