| Einladung fürs Geschäft |
|
|
1 2
|
|
|
|
|
03.12.07 20:42
Sued78nicht registriert
|
Re: Einladung fürs Geschäft
Hoi Lela
Min Schatz und ig schaffe i dr gliche Firma, dört hets ca. 3'500 Mitarbeiter... 
Au bi eus hets i andere Abteilige Lüüt, wo mir gärn möchte am Apéro ha.
Also lade mir gezielt die Lüüt i, wo mir au wend debie ha.
En Arbetskolleg het dä September ghürote und gmeint, das vo ca. 100 igladne Arbetskollege grad emol öpe 10 cho si. Muesch dir dämfall vilicht ned emol so grossi Sorge mache und eifach ilade nach Lust und Luune.
Wenn hürotet ihr und wo?
Liebe Gruess, Sue
Wir heiraten am 28.06.08 auf Schloss Habsburg
|
|
|
|
|
|
04.12.07 13:03
Sued78nicht registriert
|
Re: Einladung fürs Geschäft
Hoi Lela
Nei, nei, mir schicke die Chärtli ned hei. Wenn eus die Lüüt im Gschäft über de Wäg laufe drücke mirs dene id Händ oder mit leites mit dr interne Post wiiter (Porto sparen  ).
Mänzike, grins. Denn hesch dis Chleid sicher bi Wicky in Bero kauft? Bi eigentlich z'fride gseh mit däm Lade, z'erst. Woni aber nacheme Monet de Schmuck (Fr. 170.-) ha welle umegäh, hei sie nüt me welle wüsse. De Schmuck isch ned emol abegschrebe gseh und treit hani ihn au nie. Die versueche dir eifach alles z'verchaufe wo goht. Im Nachhinein muesi säge fast chli ufdringlich. SCHAD!!!  Und obwohl uf dr Rächnig stoht 'Braut- und Cocktailmode nicht umtauchbar', behauptet dr Chef, dr Schmuck sigi au Mode. Isch ned grad nätt gseh. Egal, zum Glück isch das jo en eimalige Chauf gseh und mues jetzt nüme dört he go.
Süst hei mir au scho einiges organisiert: Schloss (ziviltrauig), Apéro, Hotel mit Ässe und Übernachtig, Fotograf, Make-up, Nägel, Chleid, DJ... uf jede Fall si die wichtigste Eggdate gmacht.
Und ihr???
Liebe Gruess, Sue
Wir heiraten am 28.06.08 auf Schloss Habsburg
|
|
|
|
04.12.07 13:37
Lela 
|
Re: Einladung fürs Geschäft
hallo sue
das het öpis, d'usgabe summiere sech so schnäll, do esch ned schlächt wenn mer sech s'porto spare chan!
nei, i ha mis chleid ned bi wicky kauft han eigentli scho döthäre welle, aber ha vo mehrere brüüt schlächts ghört, so dass i gar ned gsi be.
hochzyt esch för so velli es grosses gschäft. ond wenn nachem iikauf no öpis möchitsch, esch es denn scho verbii - sie händ kei angst kunde z'verlüre, will mer jo normalerwiis nor einisch hürotet!
för mis chleid beni zerst in aarau im mery's gsi, aber die verkäuferi esch so arrogant gsi, hesch nüt döfe alänge....schlimm. bi nochär richtig deprimiert gsi.
aschliessend beni spontan i priska go luege, au in aarau. ond dete hani mi sooo wohl gfüehlt, super bedienig ond 1. chleid wo i probiert han esch es den schlussändli worde!
mer händ au scho einiges chönne organisiere: iiladigschärtli, chille, üse pfarrer, ring, mis chleid, festlokal, fotografin, videograf
priorität het im momänt de dj - de müemer no sueche, offerte ihole ond e chli vergliche.
us wellere gägend send ehr denn?
LG
lela
|
|
|
|
04.12.07 22:57
Sued78nicht registriert
|
Re: Einladung fürs Geschäft
Hi Lela
Ach schrott, weni das gwüsst hätti... wäri sicher au ned zum Wicky gange!!! 
Mues ebe no s'Chleid abändere. De Termin im Januar würdi scho stoh, wenis aber woanders zumene ändliche Priis bechume, wär das au super. Wet nüme gärn dört he go.
Jetzt muesi aber no es Trauzüginnechleid chaufe für d'Hochziit vo mim Brueder. Gange am Donnstig vermuetlich au nach Aarau und luege chli ume. Sötte mir nüt aständigs finde, näie mini Muetter und ig sälber was.
Ach jo, d'Ring hei mir jo au scho. Si am Big Love-Event in Wollerau gseh, mega interessant, chani nur wiiterempfäle.
Euse DJ isch um die 50gi und macht Musig für alli Alterkategorie. Das isch eus nämlich wichtig gseh. Ha uf jede Fall ned en bluetjunge DJ welle oder es Duo/Trio.
Mir si vo Birr AG. Ziviltrauig isch uf em Schloss Habsburg AG und feste tüe mir im Hotel Bellevue in Sursee LU.
