Hey Zemä

Isch do au näbert drin wo im 2008 hürotät??

Hallo Kokon

mir hürate am 07.06.2008 kirchlich und ziviledatum isch nonid fest!

ha scho gseh, du suechsch no tipps wägem spare für d hochzyt.

mir wei also ou nid es vermöge us gäh und doch üse tag gniesse.

mir si öppe 48 gäst am fescht und apero öpe 100. d ringe müesse ou nid tuusigi vo franke choste, er muess üs eifach gfaue. bimer am überlege evtl es kleid z miete, muess de mau ga luege, mä treits ja nur einisch. am apero gits züpfe und hamme, getränk us dr landi mit küehlwage, paar liebi dorffraue wo düe zudä gäst luege, am abe fyre mir bi üsem nachbar imene holzschopf mi dünkt das lustiger als ir beiz z esse lömer la cho so wienä art catering vom restaurant im ort und getränk ou wieder vor landi. dj luege mir ob das e guete kolleg würd mache!

vo was ämene datum und hochzyt tröimsch du?

Hallo Sybille

Also mir wönd im Mai 2008 hürotä . Entweder

Zivil: 08.05.08 Kirche: 10.05.08 oder
Zivil: 22.06.08 Kirche: 24.05.08

Mir sind no am luägä wen gnau.
Mir werdet ca. 40 Gäst für s Esse ha und ca. 100 Gäst für dä Apéro. Do sind mir aber nonig so wit. I han dä Atrag ersch gad frisch übercho vo mim zuäkunftigä.
Sind ir scho fescht am Organisierä??

grüässli kokon21

ja, bi gäng chli dranne am organisiere vorfröid isch doch dje gröschti fröid

ha eifach d gästeliste gmacht, dassmer mau wüsse wieviu lüt s sy, dr termin ir chiuche hani ou reserviert wüu mir am 07.06.2008 unbedingt wei hürate (mini eltere hei ou das hochzytsdatum und es isch am papi si geburi) dr schopf vom nachber reserviert fürs fescht.
überleit wasmer am apero serviere und mau chli billige wy afa teste vor landi...fürs apero längt das alleweil.

chärtli ideene sueche, ha sonä idee fang, mi schnäggu het es mega schöns härz i gmähit i üsem rase, obmir dje foto irgenwie für vordruffe nä und es foto vo üs inelege? ke ahnig. und ringe und kleid gits riesigi uswahl ha mi nonid getraut, frisure gits ou mega viu git no so viu ztue...
aber esch ja schön.

lg , lustig dass aui lüt gäng müeh hei mi name richtig zschriebe nid bös gmeint gäu!

Hoi zäme,

Mir hürate o nächschts Jahr, u zwar am 05.07.08. Ha dr Hüratsatrag Ändi Juli übercho - isch wunderschön gsi.
Hei eigentlech am 28.06.08 wöuä hürate, aber denn isch üses Wunschlokal scho reserviert gsi. We dir auso anes speziell schöns Ort weit ga ässe, müesst dir u früh reserviere. Mir si chli uf d`Wäut cho. Hei dänkt so es Jahr vorhär simer sicher gnue früeh....

Mir hei üs jetz uf e Wuche später geinigt. Es het sich jetz usegesteut, dass das Datum eh no besser für üs isch.

Mir hei afangs d`Chiuche, ds Restaurant ud Band für am Abe reserviert. Zudäm hei mir mau ä prov Gäschtelischt u ä Budgetplanig gmacht.
I gloub, dass si so die wichtigschte Sache für am Afang. Dr Fotograf hei mir no nid. Kennt öper ä guete Fotograf im Raum Berner Oberland/Bern?

glg

Hallo Sybille

7.6.08 isch doch es sehr guets Datum ;-) Mir hürate denn i der französische Chiuche in Murte.

Eifach Location hei mer leider gäng no keni, 'sch no schwierig, wüu denn gad d EM afaht. Mir si öppe 75 Gäscht am Ässä und 130 am Apéro. Chönnt auso no schwierig wärde...

Wäg de Ringe: Mir hei üsi in Berlin gholt. Git dert diversi Hüratshüser, wo für e halb resp. e drittel Priis d'Ringe bechunnsch. Mit em Trip uf Berlin chunnt's de gäng no viu günschtiger, als we Du Dir die Dingers i der Schwiz chouffsch.