| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
uf welli art hen sich euri gäst agmuldä?
 1
02.12.09 11:01
silver83 

uf welli art hen sich euri gäst agmuldä?

hoi zämä

mich nimmts wunder, wie sich all diä gäst a oder abmelden. lütet den in nechster ziit ständig ztel und ich muess mit jedem no chli gspröchlä oder sind viel per mail gsi? per post gits sicher nid söviel.

wie isch bi eu gsi? mier hen üs bis etz immer gad bim chärtli übergeh persönlich agmuldä, wills immer gschwüsterti oder sehr gueti fründä gsi sind.

dankä


.•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•.
Sid am 13.02.2009 verhürotet und am 25.09.2010 isch üserä grossi tag
02.12.09 11:08
peja 

Re: uf welli art hen sich euri gäst agmuldä?

hallöchen silver!

mer händ nid soo viel Iladige verteil/verschickt.. Drum händ mer eusi Natel-Nr. hinde ufs Chärtli gschriebe.. Dä chönd die, wo bi dä persönliche Übergag vom Chärtli, sich nonig agmeldet händ, äs Tel. gäh, oder äs SMS schicke..

Aber wänn du natürli viel Iladige häsch, würd i scho no ä Mail-Adresse druffschriebe..
Liebs Grüessli
02.12.09 11:18
schneewittchen  		Re: uf welli art hen sich euri gäst agmuldä?

mer hend uf eusere homepage en amelde talon womer muen usfölle di einte för de apero di andere als gladene gascht und mer chönd den det drus e liste generiere för eusi kontrolle. das esch am eifachste und am bequemste :-D. zwei gäscht wössemer das die kei inet hend be dene düemmer en ameldetalon biilegge und vorfrankiere den müenz en nur no i briefchaste gheie
07.12.09 13:48
speedy 

Re: uf welli art hen sich euri gäst agmuldä?

üsi Amälidge laufed au online über d Homepage. Isch schlicht am eifachschte. Und in dr hütige Zit het würklich fascht jede irgendwo Aschluss an en PC. D Grosstante mues sich halt vilicht s nöchschte Mol wenn si bi dr Mueter uf Bsuech isch mit ihre zämme amälde. Für Notfäll wärde mir au mini Natelnummere uf d Iladig schriebe, aber ich gang schwer drvo us, dass sich so guet wie alli wärded online amälde.
07.12.09 14:02
Soefeli82

nicht registriert

 Re: uf welli art hen sich euri gäst agmuldä?

Mir hei am Samstig a mire Familie d Iladige bim Wiähnachtsfescht überreicht u si heisech für d iladig bedankt u o grad gseit, dass si gärn chömä. U scho sisi agmäldet gsi :o)

ig dänke das die andere üs alüte/sms/e-mail oder uf der homepage, wo no grad im ufbou isch, wärdä amäldä.

Zivil: 20. August 2010


Kirchlich: 28. August 2010
07.12.09 15:09
Pamuya 

Re: uf welli art hen sich euri gäst agmuldä?

Üsi Gäst müend sich über d Homepage amälde, da ichs eifach uu praktisch find dasmer denn grad e Liste usdrucke chan und zudem immer grad nod Gsamtzahl vode bestätigte Gäst het Ich nime aber a das sich de eint oder ander nur via SMS od Mail amäldet, denn tuen ich en eifach no über d Homepage iiträge.

25.12.09 22:19
Dee 

Re: uf welli art hen sich euri gäst agmuldä?

Was sind denn das für Homepages wo mer sich grad direkt chan amelde mit liste und so???

wir geben uns das Ja-Wort am 4.6.10 und am 2.10.10
26.12.09 00:19
Pamuya 

Re: uf welli art hen sich euri gäst agmuldä?

@ Dee

Beispielsweise eine Hochzeitshomepage von ichwuensche(punkt)ch.

Liebs Grüessli
26.12.09 18:19
Dee 

Re: uf welli art hen sich euri gäst agmuldä?

Danke Pamuya, da kann man wirklich wunderschöne Pages machen! wow!
Leider reicht unser Budget für sowas nicht.... wir sind eigentlich schon drüber, drum habe ich jetzt eine auf www.unsereliebe.ch gemacht. Hat zwar recht viel Werbung drauf, aber fürs wichtigste reichts! ;o)


wir geben uns das Ja-Wort am 4.6.10 und am 2.10.10
 1
druffschriebe   agmuldä   Natelnummere   vorfrankiere   wunderschöne   ichwuensche   gschwüsterti   persönliche   homepage   ameldetalon   persönlich   briefchaste   Hochzeitshomepage   Beispielsweise   eifachschte   verhürotet   bestätigte   Wiähnachtsfescht   unsereliebe   Mail-Adresse