nicht registriert

Hallo 2013-er Bräute

I meld mi als bereits verhüroteti um eui Sorge chli zerstreue ...

I han letscht Juni ghürote und Trauzügin und i sind am morge au scho relativ früeh los, well mer au nos Shooting vor de Trauig gha hend.
Bim Coiffeur hemers schlicht weg vergesse zum öppis mitneh - hetted aber eh kai Hunger gha - me hend Teeli trunke zum chli obenabe fahre!

Vom Coiffeur simer bereits mitme alte London-Taxi abgholt worde, wo üs zerst hai zum alege und noher wiiter zum Shooting gfahre het. Döt hets es super Pick-nick-chörbli dine gha. Gfüllt mit Sandwich, Wasser, Balisto, bonbon, Prosecco und diverse andere Sache. Mini TZ und i hend üs vorme Shooting es Sandwich teilt - meh dassmer aifach öppis gha hend ... Und aifach Wasser hemer brucht. Me mue däzue sägä, bi üs isches am morge nöd ase warm gsi - denn brucht mer nöd so viel.
Am Apero hani au nu möge trinke und erst uf de Fahrt id Obiglocation hani no es Balisto gha. - I ha dä ganz Tag nöd en riese Hunger gha - obwohl i süsch recht schnell südrig werd, wenni zwenig z'ässä han!

sKleid wird automatisch dreckig, zumals nöd immer chasch lupfe zum laufe - da isch au nöd wiiter schlimm - gsehts eh niemert Und i bi en riese Schussel - wiis bliibt grundsätzlich nie wiis ... Am Hochziit hanis würkli fertig brocht - zum mi nöd iisaue! Falls ehr e Corsage hend, hocket ehr scho ganz anders ane - cha fast nünt schief go

WC: diä erste zweimol het mini TZ müesse helfe mitem Kleid und mir hets scho gfürcht, welli gwüsst ha, dass am obig nie Platz het für 2 Lüt im WC! Schlussendli bini siitlich aneghocket - so ischn nünt in weg cho und es het tiptop klappet!

I wünsch eu no ganz viel Vor-Freud und en wundervolle Hochziitstag! Und denket dra; es chunt eh alles anderst!

lg Danihani

sali Danihani

vielen dank für deinen Beitrag. ich hab auch sehr schnell hunger, aber ich denke ich werde an diesem Tag nicht viel essen können vor aufregung