nicht registriert

Hoi zäme!

Ich ha en Frag an alli: Hend ier en Hochzeytschärze? Wenn ja, isch dass nu üblich oder chamer das handhabe wie meh will?

Liäbs Grüässli
Jovia

Sali

Ich würd mal fröge wies bi eui isch nid das du äxtra eini machsch, mir händ ebe e Hochziitschärzä vo üsem Pfarrer am Hochziitstag becho. Er hät sie ahzündet und sie isch vornä uf em Altar gstande.
Üsä Pfarrer hät au nu was passänds dezue gseit.
Es isch e wunderschöni Chärzä mit üsne Näme, Datum und emnä Spruch.
Würkli mega schön...und es schöns Ahdänkä.
Es git ja au nu es passends Gedicht zu de Hochziitschärze.

Es Grüessli
suse

Sali Jovia

Ich würd do also numel frogä...dänn es wär schad wänn du dir die Müeh nimmsch und dänn würd eui de Pfarrer au eini schänke. Bi üs i de Region isch das Normal, all üsi Kollege händ au eini becho.
De Pfarrer hät üs au gseit mer söllet die immer bi schöne Ereignis und au bi wäniger schöne ahzünde und falls sie dänn so aberbrännt wär das mer sie nüm chöntet bruche dörfet mer gern ahlüte und er würd üs nu e zweiti mache lo....aber er sägis niemertem. Er häts mega herzig gseit i de Chile. Händ e mega Mäss gha...voll persönlich.

Fals e Adrässe für so e Chärze bruchsch chönt ich mal luege wo üsi her isch.

Mir händ am 1. Septämber chirchlich ghürotä...es unvergässlichs Fäscht mit vielnä Iidrück gsi. Leider got so en Tag eifach zschnell verbi.

Viel Spass..es grüessli suse