| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Erfahrungen mit Bäckerei Steiner Teufenthal Friedrich-Apéro Oberkirch
 1 2 3 4
22.02.13 09:51
Eve777 

Erfahrungen mit Bäckerei Steiner Teufenthal Friedrich-Apéro Oberkirch

Hallo Zäme

Ha mol welle froge öb öper aktuell Erfahrige het mit de Bäckerei Steiner in Teufethal oder Friedrich-Apéro in Oberkirch. Über Friedrich-Apéro hani scho viel alti Treads gläse mit guete Bewärtige, aber ha welle froge öb öper grad so im letschte Johr oder so mol Erfahrige gmacht het mit ehne, öb sie immer no so guet sind?

Und Bäckerei Steiner hani leider ned so viel Feedback gfunde, händ ehr do ev. Erfahrige zu wiitergä?

Mir sueche ebe no e Apéro für nach de Chile (Kt. AG). Migros Catering hämmer e Offerte übercho, aber do chöme mir für Apéro mit Stehtisch etc. uf knapp 4000 Franke für 100 Lüüt das findi eifach mega viel :-/.
22.02.13 09:59
sabrinella 

Re: Erfahrungen mit Bäckerei Steiner Teufenthal Friedrich-Apéro Oberkirch

hallo mer sind au am apero sueche gsi!!hend ois jetzt für Glashaus events entschiede die möche es super apero und gueti bedinieg!!
22.02.13 10:01
Canoa 

Re: Erfahrungen mit Bäckerei Steiner Teufenthal Friedrich-Apéro Oberkirch

Hallo Eve

Mer send grad gester bem Friedrich gseh ond hend euses Apéro besproche för eusi HZ...mer hend au nome guets ghört ond send säuber scho amene Apéro gseh wo är beleferet hed! Mer hend ca. 6 Offertene igholt ond för dä Pris fendsch eifach nüt verglichbars...

Bem Friedrich muesch eifach frühe dra si schöscht esch er wäg!!!

Mer hend folgendes bstöut, wo alles i dene 15. Franke de bi esch...


- Fleischplattene
- Chäsplattene
- Gmüesdips
- Schenkegipfeli
- Chäschüechli
- Fröchtespiessli
- Fröchtetäller
- Beleiti Bröttli
- chlini Sandwicheli
- Süesses für die Chline
- Süesses för die Grosse =)

- Osaft
- Mineral
- Süessgetränk
- Kaffi
- Wisswi
- Proseco
22.02.13 10:23
Eve777 

Re: Erfahrungen mit Bäckerei Steiner Teufenthal Friedrich-Apéro Oberkirch

Boa Canoa das esch jo mol es hammer Agebot, krass ! Ha ehne vorhär es Mail gschriebe woni agfrogt ha für ne Offerte, weisch du öb denn d Bedienig au debii esch und Gschirr und so?

Mir hürote ändi Septämber, hoffe de esch nonig usbuecht .
22.02.13 10:35
Canoa 

Re: Erfahrungen mit Bäckerei Steiner Teufenthal Friedrich-Apéro Oberkirch

Also s Gscherr, Teschtüecher ond s Personal send i dene 15.00 CHF inbegriffe!!! Wahnsenn gäu?!?

Ech ha mech afangs Jan be ehne gmäudet ond sie send a eusem Tag scho usbuechet. Aber mi Frönd hed denn nomou aglütet ond gseid, öbs ned möglech wäri s Apéro vorzbereite ond mer lueged förs Personal ond jetzt klappet das so. Mer chömeds jetzt för 13.00 CHF pro Person öber well mer kei Personal hend...
22.02.13 10:52
Eve777 

Re: Erfahrungen mit Bäckerei Steiner Teufenthal Friedrich-Apéro Oberkirch

Mein Gott das chani jo fast ned glaube hei das haut mi jetzt ächt vom Hocker ! Ich ha jetzt no schnäll aglüte und gfrogt öb sie scho usbuecht sind, sie klärts ab und lütet mir zrugg, hoffe mega dass sie no Zyyt händ a eusem Datum. Ahhhhhhh jetzt beni grad mega närvös

22.02.13 11:07
Canoa 

Re: Erfahrungen mit Bäckerei Steiner Teufenthal Friedrich-Apéro Oberkirch

Mi GG hed äbe ned welle gloube das das de einzig Caterer esch wo so gönstig esch!
Ond womer nüt verglichbars gfonde hend, heder haut aglütet ond jetzt hemer en super Deal gmacht...die Diffränz wo mer jetzt no spared wägem Personal bruchmer haut de glich weder för die Lüt wo eus de häufed am Apéro...

Es esch super, dröck der de Dume...Hoffe dasses klappet...
wo genau hürotisch denn du ond wenn genau?
22.02.13 11:11
Eve777 

Re: Erfahrungen mit Bäckerei Steiner Teufenthal Friedrich-Apéro Oberkirch

Ich ha ebe immer gmeint gha de Migros Catering sigi prislech ned z toppe, will ebe alli Getränk etc. jo i dem Fixpris inne sind und me ned mit böse Überraschige mues rächne. Aber woni denn agfange ha do chli umeschneugge vo wäge Hochzyytsapéro was anderi so zahle, hani müesse säge jo okee glich ned so günstig wieni dänkt ha, do zahle anderi für dopplet so viel Gäst wie mir händ glichvil.

Danke fürs Dume drücke, ahhhh man jetzt beni am hypere, Bridezilla-Alarm .

Mir hürote am 21. September in Küttigen (esch grad näbe Aarau) . Und dir ?
22.02.13 11:15
Canoa 

Re: Erfahrungen mit Bäckerei Steiner Teufenthal Friedrich-Apéro Oberkirch

Nei dä Friedrich esch werklech ned ztoppe...
Hammermässig, ha so fest freud hemer das gester no chönne fixiere...
Weisch dä esch total guet usgstattet för Apéros, met so Tällerli wo mers Glas grad cha dra hänke...etc.

Mer hüroted am 31.8. in Sigigen/Ruswil! =)
22.02.13 11:22
snet  		Re: Erfahrungen mit Bäckerei Steiner Teufenthal Friedrich-Apéro Oberkirch

Ich hätte auch gerne einen Caterer engagiert, aber in der Stadt Luzern gibt es keinen Raum ohne Konsumationspflicht zu mieten

 1 2 3 4
Oberkatastrophe   Fröchtespiessli   Romeo-Julia-Balkönchen   Oberkirch   Erfahrungen   zueversichtlich   Teufenthal   vilmooooooooooooool   soooooooooooooooo   Bäckerei   Konsumationspflicht   Jaaaaaaaaaaaaaaaaaaaaaaaaaaaaaaaaaaaaaaaaa   Bridezilla-Alarm   Dankeeeeeeeeeeeeeeeeee   maaaaaaaaaaaaaaaaaaaaaaaaaaan   WUHUHUUUUUUUUUUUUUUUUUUUUUUUUUUUUUUUUUUU   Friedrich-Apéro   Steiner   Fleischplattene   Juhuuuuuuuuuuuuuuuuuuuuuuuuu