| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Last Minute Tortenbäcker gesucht!
 1
09.05.14 14:44
_janedoe 

Last Minute Tortenbäcker gesucht!

Hilfe!!

Für die wo nöd im 14er Thread mitlesed, hie mis Problem:
Mier hürated am 17.Mai, also i acht Täg und jetzt isch grad eusi lieb (Achtung, Ironie) Tortebäckerin abgsprunge und laht eus voll im Räge stah.

Ich bin jetzt also uf de Suechi nacheme guete, nöd allzu tüüre Bäcker/Konditor, whatever... Und wär mega mega dankbar um Tipps. Es müesst i de Region Schwyz, links Züriseeufer sii. Euses Budget liit bi max. 750.-

Das hett eusi Torte sölle werde:

Datei-Anhänge
f892a697cc7ec3bb0652f9a222d2ec79.jpg f892a697cc7ec3bb0652f9a222d2ec79.jpg (5x)

Mime-Type: image/jpeg, 112 kB
09.05.14 15:56
novia_mayo 

Re: Last Minute Tortenbäcker gesucht!

ooh nei jane wiso denn das???

ich chan der nur de link vo eusere torte-frau geh, weiss aber nöd öbs vo euem budget her langed....
http://gillianscakes.ch/deutsch-home/
09.05.14 17:08
_janedoe 

Re: Last Minute Tortenbäcker gesucht!

Eusi Bäckerin hed gfunde, es segi z kompliziert mit eus und sie chienged dTorte ned liefere, drum chönneds mit eus ned schaffe, mier sölled eus en andere Tortemensch sueche.

Ez hani grad null Bock meh, zum mit dene gschäfte.

gillianscake hani ade Hochziitsmess entdeckt. Soooooooo lecker! Aber leider z tüür :/ Danke füre Tipp!
09.05.14 18:35
Pfingstrose 

Re: Last Minute Tortenbäcker gesucht!

Janedoe! Es isch ja echt unter aller Sau! Gits garnöd!!! Wenn die meint die chönti bi mir so devo cho heti sie sich aber gschnitten. Ich wür dere knall hert uf FB en voll ehrliche Kommentar schriebe oder nei jetzt würdi sogar en Blogpost uf de Siite woni schriebe mache. Den söll sie mal schön luege wer no öpis bstellt. Koste hin oder her... Es isch sooo e enormi Unprofessionalität wo die an Tag leit. Und den no so frech schriebe. E Turte an Grind heti sie verdient.

Also jetzt beruhige... Lugs mal so ah. Ich hend vo de Choste her ja au gad no en Wettbewerb gune den zahlender hald jetzt e türeri Turte. Ich kenne hald nur eusi. Aber d Andrea het mir gschiebe das sie e Kollegin het wo das afange mache wott oder scho macht aber nonig so lang. Frög sie doch mal. Ich weiß nöd wer's isch.
09.05.14 18:56
_janedoe 

Re: Last Minute Tortenbäcker gesucht!

Haha Pfingstrose, schöön, dass sich suscht no öpper mit mier inesteigeret! Das tued doch guet.

Ich würdere würkli enorm gern d Meinig giige. Und d Torte is Gsicht.. Ich mein hallo, en Wuche vor de Hochziit fallt ihne uf, dasses z kompliziert isch will sie wegem Transport müesst e halb Stund vorher zuemache oder was? Isch doch ned mis Problem. Die sind es Startup Unternehme (hend erst vor eme knappe Jahr eröffnet) und wenn die sich überall so unprofessionell verhaltet chönds ime Jahr sicher wieder zuemache.
Und ich ha die no ener Bruut wiiterempfohle!!! Nimmes hochoffiziell zrugg. Chasch ja trotzdem e Bricht schribe uf dim Blog, haha.

Mier hend ez bi de Törtlifee agfrögt, evtl klappets mit ihre, sie meldet sich bi mier (hoffentli schnellschnell).
Und suscht isch de vielleicht wirkli d Andrea en Option, wenni bis morn nid wiiter bin.
Danke liebi Pfingsti!
09.05.14 20:23
nala05 

Re: Last Minute Tortenbäcker gesucht!

Liebi Janedoe!

Aso i steigere mi au sehr gärn mit dir inne! kasch mir ihri telefonnr gäh, den giig ich ihre d meinig haha! (i mach das no gärn , finds immer soooo fräch was sich gwüssi dienstleister erlaube)
Aber was ich däre 100% no würd sage isch das au e mündliche vertrag bindend isch, und du mit de emails gnueg bewiis hesch das si dä igange isch. si miessti dir sicher e schadersatz biete imfall! isch nid dini tz juristin? frog si doch mol wie de sachverhalt isch..

ich drugg dir ganz fescht de duume das es mit dr törtlifee klappt!
wasi susch no gfunde ha wär:
http://www.fleurdesucre.ch
http://www.lienert.ch/content/e2/index_ger.html
http://www.thecakeartist.ch

bhaltsch uns uf em laufende!
11.05.14 09:38
littlefoot 

Re: Last Minute Tortenbäcker gesucht!

Haha pfingsti, e turtä is gsicht
Bini deby
Bi gspannt obs klappt mit de törtlifee
Und susch weisch ja no wo chentsch frage
Und weisch, am schluss bisch no froh klappts mit dere nid, einisch chunt de no d lebesmittelbehörde det verbi und s chunt us sie het salmonelle oder so
11.05.14 11:40
Pfingstrose 

Re: Last Minute Tortenbäcker gesucht!

Littlefoot du hesch total recht! Denk nur mal drah ihr hetted das Gschiss jetzt nöd, aber wie us em nüt taucht am Hochziit kei Turte uf. Den chöntisch kei Lösig meh sueche.

Bisch scho wieter cho Janedoe?
11.05.14 13:17
Aqua1  		Re: Last Minute Tortenbäcker gesucht!

www.bombellis.com
Melanie Demierre. Ihre Torten sind nicht nur der Hammer, sie schmecken auch gut. Macht auf Cupcakes und so. Preislich musst du sie anfragen. Kommt auch draufan, wieviel extravagante Dekoration zu möchtest.
11.05.14 17:18
_janedoe 

Re: Last Minute Tortenbäcker gesucht!

Danke vielmal! Mis Problem hed sich inzwüsche glöst!! Meh dezue im 14er Thread

 1
gillianscake   kompliziert   fleurdesucre   Tortenbäcker   schnellschnell   wiiterempfohle   Pfingstrose   Unprofessionalität   gillianscakes   thecakeartist   Tortebäckerin   gesucht   dienstleister   lebesmittelbehörde   hochoffiziell   deutsch-home   unprofessionell   Hochziitsmess   extravagante   inesteigeret