| uifgabäinvolvierung vo traizeygä/täschmeister |
|
|
1
|
|
|
|
|
27.02.08 12:07
smil09 
|
Re: uifgabäinvolvierung vo traizeygä/täschmeister
Also mier düend s'meischte selber organisiere. Erschtens händ üsi Trauzüge au nöd meh Erfahrig als mier und zweitens hämmer halt scho gwüssi Vorstellige ka wie s'Programm söll usgseh. Natürlich hämmer's dänn aber au als erschti (und einzigi) igweit und händ alles mitenand besproche. Üsi Tätschmeischterin isch diä wo am Tag sälber dänn alles sött im Griff ha und dä Lüt sött sägä wänn's wo ane müend. Mier händ d'Telefonnummere und Adresse vo Tätschmeischter und Trauzüge uf d'Iladig gno, so dass diä eventuelli Überraschige chönnted koordiniere.
I kenn aber au söttigi wo praktisch alles vo dä Trauzüge organisiere lönd und sich dänn überrasche lönd. Persönlich möchti da nöd unbedingt aber äs hät sicher au sin Reiz und nimmt eim natürlich viel Arbet ab. S'chunnt halt immer au uf Trauzüge druf a wieviel die wönd und chönd organisiere.
|
|
|
|
27.02.08 13:03
muuus
|
Re: uifgabäinvolvierung vo traizeygä/täschmeister
Mir mache o fasch alles sälber, wüll bi üs Trouzüge o no nid so erfahrig hei und vorallem wüll ig ha gseit,dassi ä lockerei Hochzyt wet und gärn tue bastle ,drumm hani oscho viel säuber bastlet und parat gmacht. üsi Trouzüge müesse de a däm Tag eifach luege, dass alles so louft wie mir mit ihne bespräche, und üsi Trouzüge si ou gad chli Tätschmeischter vo däm ganze.. wemer de aues genau düreplanet hei de lade mir Trouzüge zu üs i und verzue wie mir üs das vorstelle, sie hei nä viellecht ono gueti Idee und Sache und allfälligi überraschige chöi si ou entgägenä, wüll alli Lüt vo üs wüsse wär Trouzüge isch...mal luege wie das so wird klappe..
|
|
|
|
27.02.08 13:23
madmadi
|
Re: uifgabäinvolvierung vo traizeygä/täschmeister
Be öis organisiered d Trouzüge eigentli di ganz Unterhaltig, sprich Spieli, Darbietige etc.
Mer händ ehne "öise" Tagesablauf (13.30-14.30 Chile, 14.30-17.15 Apéro mit Uftritt vonere Show-Gruppe wo mer organisiert händ, ca. 17.15-17.45/18.00 Verschiebig is Feschtlokal, zwösche 18.00 und 19.00 Eröffnig vom Grill-Buffet) mitteilt und ehne s Usfülle mit Unterhaltig öberlo. Sie wösse eifach ungefähr, was mer uf kei Fall wette und mer gänd immer mol wieder Ideen ab, was üs so wörd gfalle. Si wösse, dass z.B. Brutstruss- und Strumpfbandwärfe irgendwenn muess ibouet wärde und dass ich uf kei Fall irgendwelchi Füdli wott abtaschte, zum usefinde, weles das vo mim Ma isch. Si wösse ou, dass ich no en Öberraschig för mi Liebschti ha ond dass för die emou no sötti Zit si.
Aber so ade "Finarbet" semmer gar nonig. Dänke, das wird dänk öppe drü Mönet vorem Hochzit, wemmer weiss, wer denn alles chunnt (Amäldefrischt), losgo.
Grüessli
madmadi
Ich hürote mi Schatz ganz genau 10 Johr nach öisem erschte Koss, am 8. August 2008!
|
|
|
|
|
|
|
|
1
|
Anmelden
