Am beste gisch dire Mama e ufgab, wo sie chan erfülle. Dänn isch sie total mit dem beschäftiget und hät gar kei ziit meh, zum dich stresse. das funktioniert amigs rächt guet.
Und viellicht bisch de doch no froh, wänn d Mama ir nächi häsch, falls mal was schief louft. Mini Mama, weiss amigs für alls es trickli.

Hey Muggi
Het sich d Situation chli beruhigt? Ich glaub, es goht würklich allne Brüt genau glich. Eifach immer dra dänke, dass sis eigentlich jo lieb meined, die Müetere und Schwiegermüetere.

Schön, gsehsch, schlussändlich wird alles immer wieder guet. Bi uns hets au en Strit brucht, respektive ich bi denn eifach mol amene Familiefescht in Träne usbroche und ha gfunde ich mag jetz denn nüm, ich säg dä ganzi Seich wieder ab! Sit denn getraut sich niemer me, irgendwo irgendwie drizrede.

Jo klar, das stimmt, und mir wärded unseri arme Töchtere / Schwiegertöchtere genau so in Wahnsinn triebe. Isch halt eifach die Natur der Dinge. Mis Mami het scho immer gschwore, dass sies mol anders macht als ihri Mueter....