Mer hend en Rolls Royce..........

nicht registriert

Ech han eso s`Gfüehl das mini Eltere do öbis am organisiere sind... Und süscht mit em Schatz sim Renault Espace... mis Chleid hed den ömu sicher Platz!

also, wämmer bi eu mal en Tag nöd schriibt, ihr sind wieder bi 5 verschidne Theme und jetzt willi min Senf au no dezue gä
Gaschtgschänk: Isch mini Meinig: Lässig, wänns öppis isch wo d Gäscht würkli chönd und tüänd bruche. Das mit dä Löffeli findi lässig. Bim Frank hätter als Gschänk en Einwäg-Fotti mit Bild vom Bruutpaar uf dä Rücksiite, es Zundhölzschächteli ebefalls mit Bruutpaarfötteli druf und en Schlüsselaahänger ebefalls mit Fötteli druf vorgstellt. S Paar hät sich für dä Schlüsselaahänger entschide. Minere Meinig naa völlige Blödsinn, will a) händ die meischte Lüüt wonen Schlüsselaahänger wänd und bruched scho eine oder mehreri und b) wer vo eusne Kollege/Familie lauft scho miteme Schlüsselaahänger mit eusem Fötteli druf ume....
Bruutstruss: Mir gfalled die Rose so guet, wo zweifarbig sind, so Rot/Orange bzw. Orange/Gäl, ich glaube ich nimme dänn das, oder klassisch ganz rooti Rose.
Bruutauto, also ich und min Fründ wänd au e Limo, da söttemer eus gläbs öppe als nächschts drum kümmere, damit mer no eini bechömed...
Wäg dä Restaurant isch scho brutal wie früäh mer die muess reserviere. Han vonere Kollegin ghört vome Reschti in Italie wo für Hochziitä bis is Jahr 2010 usbuechet isch...!
Mir hürated ja am 2.Juni und das Reschti wo mir händ welle isch scho im April provisorisch reserviert gsi, die händ aber gottseidank abgseit, so das mir händ chöne zuegriiffe...! Freu!

also zum Standesamt (isch ja 1 Monet vor de kirchliche Trauuig)
gönd min Schatz und ich zäme, mit oisem Alfa

Han ja au es schlichts, aber megaschöns Kleid.
Ich überlegge aber immer no,
ob ich mim Schatz en Ferrari für de Tag chann organisiere,
mir gönd denn jas no go z Mittag ässe, mit de allerengschte Verwandte und de Trauzüge,
und denn gömmer ja en Wuche id Ferie

Mues no luege, wie ich das mache

Liebe Grüsse Sposa

wow en ferrari :) Ned schlächt! Mer hürote jo nume ufem standesamt... vo dem her, isch das euses "richtige" hochsig :)

Miin bruutstruss, das öberlohn ich minere zuekünftige Schwögeri, sie esch floristin und wird mer scho öppis tolls mache. Es dörf chli öppis speziells sieh, in Tropfeform mit perle und so. Well miis Chleid isch jo au schlicht

hey, megacool, wenn ihr Florischtinne i oirer Verwandschaft hend,
das hani leider nid

Liebe Grüsse Sposa