Wie lang gänd ehr öichne Gäscht Zit, sech a- oder abzmälde? Bzw. wie veu im Vorus wänd ehr wösse, wie veu Lüt as chöme?

Mer händ grad diskutiert, öb's schlauer esch, möglechscht gli, damit d Trouzüge wösse, wie wo was organisiere a Speli / Unterhaltig etc. oder de Lüt eher chli meh Zit gä, um si ned unter Druck z setze.

Mer wänd nöchscht Woche, also Ändi Februar d Iladige verteile ond verschicke ond wösse jetzt ned, öb eher Amäldig bes Ändi März oder bes Ändi April agseit esch. Also vier oder drü Mönet vorem grosse Tag...

Wie gsänd ehr das?


Grüessli
madmadi


Ich hürote mi Schatz ganz genau 10 Johr nach öisem erschte Koss, am 8. August 2008!

Hallo Madmadi

also mir hüratet am 20. Juni 09
Diiladige werdet mir um Wiehnachte verschicke also endi dezember afangs januar ...
mir machets warschinlich so dass dlüt üs bis endi märz müend bscheid gäh ... also drü monät vor em hochziit ... denn hend mir no gnueg ziit für apero organisation mit dä mengi und chönd mal ischätze wies mit dä abig menü priislich usgseht und das ganze am abig no mit dä tischufstellig und gästeplatzierig

so hend s ja zwei monät ziit ... das sötti ja vorig lange und mir hend kein stress

grüässli bettina

Hochzeit am 20. Juni 09

mier wärdid d'chärtli so verschickä, dass sie am 6.5. bi de gäscht sind, also genai 4 mt vorhär. amäldefrist isch bis ändi juni, so dass uber d'schuelferiezeyt nid vergässä wird oder liege bliebt. denn hend mier nu guät zwei menät ziit zum planä. aber eigentlich isch das nur theoretisch, bi eys hend sowieso all scho zuägseit, da sich das alles ganz schnäll umgesprochä het
apero tiänt mier wie im andere thema besprochä nid mit aa-und abmädlig mache.

griässli
nordliecht


miär freyid eys uif de 6. septämber 2008 :-)

Mir hei üsi Iladige bereits im November / Dezember gä und die für Apéro gäbe mir so im April / Mail. Die gladene Gäst müesse üs bis am 25. Feb. bscheid gä obsi chöme..