| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden
Fotos bei schlechtem Wetter im Raum Seetal / Luzern
 1
03.04.07 09:48
Dodali 
Fotos bei schlechtem Wetter im Raum Seetal / Luzern

Hallo ihr lieben Mitbräute

Ich mache mir gerade Gedanken über mögliche Orte, wo man schöne Fotos machen könnte. Vor allem wenn es regnen sollte, bin ich völlig ideenlos, wo man hingehen könnte?!

Kennt jemand von euch vielleicht tolle Orte im Raum Luzern oder noch besser im Seetal, wo man bei schlechtem Wetter die Paarfotos am Vormittag durchführen könnte?

Für eure Tips bin ich euch sehr, sehr dankbar!!!!!!!!!!!!!!!!

Es liebs Grüessli...

03.04.07 10:11
Anasazi

nicht registriert

Re: Fotos bei schlechtem Wetter im Raum Seetal / Luzern

Hoi Dodali... ben au usem Seetal...wo chonsch den du gnau här?!?

Über ne Schlächtwätter-Variante han ech mir no gar kei Gedanke gmacht, es muess eifach schön Wätter gäh!!!!

Wüssts im fall au nid... für schöne Wätter hani im Schloss Heidegg gfrogt, dete chan mer am Morge in Rosegarte...vielecht chönt mer au im Schloss dinne fötele?!?

Ech hürote min Ängu am 07.07.07 zivil & kirchlich

03.04.07 14:41
Dodali 
Re: Fotos bei schlechtem Wetter im Raum Seetal / Luzern

Hallo Anasazi

Ech be vo Baubu. Und Du?

Wenn's schön esch (was ech jo au schwär hoffe!!!) händ mer im Sinn, üsi Fotos i de Kommende z'Hohneri z'kipse.

S'Schloss Heidegg könn ech gar ned vo inne. Be mol s'Schloss Hallwyl go aaluege, das wär au no schön, aber ech weiss ned, öb's ächt i dene Rüümlichkeite z.T. ned fascht e chli dunkel gnueg esch (schlächti Beliechtig). Zudem wär's mer jo scho fascht lieber, ned weiss de Gugger no wohii müesse z'fahre für die Fotos (das choschtet immer wieder e huufe Zyt, woni lieber gmüetlich wett verbringe)...

Wer weiss, vellecht chund jo do no e gueti Idee vo öpperem, wo Der au no grad öppis würd nütze.

Falls i süscht no e Tipp überchiem, würdi Dech über das Forum notürli informiere...

Wenn hüroted ihr denn? (Mer gänd üs am 27.07.2007 s'zivile und am 24.08.2007 s'kirchliche Jo-Wort).

Grüessli
Dodali

06.04.07 23:12
Anasazi

nicht registriert

Re: Fotos bei schlechtem Wetter im Raum Seetal / Luzern

Hey Dodeli,

mir sind vo Hofdere
Wie du unde a de Signatur a gsehsch, hürote mir zivil & au kirchlich am 07.07.07

Kommände wär natürlech au no schön! Wenn`s wär frei gsii, hätte mer überleid s`Fescht dobe zmache... aber äbe, d`Hoffnig esch eh chlii gsii und es hed au nid klappet!

Wär toll wenn no e Tipp inechiem wo mer bem schlächte Wätter d`Föteli chönte mache

Liebs Grüessli

Ech hürote min Ängu am 07.07.07 zivil & kirchlich

09.04.07 13:16
Teenspirit 

Re: Fotos bei schlechtem Wetter im Raum Seetal / Luzern

Mer hürote jo ufem Heidegg, aber ich glaube en tolli Innelocation isches ned e so wörkli... :( Mer händ eus gar noni öberleid, was mer mache, wenns rägnet.

PEACH & ANI heiraten am 28.07.2007

11.05.07 09:59
Dodali 
Re: Fotos bei schlechtem Wetter im Raum Seetal / Luzern

Mer sind no paar Sache z'Sinn cho, wo zum Föttele bi schlächtem Wätter sicherlich au no chönnted interessant sii:

- Bahnhof Luzern
- KKL Luzern
- Verkehrshaus Luzern

11.05.07 10:23
barbi 

Re: Fotos bei schlechtem Wetter im Raum Seetal / Luzern

Aso wenns ned grad grad abe scheffet chamer imfall guet au i de kommende z'honeri. dt chamer öberall so onder d'muure iesto ond d'föteli send denn glich no verruse. üse fotograf hed üs das entfohle

barbi heiratet am 02.06.2007

19.06.07 10:53
Dodali 
Re: Fotos bei schlechtem Wetter im Raum Seetal / Luzern

Ha no zwöi Örtli gfunde:

D'Chile vo Hitzkirch und Hochdorf händ e deckte Iigangsberiich, wo me guet cha föttele.

 1
Schlächtwätter-Variante   Grüessli   Iigangsberiich   schlechtem   gmüetlich   vielleicht   Rüümlichkeite   Innelocation   kirchliche   sicherlich   Verkehrshaus   interessant   verbringe   informiere   Mitbräute   kirchlich   Beliechtig   durchführen   Schloss   schlächtem