Wer zerbricht sich au dä Chopf über d'Sitzordnig?
Wer chan miar wiiter helfa? Min Eltere sind in dä Trennig und as chiam nid guat wenn's am glicha Tisch sitza würded. Do fangt mis Problem scho ah, wär sitz a üsem Tisch. Sicher nid d'Eltera und allai oder nu mit dä Trauzüge isch au nid luschtig. Wär hät das Problem au und hät scho a Lösig?
Au wer i froh über as paar Tips a wella Tisch ihr d'Tante sowiso und d'Kollega uns so höcked.
Hät öpper scho erfahrig gmacht mit am Table planner?
merci für eui Tipps

ich han das problem au. Mini Eltere send gschiede und händ beid en neue Partner. findes drum ned e so ideal, wenn sie zämehocke wöre und wells unfair wär, hocked d Eltere vo miim Fründ au ned bi eus.

Mer händ en spezielle Bruutpaartisch mit 6 Plätz. Do hocked jetzt eusi Trauzüüge mit Begleitig sowie d Schwöschter vo miim Fründ mit Begleitig.

D Tisch hämmer asüschte chli vermischt, also emmer kollege vo mer und vo ehm und Verwandti vo mer und vo ehm. s händ aber all öpper ide nöchi wosi kenned und denn hämmer die womer fended, die chönnte sech guet verstoh zonenand gsetzt. En anderi Lösig wäri, eifach d lüüt före Tisch zueteile, aber ned före Platz, denn chan jede sälber entscheide woner gnau wott hocke.

Wie düend ehr denn d Tisch ufstelle?

PEACH & ANI heiraten am 28.07.2007

mer händ 8er bis 12er Tisch, müend no gnau luege... Grundsätzlich geds halt lüüt, wo zo allne chasch änesetzte und senig wod mega muesch luege, wers mit dene "ushaltet" :) Esch halt schono rächt schwerig. Es ged bi eus uf jede Fall ken Kollege Tisch, das wird schöön gmischlet, d lüt selled sech jo kennelehre underenand und keni Grüppli bilde: )

PEACH & ANI heiraten am 28.07.2007

mir händ 6 rundi tisch aber ich weiss nöd wo ich eus söll anesetze das mir "d'übersicht" über alli händ und alli au eus gsehnt. 6 isch grad e gradi zahl und drum chani eus nöd grad id "mitti" tue.. wie würdet ihr das mache?