Liebe Mitbräute,

ich bin auf diese Seite gestossen, weil ich es sooo schwer finde die geeignete Musik zu finden. Wir haben eigentlich noch viel Zeit, es ist uns aber sehr wichtig.
Als ich die erste Offerte bekam hat es mich fast umgehauen. Rechnete mit 3.500-4.000 Franken (ist das Ok als Budget, oder zu wenig???) fürs Apero und Essen und die Band wollte 5.500 Franken. Viel, oder??? Die nächste Band lässt jetzt seid einigen Tagen nix von sich hören...
Bitte schickt mir doch Antworten mit euren Erfahrungen und Preisen und und und!

Vielen Dank für eure Hilfe!!!

Vielleicht vergessen zu schreiben, dass es 5 Personen sind und sie für einige Stunden spielen werden... Also Nami und Abend.
Werde Sie kontaktieren... Merci

Hatten schon einige mehr Stunden geplant... minimum 5-6, also ist das anscheinend schon angebracht,oder was meinst du?

hi apfel zimt

afangs häts üs au fast umghaue ab de prise, nochdem i jetzt aber inzwüsche für üsi hochzit letscht johr ziemlich viel musiker agluegt und aghört han, bini nümm glich gschockt :-)

e 5 maa band ghört definitiv zude tüürste kategorie. warum müänds soviel si? i han mit de zit bewusst agfange noch 2-3 ma bands zsueche, zum eine wägem pris, zum andre wägem platz und aber au wäg dä lutstärki. i mags überhaupt nöd, wenns zu lut isch.

wiiteri überleggig. spielets di ganz zit wäret em esse oder nur zwüschetdrin (prislich macht das nöd gross en unterschied us, da sie sowieso müänd awesend si, aber vom repertoire her wärs wichtig). mer hend zerst dauer begleitig welle, sie hend üs denn aber en ipod mit finer hintergrundmusik zur verfüägig gstellt für wäret em esse. isch super gsi, würds wieder so mache.

im endeffekt hend üsi zwo musiker ide kirche 5 stück gspielt, bim apero knapp 2h hintergrundmusik sowie am obet ca. 3h. grad wenns au singet, müänds 5h am stuck zerst mol möge, das isch ziemlich astrengend. also die 3h sind bi üs gad so ade grenze gsi und mer hend def. kei afänger gha :-)
ufd idee e band für de ganze tag zha inkl. trauurig isch mer afangs nöd cho, isch aber viel eifacher und günstiger.

witeri überleggig näbt afahrt, bruchets no fast e übernachtig dävor oder noch em fest? ladet er sie zu eurem esse i? (hend mer gmacht und isch en super entscheid gsi, hend total guet au zude gäst passt, schön intergriert gsi).

wenns effektiv 5-6h spielet, findi 5500 für 5 persone agmesse. rechnes mol pro person inkl. afahrt etc. us.

und wiitere punkt: wie guet sinds? erfahrige? usbilidg? talent etc. etc. das flüsst sicherlich au no id prisberechnig ine.

grüesslis