Liebe Gruess
Sue
Wir heiraten am 28.06.08 auf Schloss Habsburg
|
|
|
|
04.12.07 23:23
moni
|
Re: Einladung fürs Geschäft
hallo ihr 2. ihr händ grad i euine text gschriebe dass ihr so enttüscht gsi sind vo wicky brautmode. was isch dänn gnau nöd guet gsi? han det ebe es kleid gseh won mir super würd gfalle, bin bis etz aber no nie dete gsi. hetted ihr mir anderi empfehlige ? bin us de region züri, kenne mi im aargau nöd us han aber denkt, dass es villicht bitz agnehmer isch i dere region es chleid zchaufe. danke für eui antwort.
|
|
|
|
05.12.07 08:47
Lela
|
Re: Einladung fürs Geschäft
Hey Sue
besch denn, wo dis Chleid usgläse hesch, zfriede gsi met de berotig? i cha mer vorstelle dass es im andere gschäft wohrschinli tüürer chonnt, aber wenn di bim wicky ned wohl füehlsch, wördi mol a andere orte afroge.
Viellecht wirsch jo fündig in aarau - ond sust esch jo super wenn s'chleid sälber chasch häihe.
dafi froge wer euche dj esch? mer händ eus bewusst för en dj entschiede, will min schatz spanier esch ond ich vo kroatie ben. ond so cha de dj wörkli för all gäst musik abloh!
ou jo, bellevue esch ächt schön. mer fiire im seehotel delphin in meisterschwande.
@ moni
huh, i wet niemer verunsichere! i be no nie im wicky gsi, aber i ha kollegin ehri story ghört ond ha den müesse säge, das i ned det mis chleid wet go chaufe.
sie esch e chli fester ond sie heig es chleid agah wo sie aber ned öberzügt het - ond sie händ sie rächt wölle überzüge das z'neh. wo sie denn gseit het, dass sie sech da nomol müess überlege, het verkäuferi gmeint, für ihri figur wirds i keim lade e grossi uswahl geh!
jede muess för sech entscheide ond es get secher vell wo zfriede send met em wicky - döt schaffet jo ned nur 1 verkäuferi.
i finde mer muess sech guet füehle i dem lade - will es esch en sehr emotionaler momänt.
ond bi mer esch es de priska gsi in aarau!
liebs grüessli
|
|
|
|
05.12.07 11:35
Sued78nicht registriert
|
Re: Einladung fürs Geschäft
Salü Lela und Moni
Woni s'Chleid bim Wicky usgsuecht ha, bini sehr zfride gseh. Ha zum Glück en sehr nätti Beroterin gah (Fr. Küng). S'Problem isch denn eifach gseh, dass sie dir versueche soviel wie möglich z'verchaufe. Und wenn dir dehei z.B. wie bi mir de Schmuck nüme gfallt, näme sie das uf kei Fall ume, au wenn uf dr Rächnig nur stoht 'Kein Umtausch auf Braut- und Cocktailmode'. De Herr Wicky het ganz arrogant gmeint, wohe er ächt chiem, wenn er allne Lüüt alles würdi umtusche!
Also en guete Tipp bim Wicky: Chaufet s'Chleid und ev. no d'Schueh, aber wartet mit de Assecoires uf en spötere Ziitpunkt. Sowas cha me i jedem andere Brutlade au chaufe.
Das wägem Trauzüginnechleid isch halt so, dasi ned grad wetti 500-1'000.- usgäh für es Chleid, woni denn nur weder all paar Johr einisch chönti alegge. Vilicht findi jo im C&A oder Vögele au was schöns. Nur für Silvester hei sie meistens Schwarz oder Silber. Mol luege, gange morn uf Aarau go lädele.
Euse DJ heisst DJ John Wisdom www.wizz.ch
Muesch halt mol uf dr Internetsiite go luege, was er alles so schriibt.
Eus hets uf jede Fall sehr guet zuegseit.
Seehotel Delphin het eus vom Saal här sehr guet gfalle und het en suuuper Ussicht. Aber will mir vorhär i dr Seerose gseh sind, hets eus
vorallem vo de Zimmer här nüme so guet gfalle. Aber isch sicher au en
gueti Wahl.
Liebs Grüessli
Sue
Wir heiraten am 28.06.08 auf Schloss Habsburg
|
|
|
|
05.12.07 14:04
Lela
|
Re: Einladung fürs Geschäft
hallo
jo du hesch scho rächt wäg dim trauzüginnechleid. i dänke aber scho das mer au öpis günstigers findet. hesch scho i de versandkatalög chli ummeblätteret - dete hets au ganz schöni sache! viel spass bim lädele!
aha, de dj widson! de hämer au uf üsere liste. mer händ vell internetsiite "abklapperet" ond i be immer froh wenn i es foti vom dj gseh, will i finde scho dass mer die person symphatisch muess si! ond er het ebe zu dene ghört - er het au en sehr informativi siite.
euse favorit esch zerst ebe au seerose gsi, leider esch a dem tag scho alles reserviert gsi. aber de delphin het eus denn aus supi gfalle!
bruche der vell zimmer für üchi gäst?
liebs grüessli
lela
|
|
|
|
|
|
1 2
|
Anmelden
