Hallo zäme

Ich ha es Problem wäge eusere Musig i de Chele. Aso während de Trauig singt e Sängerin, det esch alles ok. Aber euse Pfarrer (wo sust wörkli easy druf esch), het dureblicke loh, dass er gärn hät dass mir no e Teil Orgelspiel ibeziehnd. Denn hämmer dänkt guet, mir mache eifach de Izug und Uszug uf de Orgele öpis und s Gmeindlied wo alli zäme singe. Jetzt hämmer eus mit de Organistin troffe vo de Chele und sie het eus paar Sache vorgspielt (mir händ ned de klassisch Hochzyytsmarsch welle), aber irgendwie esch de Funke bi keim Stück so richtig überegsprunge.

Alles wo mir so mega wörd gfalle het sie gseit chön sie ned spiele wills äntwäder zu schwer esch oder Orchesterstück sind (ha immer dänkt ich wirde mol zum Canon in D ilaufe, de cha sie ned. Uszug hätti Joyful Joyful meegaaa gfunde, goht au ned). Bi grad chli verzwiflet und es schisst mi rächt ah dass ich i dem Punkt offebar so kompliziert bi und mir eifach fast nüt gfallt. Mi GG hets do easier, er cha das chli lockerer nä. Mich macht Orgelemusig wenn sie zu schwer esch eifach nur truurig und das möcht ich am Hochzyytstag ned. D Organistin het eus denn no div. Toccatas vorgschlage, aber die dunke mi alli so närvös irgendwie, das het für mich au ned wörkli stimmigsvoll romantisch tönt.

Dorom mini Frog a euch, händ ehr velecht no de Idee für schöni Orgelstück i de Chile? Ha scho s ganze Youtube und Google abgrast aber det bringts eim immer die gliche wo ich ehrlichgseit alli ned wörkli de Brüller finde .

Ou neiii Eve das esch doof...Also mer hend kei Organestin sondern mini Cousine wo eusi Sängerin ufem Keyboard begleitet...

Ond wenn diräkt t Organestin frogsch was sie för es Repertoire hed? Damet di ned weder ines Lied verliebsch wo sie de glich ned cha?

@canoa: Das hämmer ebe gmacht gha, mir händ sie gfrogt öb sie eus sust paar Vorschläg chönt mache und dass mir eus ebe öpis Fröhlichs und romantisches wünsche, aber offebar hämmer was das abelangt eifach e total andere Gschmack als sie. Sie het eis Lied vorgspielt wo für eus tönt het wie anere Beerdigung und sie het das mega festlich gfunde .

Bi grad ächt echli niedergschlage, es het 1 oder 2 annehmbari drunter woni demet cha läbe wenn das gspielt wird aber wörkli berüehrt hets mi ned und ha mi ned gseh zu dene Stück inelaufe .

@emma: jo das sägi mir ebe au uf die eint siite, und die meiste wo scho ghürote händ händ verzellt sie hege gar ned so richtig mitbecho was gspielt worde esch will sie so dure gsi sind, aber es stört mi halt glich irgendwie . Vorallem chum ich mir vor wie d Madam Oberkompliziert wo me ned cha zfriede stelle, wot ächt ned dumm tue aber irgendwie machts mi truurig .

Zuletzt bearbeitet am 22.07.13 16:04

Keis Problem Canoa has im Züüg enne au ned eso super klar gschriebe. Das ha ich ebe au immer gmeint, ich glaube ich ha do inne sogar mol vo öperem gläse wo Organistin esch wo gseit het me chöni fast alles uf de Orgele spiele. Aber schiinbar eusi Organistin ned .

aber demfall würdi luege, das eis vo dene annehmbare lieder halt während de trauig gspielt werded, demit glich chasch zum pachelbel ilaufe. das dunkt mi wichtiger als das wo denn währenddesse gspielt wird. de pfarrer hät ja nöd gseit es muess zwingend bim imarsch d organistin spiele, oder?

Jo ich vermuete ebe das chunt allwäg schwer uf die jeweilig Person ah. Sie ghört scho zunere ältere Generation und spielt allwäg generell eifach nur so ganz klassischi Orgelstück, öper jungs wörd ev. vo sich us meh sälber no improvisiere und so oder wär offener für neui Sache (esch jetzt ned bös gäge sie gmeint, sie esch e mega nätti, nur ebe eifach Musiggschmack total andersch als mir).

Wägem wächsle weisi ned öb das wörd go, sie esch jo quasi vo de Chile agstellt und automatisch mit debii.....