miar baschtlen as wunschbuach und kleben döt uf couverts möbel, vorhäng, tisch usw. was miar bruchend für dia neu wohnig in das album. d lüt könnd denn an zettel mit ma gruass und geld in das couvert tua oder s geld per izahligsschi schicka. so ischs doch no kli persönlicher als geld schenka.

und glichzytig machen miar das au no mit am reisebüro. ma kann verschiedeni arrangement buacha loh und denn tuat s reisebüro das ins internet und döta könnd denn alli gäscht luaga, ah i schenka dena dr candlelight-dinner am strand, i schenka ihna a massage, i schenka ihna an schnorcheltag, i schenka ihna as paar kilometer mim flüger.

wia finden iahr dia 2 idea?

Ja, s erschti hani öppe ähnlich dänkt.
Ich han au wäg dä Reis dänkt, dass ich so Etappe oder Aktivitätä dri tuen und dänn unedra d Iizahligsschii.

Gits dänn sones Reisebüro, wod din Honeymoon chasch als Wunschbuech is Internet tue laa?

Isch bis jetzt für mich immer en Grund gsi nöd sones Jelmoli Wunschbuech z nä, mir möchted verschidini Sache, u.a. öppis ad Hochziitsreis ane, und dänn no vo verschidne Aabüüter (Digicam, Chaschte, Fotialbum vo eusem Fotograf) und es git kei neutrali Internet-Wunschbüächer wo gratis sind.... logisch nöd...

Ig bi am säuber bastle wüu ig nid nur Sache füre Hushaut wot, da hani bau gnue.
Hani haut äs büechli gmacht.

jo und denn kunnt no dazua, dass ma jo nid will das an laschtwaga mit waar kunnt go abliefera. wil miar wenn noch em hochzyt zügla und denn müand miar das alles au no zügla das lohnt sich jo würklich nid wil miar zudem au nid wüssen, obs denn in dia neu wohnig oder huus passt!