So, unser zivilhochziit isch verbii und us de flitterwoche simmer au zrug :) I chan d landfraue also nur witerempfähle. Sie sind vom umgang her würkli sehr sympatisch und es isch alles riibigslos abgloffe. Mir (also mir plus die wo ade trauig debii gsi sind) sind zfrüeh dörte gsi, also ca. 45 Minute und es isch überhaupt kei problem gsi. sie händ uns bereits getränk geh und de räste ufgstellt und de abdeckt wo mir s buffet eröffnet händ. i bi leider ned gross zum probiere cho, abr d chriesi sind eifach de burner gsi :) und das isch jo eifach *früchtegarnierig*...debii sinds drei riise schüssle gsi mit würkli top grosse chriesi und so wie i ghört han, isch au de räste sehr fein gsi. mir händ e bits meh bstellt alls das lüüt cho sind und dorom hämmer au räste gha, abr find das besser, als das es zwenig gha hätti. das mitem wii isch au riibigslos abgloffe, chönnt dir also de wiilieferant au mitteile.
und i cha au all dene, wo no kei coiffeur händ, mini coiffeusin witerempfähle..i ha bide probefrisur e halboffnigi frisur agluegt und denn, am hochziitstag, hani irgendwie sgfühl gha, i will sie zämebunde ha, mit bits zöpfli und ere blueme und es isch gar kei thema gsi für sie. I bi heikel was so sache abelangt, well, i ha mini hoor immer offe, obwohl sie langsam zlang sind für das und i bi eifach begeisteret gsi.
i ha bis jetzt nur drei fotis vode fotografin becho, abr au das chönnti nur witerempfähle, halt au priismässig, isch sie würkli sehr tief (find ich). I bi sehr gspannt uf die rästliche fotos und wür mi wider mälde...mir händ jo würkli scheiss wätter gha und dorom hämmer dusse nur vorem igangstor vom schloss ca. 10 Minute chönne föttele und im schloss wildestei sälber hets nur de oberi stock gha, also ei ruum, die andre sind all abgschlosse gsi...
und obwohl is nie dänkt hätti...trotz wätter, dr tag isch eifach traumhaft gsi und i lieb mi maa über alles
Hallo zusammen! Ich habe jemand ganz tolles gefunden,der unsere Hochzeitstorte macht...ist echt empfehlenswert;-). Genau nach unseren Wünschen....falls jemand noch jemand braucht...der die Torte macht..einfach melden. Musste das nur kurz loswerden;-)
Anmelden
