| Schwanger heiraten |
|
|
1
|
30.10.07 10:16
Ninic 
|
Schwanger heiraten
Hallo zäma.
I weiss sit kurzem dass i schwanger bin. S'Baby sötti luut Internet-Berechnigstabella am 1.Juli 2008 uf d'Welt cho. 
Will miar unbeding vor da Geburt möchtend hürate, und ich das au nid im letschta Schwangerschaftsmonat macha möchti, planend miar so mit am April.
Jetzt muass i natürlich no ziemlich viel erlediga, so zum Bispiel bruch ich as Umstands-Hochziitskleid. Will ich jetzt aber no kein Kugelbuch han (im April denn aber hoffentlich scho), find ich das a chli schwierig zum organisiera.
Hät öppert vo Euch Erfahrig im "Schwanger-Hürate" und hät öppert en Tip, wo ich sottigi Hochziitskleider könnti finda?
Danka scho im Vorrus
Ninic
|
|
|
|
|
|
30.10.07 10:55
dodo10
|
Re: Schwanger heiraten
Hallo!
ä gueti Kollegin vo mir hät au schwanger ghüratet. Ihres Chleid isch eifach laufend an buuch apasst worde. Natürli nöd all wuche aber eifach so, dass es am schluss perfekt gsi isch.
sie hät ihres chleid im mary's in züri kauft. Weiss gar nöd öbs es speziells umstandschleid gsi isch, würd eifach mal nafröge!
Grüessli dodo10
|
|
|
|
01.11.07 22:46
runaway
|
Re: Schwanger heiraten
zerscht mal CONGRATULATION zu dä schwangerschaft. ich ha au schwanger ghürate (zivil) und ha dänn spöter s kirchliche nahgholt.
also ich würd dir es chleid im empire-stil empfehle. das heisst, es isch grad unterhalb vo dä bruscht äng, aber ab dänn wirds wiit und leit sich schön um dä buuch. wänn nöd grad soooo viel wettsch usgäh wie du wahrschiinli imene bruutmodegschäft muesch rächne, cha di sicher öpper vo brautkleider-online.ch oder yangs.ch guet berate und dir es günstigs massgschniiderets bruutchleid bsorge.
grüessli
runaway
|
|
|
|
01.11.07 22:51
Ninic
|
Re: Schwanger heiraten
Sali Runaway
Danka viel mal für din Tip und d'Gratulation. Bin würklich u froh drüber. Möchti würklich nid as Vermöga usgeh. Werda mi bi dena Adressa vo Diar mal informiera.
Im wiavielta Monat bisch du gsi, wo du ghüratet häsch? Im wiavielta Monat häsch denn s'Kleid poschtet? Isch das denn kurz vor am Hochziit apasst worda? (Da Buuch chan sich denn ja scho ziemlich schnell verändera...)
In wellem Jahr händ ihr denn ghürate und wia alt isch dis Kind jetzt?
|
|
|
|
|
|
1
|
Anmelden
