| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
sueche Kapelle in AG
 1 2
30.07.08 21:20
pluto2008  		sueche Kapelle in AG

Hoi zäme

Wer chan mer wiiterhelfe? Mer sueched en schöne Kapelle in Kanton AG oder in de angrenzende Kantone. Am liebschste en Kapelle wo mer verusse Platz het för en Apero. Chan ois öppe de Seehotel Hallwyl empfehle?

Vielen Dank!
31.07.08 08:28
coerry  		Re: sueche Kapelle in AG

Hi Pluto, d'Kapelle in Birmenstorf AG esch mega mega schön!! Mer gseht so rechtig öber Birmi ine ond d'Rebbergen! Weiss jetzt gar ned öb sie Ref. oder Kath. esch! ABer het en super schöne Vorplatz (eifach ned deckt) för en Apéro!! Vel Spass bim suechen!
Lg Corinne
31.07.08 08:45
dodo10 

Re: sueche Kapelle in AG

Hoi pluto2008

D'Kapelle bim Schloss Böttstein isch au sehr schön. Het Platz für Apéro und isch au sehr schön für Föteli. Under www.schlossboettstein.ch hets Föteli devo....

Grüessli dodo10

Dä 12. & 14. Juni 2008 sind scho verbi....!
31.07.08 11:09
Kaz 

Re: sueche Kapelle in AG

Ganz e Herzigi Kapelle esch die in Nesselnbach (oder Niederwil?) eifach sehr chli. Dä Vorplatzt esch mettelmässig.
Chli grösser (ca 100 Leute) esch die in Rütihof (Katholisch) da esch dä Vorplatzt au ned so schön, aber derför esch dArche grad näbedra wo zemmli lässig esch... dUusecht esch au no schön...
En wiiteri schöni Chele esch die Reformiert in Othmarsingen (ca 150 Personen). Bi dere esch au alles rundume sehr schön, schön glägne Apero platzt grad ganz dä Nöchi...
Be gspannt för wälli ehr euch entscheided... (be nämmli vom AG).

Grüessli Kaz

Wir Heiraten am 09.05.09
31.07.08 11:32
coerry  		Re: sueche Kapelle in AG

hi Kaz
esch grad spannend gsi din Bricht z'läse! ben nämlich au vom AG ond denn hesch no d'Chile vo Rütihof erwähnt! I ben det sogar ufgwachse!hihi..ond Du? coerry78@gmx.net
lg Corinne
31.07.08 12:56
Kaz 

Re: sueche Kapelle in AG

Hi Coerry
Ich ben in Wohlenschwil ufgwachse... Mich dunkts es het ned vell Aargauer im Vorum...
Mer send drom alli die Chelene au go aluege, hät au gern en Kapelle gha, da aber mer en Grossi Apero gsellschaft werded ha... hämmer eus jetzt doch entschlosse zMellingen zhürate. Esch schliessli au en schöni Chele und dä Iberplatzt hendedra... wunderschön, oder dRüüs

Nemmt mi dä Wonde för wälli ehr euch dä Entscheided

Wir Heiraten am 09.05.09
31.07.08 13:11
dodo10 

Re: sueche Kapelle in AG

@kaz

bin au en aargauerin...

aber es het glaub würkli ned vill vo "eusem" kanton....


Grüessli dodo10
Dä 12. & 14. Juni 2008 sind scho verbi....!
31.07.08 13:18
coerry  		Re: sueche Kapelle in AG

...mer send au scho verhürotet euse grossi Tag esch de 16. Mai gsi! Mer send äbe gar ned id Chile sondern händ im Villa Boveri Park in Baden eusi Trouig gha!! ESch de absoluti Hammer gsi well mer för eusi grossi Gsellschaft super Platz gha händ im Park! Knapp 200 Lüt send's gsi! euch vel Spass Kaz bi de Vorbereitige!!
lg
corinne
31.07.08 14:04
madmadi 

Re: sueche Kapelle in AG

Na na, es het scho no es paar Aargauerinne - d Lela, d Simonetta und ich sind halt eifach usem Oberwynetal, was ned grad im Zentral-Aargau lit (oder zelle der öis scho zu de Luzärnerinne? )

Ja, di reformierti Chile z Othmarsinge isch no schön (sehr rustikal und dur das velecht chli dunkel, aber romantisch) - wemmer neutral isch und ned eher negativs mit däm Dorf verbindt, aber das isch persönlech und söll jo niemerts devo abhalte, dete z hürote. De Pfarrer findi dete übrigens no en ufgstellte (ha ame brueflich mit ihm z tue gha).

D Chile in Lüüüpu (Leutwil) isch glaubs au no schön und ned allzu gross. Mini Cousine het dete ghürote (isch allerdings au scho es Momäntli här).


Grüessli
madmadi


Ich hürote mi Schatz ganz genau 10 Johr nach öisem erschte Koss, am 8. August 2008!
31.07.08 14:22
Kaz 

Re: sueche Kapelle in AG

Oky...het doch gnützt!! So chömed die Aargauerinne före und wehred sich

Ich kännes Dorf Othmarsinge nor fom durefahre... dChelle hätti eus fast öberzügt, da aber min Zuekönftig mal idä Katholische Pfarrei gschaffed het, het er gfunde es seigi schochli komisch inere Reformierte zhürate....

Lüüpu... hihi, mis Heimatort und ich han aber kei Blasse schemmer öb die en schöni Chele händ. DUussecht esch secher zemmlich toll!!

Pluto2008 suech du Katholisch oder Reformierti Kapelle??

Wir Heiraten am 09.05.09
 1 2
Reformierte   Othmarsinge   Schlechtwetter   schlossboettstein   Wohlenschwil   Zentral-Aargau   Katholisch   entschlosse   Othmarsingen   wunderschön   wiiterhelfe   Nesselnbach   Kapelle   gsellschaft   reformierti   Aargauerinne   entscheided   Luzärnerinne   mettelmässig   Vorbereitige