| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
bin genervt!¨¨
 1 2
11.08.09 09:16
Muggi 

bin genervt!¨¨

Hallo zämme
I möcht eifach mol gschnäll dampf abloh..I bi so gnervt und das kurz vor dr Hochzit!
Mini Eltere vorallem mi Muetter het irgendwie immer was zmotze..weni sag i will nid alli Lüt im Huus ha weni mi umzieh möcht zur Hochzit und mi in rueh schminke wot loh chöme nur doofi kommentar de macht sie ein uf beleidigt! es schisst mi richtig ah nüt darf mr sage!
Is öpperem au so gange?

grüessli steffi
11.08.09 09:41
Immanuel_Kant  		Re: bin genervt!¨¨

Mütter sind so

Ich kenne das auch nicht anders. Bleib cool, Mütter haben das in ihren Genen. Sie haben das Gefühl, dass es nicht funktioniert, wenn sie nicht ihre Finger im Spiel haben. Es ist zwar immer gut gemeint, aber zwischendurch muss man auch die Mutter mal weg-komplimentieren.

http://de.wikipedia.org/wiki/Zensur_(Informationskontrolle)
11.08.09 09:53
schusseli 

Re: bin genervt!¨¨

Hoi Muggi

Ich verstahn dich sehr guet. Aber das muesch eifach Göschene - Airolo mache, inne und gad wieder use. Sie meints sicher nur guet und het ebe au no ihri eigene Vorstellige vo dinere Hochziit. Das tönt doof, aber es isch eso. Müettere sind amigs fast no nervöser a de Hochziit vo de Chind, wiä s Bruutpaar selber.

Ich wür ihre ganz fründlich und ruhig mal säge, dass dich das stresst und du so fast d Freud a dem ganze verlürsch. Du chöngisch verstah, dass sie au wett mit bespreche, aber es segi halt scho dini Hochziit und du würsch es gern so mache....das mun sie akzeptiere....

Kopf hoch! Müettere sind eifach am dure treie bi so Fester!


Am 05.06.2010 wird euse Troim wahr
11.08.09 10:03
sevilla09 

Re: bin genervt!¨¨

Hallo Muggi

I cha Dir guet nahfüehle. I ha ou so Diskussione... Mini Fründin/Trouzügin hett da churze Prozess gmacht und mit de Tätschmeisteri e Abmachig troffe. Mir bringe die ganz Chleidergschicht zu minere Zuekünftige Schwögeri hei und dert chöi mir üs de i aller Rueh alege und vorbereite. Vo dört us zum Coiffeur, Schminke etc. de chöi mini Eltere und Schwöster bi üs Deheime mache wie si wei und ig ha mini Rueh. Min Schatz hett gmeint das sig en gueti Idee und er lueg no öb er Deheime bliebi oder zu sine Eltere göng ga umzieh. So wie ig ihn kenne, wird er Dehei bliebe, er hett Nerve wie Drahtseili .

I wünsche Dir viel Chraft und lah Dir Dini Fröid nid ne!!!

Liäbe Gruess
Sevilla

04.09.09 Zivil und 12.09.09 Kirchlich

11.08.09 10:03
silver83 

Re: bin genervt!¨¨

ohhh, mis mami isch genau glich!!! und den red sie es paar täg nüt, oder nur znötigschtä mit mier. ich gsehs wie d schusseli, eifach durchzug machä und ihrä erklärä das es idnä tag isch und seisch was lauft. ich will au elei si bim umziehe. drum mach is gad bir trauzügin dihai. ich wohnä huus an huus mit minä eltärä, do wer sie schnell mit derä tantä und dieser nochbüri in der chuchi... also ich verstohn dich voll und ganz

Lg und lon dier nid dfreud neh



Sid am 13.02.2009 verhürotet und am 02.10.2010 isch üserä grossi tag
11.08.09 10:30
surri 

Re: bin genervt!¨¨

Hallo Muggi

I cha di ganz guet verstoh; di Schwimü und Müettere sind unmöglich!
11.08.09 10:34
Inessa

nicht registriert

 Re: bin genervt!¨¨

ist normal, einfach sagen "ja mutti" und machen was man will, hat mir mein mann beigebracht ohne ohne eltern wäre es ja auch nicht schön oder?

*Wir haben uns am 30. Mai 2009 das Ja-Wort geben dürfen*

*Meine Beiträge beziehen sich jeweils auf meine eigenen Ansichten & sind nicht bösartig gemeint (ausser ich schreibe das direkt ;-) *
11.08.09 13:03
Muggi 

Re: bin genervt!¨¨

Hey ihr liebe
Danke vielmol euch für die Wort,baut wieder uf!

Genau i versuechs uf duurzuug wird klappe.. Jä ohni Eltere wür was fehle aber nid welchi wo nörgele hihi
19.08.09 22:34
Chrigel.li  		Re: bin genervt!¨¨

...und dänk dänn dra, wenn du emol als Mueter näbe zue stasch.

liebe Gruess
Chrigel
19.08.09 22:59
silver83 

Re: bin genervt!¨¨

hoi chrigel
meistens würd mä jo ufs alter der mama immer ähnicher

also müen mier do schon no ufpassä



Sid am 13.02.2009 verhürotet und am 02.10.2010 isch üserä grossi tag
 1 2
zwischendurch   Chleidergschicht   znötigschtä   Schwiegermüetere   Schwiegertöchtere   schlussändlich   Zuekünftige   Tätschmeisteri   Informationskontrolle   respektive   Diskussione   nervosität   weg-komplimentieren   Familiefescht   funktioniert   genervt   beschäftiget   beigebracht   Vorstellige   verhürotet