| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Reagenzgläser mit Korken
 1 2 3
18.02.10 10:19
schusseli 

Re: Reagenzgläser mit Korken

Dörf ich fröge, vo wo ihr die Holzherzli hend? Ich han ganz e ähnlichli Idee wegem Namenstäfeli, bin aber leider nonig fündig worde...


Am 05.06.2010 wird euse Troim wahr
18.02.10 10:22
tinkerbell

nicht registriert

 Re: Reagenzgläser mit Korken


hei schusseli, ech ha mol dere holzhärzli gseh gha ide bluemebörse. priislech notürlech genial wenn dete chansch go ichoufe. velecht könnsch jo öpper wo floristin esch oder es dekogschäft hett metere charte ide bluemebörse. gone jedes johr ad früehligsusstellig ond wiehnachtsusstellig... hend emmer hammer sache. wend velecht ad usstellig gosch chöntsches evt. grad säuber choufe. a dene täg sends ame ned so pingelig wend kei charte hesch...

***3. Juli 2010***
18.02.10 10:28
cuenca 

Re: Reagenzgläser mit Korken

ich weiss, dass d'migros do-it buechstabe und figure us spanplatte häd (usgsaged wie mit em laubsägeli)... das wär ja vilicht au öpis... weiss aber nid, obs es i verschiedene grössine häd... coop bau und hobby wär schuscht au no en versuech wert zum go luege...

_____________________________________
Wir heiraten kirchlich am 4. September 2010
18.02.10 10:48
schusseli 

Re: Reagenzgläser mit Korken

Hey, Tinkerbell

Danke vielmal für din Tipp. Das trifft sich gad guet, mini Kollegin isch Floristin und macht d Bluemedeko a eusere Hochziit. Han nöd gwüsst, dass es bi de Bluemebörse au so viel Deko Zügs git, aber denn chan ichs ihre gad säge!


Am 05.06.2010 wird euse Troim wahr
18.02.10 10:52
tinkerbell

nicht registriert

 Re: Reagenzgläser mit Korken


bitte gärngscheh schusseli... ech liebe dbluemebörse ;-) decke mech ade usstellige ame grad i... ech go ame of littau, det hets im gliche gebäude vo de bluemebörse ou no drei anderi läde met mega vöu dekosache. ond äbe, ade usstellig setts eigentlech kes problem sii öppis zchoufe...

***3. Juli 2010***
18.02.10 11:36
Kia28  		Re: Reagenzgläser mit Korken

Schusseli, i han dia Härzli im Jumbo gseh. I weiss aber leider nüma was as prislich gsi isch, han dia scho länger mol mitgnoh zum a Testreagenzglas dihei z'macha. Aber sowit ich weiss, isch as ganz ok gsi.
Wa häsch du dänn gnau vor wenni dörf froga?

18.02.10 12:48
schusseli 

Re: Reagenzgläser mit Korken

@Tinkerbell: Vilicht gangi mit de Kollegin sogar mal mit ad Bluemebörse, nimmt mich selber gad Wunder und denn chömer zäme luege, was für d Deko no lässig wär. Bisch denn du Floristin oder wieso chasch du ad Bluemebörse?

@Kia: Ah, ok, det chönti natürlich au mal go luege. Mir hend Kiwi Confi gmacht und i chlini Confi Gläsli abgfüllt. Denn mached mer e Etikette mit eusne Näme und em Hochziitsdatum und wend denn mit Bast oder eso rund ume ums Deckli no s Nameschärtli vom Gast gstalte. E Kollegin näht extra no wiissi Plätzli für de Deckel obedruf und ich han gad denkt die Holzherzli wäred super zum underem Deckel anebinde mitem Name.


Am 05.06.2010 wird euse Troim wahr
18.02.10 13:17
tinkerbell

nicht registriert

 Re: Reagenzgläser mit Korken


hallo schusseli, nei be ned floristin, ganz ond gar ned ;-) aber ech kenne es paar ond ou öpper wo äbe idere bluemebörse schaffet. dör die beni de det druuf cho.

***3. Juli 2010***
18.02.10 13:19
Kia28  		Re: Reagenzgläser mit Korken

Da tönt würkli supar Schusseli, gseht sichar supar us.

04.04.10 22:34
wilmaaa  		Re: Reagenzgläser mit Korken

Hallo

Probiere es doch mit leeren Vanillestangen Gläsern. Die sehen auch wie Reagenzgläser aus .Die Schrift bekommst Du mit Topfreinigern aus Stahl problemlos ab und den Korken kannst du Dir selber schnitzen aus alten Weinkorken.
 1 2 3
Do-it-Abteilung   bluemebörse   Vanillestangen   dazugehörigen   früehligsusstellig   wiehnachtsusstellig   allerlei-praktisches   Reagenzgläsern   Reagenzgläser   Transportkosten   Prisvorstelliga   Hochziitsdatum   weitergekommen   Do-it-yourself   unterschidlich   kreative-ideen   Topfreinigern   Testreagenzglas   verschiedene   Bastelabteilungen