Also, Gotti und Götti ghöred bi eus uf d Gäschteliischte, mir händ aber au no ab und zue mit ihne z tue. Ussert min Götti, dä hani nöd iiglade, hans nöd so guet mit ihm und sinere Frau.
Wägem Ring: Min Fründ häts ohni Ring, ohni Rose nüt gmacht, dä Ring isch dänn spöter no cho aber mir sind zämä is Gschäft, wäg dä Grössi, damit er dänn au würkli gaht. Chönntisch au mit ihre zämä dä Ring uswähle, wo ihr dänn als Ehering wänd ha und dä zerscht als Verlobigsring ha und dänn zum Ehering ummodle. Ich hans guet gfunde, dass er nöd eifach en Ring gchauft hät wo mir dänn nöd gaht. Aber die einte Gschäfter gäbäd dir au gägä es Depot dä Ring mit, wo du uslisich, dass du en ihre symbolisch scho chasch gä, und dänn gahsch zämä is Gschäft go dä richtig bstelle i dä richtige Grössi. Aber wänn ihr eh scho so bald hüratet, isch doch au e Rose gnueg, oder es herzigs Chetteli oder so.

@krindli ja das mite Halsketti usw. isch e sehr gueti Idee wo ich gar nid druf cho bin!

Verwandti han ich eigentlich nur denkt das mir Eltere/Gschwüschterti/Grosseltere und ihri Gotte/Götti (sie het hüfiger Kontakt zu ihne) ihlade. Allefalls no es paar Kolleginne vo ihre.

Wieso häsch du eigentlich gar kei Kollege und Kollegine? (wänn ich so fräch si dörf und so öppis fröge dörf)

Fröge dörf mer alles

Naja het sich halt nid so ergeh...wie gseit bin i keim Verein. Es paar mal züglet (au i de Schulzit wo meh evt. en Kollegekreis ufbaut) und den het sich das halt so ergeh. Dezu bini halt eher chli en introvertierte Typ was es au nid grad eifacher macht.

Vo dä Arbät häsch au kei Kollege?
Ja, mit so vill zügle und introvertiert ischäs scho chli schwieriger zum Fründschafte uufzbaue. Wie und wo häsch dänn dini Fründin känneglernt?

Es sind no es paar wieteri Frage uftaucht:

Termin Endi August/Afangs September

Wie isch das bim Zivil hürate mit de Ring werde die ufem Standesamt au ustuscht oder gaht das det eher chli unromantisch und bürokratisch zu und her? S ganze sel ja det nur 10-20min dure also nid viel zit für setigi Ding.

Will das wär doch scho öpis wo mir gern wete so Ringtusche usw. Den müsste mir ja fascht no e Fir mache mitere chlinere Kappele oder suscht chli en Stillvolle Rahme miteme allefalls freie Theolog oder Pfarrer (wohl eher nid wegem fehlende chirchliche Bezug).

Wegem Ablauf hei mir verschiedenigs gseh Fritig Zivil und Samstig den Fest oder beides am gliche Tag. Wie gseit sind mir eher weniger Gäst den machts doch eher nid so Sinn das uf 2 Tag z verteile oder?
Will Zivil werde ja sicher Eltere und Trauzüge debi si und den sinds nüm viel mehr Persone wo den no dezu würde cho für as Fest.

No öpis ganz anders. Mir hei eigentlich nach em Hochzitstag welle id Ferie is Usland. Den bliebt ja kei zit meh für neui ID usw. will ja de Name usw. wechsled. D Reis wird ja eh no mitem "alte" Name buched und den set ja das kei Problem geh. Isch das de normali Ablauf oder wie luaft das eso? Vorallem wenn mer ime Hotel Honeymoon Agebot nutzt wärs doch den chli komisch mitere ID z cho wo div. Name druf sind. Ach evt. mach ich mir au z viel Sorge aber i plane halt gern alles dure...

Denked ihr vo de zit her erst jetzt z plane fürs hürate Endi August ischs scho z spat?