| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Swarovski Elements
 1 2 3
09.01.13 13:01
Bow 

Re: Swarovski Elements

Jo i glaub das isch e gueti Idee denn bstell i mir mol es paar Steinli und sone Applikator.

Mis Chleid isch unde komplett us Spitze und der oberi Teil isch ganz schlicht ohni Spitze und e bizli grafft. Glitzer hets (no) kein dra

Isch dis Band so wie uf em erste Föteli?
09.01.13 13:12
elea 

Re: Swarovski Elements

ohh spetze... i ha au eis us spetze wele aber esch ned so guet acho bide verkäuferin ond minere TZ...
aber dis chleid tönt schön
nei mis ban hend gar kei gletzerli, im prinzip eschs en ganz e fiine side-schal woni eifach omd taille bende.
aber ebe be mer jez am öberlegge obi ned schwarz wet..
das onde esch mis chleid metem band (emo en teil devo).

Datei-Anhänge
DSC_0218-band.jpg DSC_0218-band.jpg (27x)

Mime-Type: image/jpeg, 98 kB
09.01.13 13:42
schmetterling84 

Re: Swarovski Elements

He wenn dir bi etsy eifach "rhinestone buttons" igebed chömme ganz viel so wie broschene (also si denn chnöpf aber vom designe her) zum ufnaie nur falls dir chli öbis speziellers weit..
fänd das au no schön so vereinzelt oder ebe uf em Gurt eini oder so i de Raffige inne....
09.01.13 14:00
Bow 

Re: Swarovski Elements

Wow elea, das isch e tolls Chleid. Me seht sogar ufem Foti dass es mega glitzeret. Will nid wüsse wies in echt isch
I glaub e schwarze Gurt würd bi dir au super usseh Chasch jo mol ein poste. Chostet jo nid alli Welt. Denn chasch dir immer no überlege wele de schlussendlich alegsch.

Merci Schmetterling für e Tip. Ha die Brosche gseh uf etsy und ha denkt das wär villicht no schön die bim Decollete azmache?!

Datei-Anhänge
brooch.jpg brooch.jpg (8x)

Mime-Type: image/jpeg, 60 kB
09.01.13 14:13
elea 

Re: Swarovski Elements

merci bow ha lang denkt es esch mer zvell gletzer am chleid, aber i hürote jo schlieslech aso döfs chli glitzere ;) ond werde sosch auä ned vell schmock ha aso eschs ok...
i ha met paint jetzt mol de gort ofem beld schwarz agmoldet, so chont me no e gueti vorstelig öber wis de wörd usgseh. msuss mol mini TZ froge wisis fendet :)

ou die brosche esch sehr schön! meinsch obe am rand vom chleid zwösche de bröscht he due? hesch du es trägerloses chleid?
09.01.13 15:27
Bow 

Re: Swarovski Elements

Jo genau dört ane wott is mache Bi mir eifach immer unschlüssig wil i mir nie cha vorstelle wies schlussendlich usgseht. Wie du seisch het me jo denn au no Schmuck a und e Schleier und i wett jo au nid dass es denn too much isch

09.01.13 15:35
elea 

Re: Swarovski Elements

da verstohni, dasch echli wie bi mim band om taille, weli jo kes schwarzes ha hani de eifach es schwarzes t-shirt gno, de effekt esch de glich. wasi eigentli wet sege esch, legg s chleid a und heb mol öpis det as dekkolte äne und lueg wis der gfallt. das cha en grosse ohrreng si zb. de merksch sofort obs doof esch oder obs öpis chönt si. oder ebe duesch emol wie ich em paint probiere ome zbaschtle ond "photo montage" zmache

09.01.13 15:57
Bow 

Re: Swarovski Elements

Okay das mach i sobald i die nöchst Glegeheit ha zum sChleid alege

Säg emol; i glaub mir si hüt Alleinunterhalter vo dem Forum

09.01.13 15:58
elea 

Re: Swarovski Elements

dasch so doof wenn me s chleid ned elei chan elleg weni chönt wördi jede tag dri schlöpfe

jo absolut... da heisst nome eus esch langwilig höt

09.01.13 16:23
schmetterling84 

Re: Swarovski Elements

Bow, will ig "wäg dir" bi bi etsy bi goh luege ha ig das gfunde und bstellt für mini Bridemaids.. Für id Bluemestrüssli... und as Blueme nur Lila Hortensie





übrigens gib mol rhinestone Applique Bridal i.. denn chömme grad ganzi Muster....

Zuletzt bearbeitet am 09.01.13 16:25
 1 2 3
tz-Schwöschter   organisatorisch   Elements   Brutmodegschäft   bearbeitet   Glitzi-Bling-Bling   Bluemestrüssli   Abstecktermin   Schmetterling84   Glitzersteinli   Schmetterling   Alleinunterhalter   schwarze   schwöschter   schlussendlich   Hochzitschleid   steinli   professionell   Swarovski   language=deu