hallo zeme :)

es esch för me emmer klar gsi dassi minere Trauzügin es gschänkli wet mache ond i ha au zemli schnell gwösst was.
woni mim frönd gseit ha er sell doch sim TZ au öpis schenke hetter gseit "wiso? i ha jo au nüt becho woni bi ehm TZ gsi be..." männer-logik
aber sin TZ helft eus mega ond öbernemmt ämtli und geht sech wörkli mega müeh. ond i wörds komisch fende wenn mini TZ öpis bechont aber sin TZ ned...
dorom jetzt mini frog: was ehm schenke? hender e cooli idee? oder was schenket er em TZ vo euchem frönd?

Jo das esch glaub wörkli öpis wo d Männer irgendwie eifach unwichtig finde . Mine het au gfunde was Gschänkli das bruchts doch ned etc., aber irgendwie findi au so hmmm weiss ned. Aso ich ha mir überleid, dass ich mine TZ allwäg s Make-Up und Frisur mache zahle wirde. Bi am überlegge öb mir füre TZ vo mim GG velecht irgendwie cooli Manschettechnöpf oder so söle sueche so à la "best man" oder so, aber weiss es nonig rächt, söt jo ned kitschig oder so sii.

Ansonste wird ich allwäg mim GG irgendwie vorschloh dass mir eifach mol alli zum ässe ilade bi eus oder so. Bi eus macht ebe de Tätschmeister allwäg eh fast am meiste, zumindest sicher am Fest sälber, do weti mir au no öpis cools deför überlegge was mir ehm chönte schänke. Ahhh Männergschänk findi generell scho schwer, und i Verbindig mit so öpisem erst rächt .

hm ich bi mer das au grad am überlegge. ich würd gern de bridesmaids und de groomsmen au öpis chlises schenke und eusne tätschis denn halt öpis grössers. minere TZ zahli sicher au s make-up... zum glück händ mer da nochli zit, ich finds recht schwer.

jo gopf bide männer eschs emmer so schwer!

die öberleggi hani mer gar nonid gmacht vo weg es gschenkt "als paae" oder nor vo mer. minere TZ wetti es chetteli vo tiffany schenke! gebt secher au gönstigers aber so eschs öpis sehr speziells!
da met de manschette chnöpf hani mer au scho öberleit. d frog esch de halt nor ober de au eregnd einisch d glegeheit het zom serig alegge.
i wet de ebe ade HZ gern chorz ufstoh ond mi bedanke förd helf ond ene es gschönkli ed hand dröcke. dorom hetti fast lieber öpis materiels gha als en essensiladig. obwohl das natürli emmer öpis tolls esch ond das bes jez so chli mini notlösig wer!
be aber froh esch das ned nor es problem bi mer sonder dass er euch die frog wegem TZ gschenk au scho gstellt hend :)

Hallo zäme

Ha grad gseh das da scho so es Thema erfasst isch und i Huehn ha inere andere Rubrik ono so es Thema ufgmacht Hihi halb so wild

Auso mir u mim Schatz geits da genau gliich. Mir beidi si da ou chli ufgschmisse was mir da wei mache..

Die letschte Idee vo der valey si gar nid mau so schlächt muessi säge

I luege ab u zue ou no chli bi geschenkidee.ch ine dert hets amigs ono so luschtigi Sache.
Mir hei zum Glück no gad chli Ziit, bi üs isch der gross Tag ersch im September

Aber eben, eifach isches scho nid wiu me wett ja de glich öppis gäh wo vo Härze chunnt und si o öppis dermit chöi ahfah und nid öppis wo eifach nur umeschteit..

Auso geits emu aune chli gliich.
Wünsche emu guets glinge bim Idee sammle

Simi

Elea ja das med em wii chunt bestimmt guet ah :))

aso gender de so gschänkli wenn de alles dure isch oder??

mer hend ja s zivile im mai und chile im august... hed scho bez en abstand
aber denkes so nach de chile denn was geh?


und ich ha en kollegin wo au mini BJ isch
sie werd denn am zivile chli fötele.. ha denkt ehre denn au was chlises geh..
was meinet ehr was isch do so abrocht? armchetteli?