| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Zeitplan Hochzeitstag
 1 .. 5 6 7 8 9 .. 13
26.02.13 12:51
valey 

Re: Zeitplan Hochzeitstag

Soo nehme jez de Thread weder zum vorschii
fende de isch würkli no guet..


Ha so chli angst vor dem Zitplan chas voll ned ischätze med de zit

aso bi eus chömed d gäst i de chile am 12.15 ah ah und am 12.30 foht trauuig ah

wievel vorher sett me sicher afoh med Hoor Styling, Make up, Alegge??

chas voll ned ischätze...

und wievel mues me öppe irechne med fötelis? mer hend denkt nach de trauuig paar fötelis mache während gäst as apero gönd... aper s apero goht ja 2 stund.. wenn mer jez en halb stund ned ome sind.. isch das vel? oder langeds?

ha grad chli krise hihihi xD
26.02.13 12:56
himbeer 

Re: Zeitplan Hochzeitstag

haha valey, ich bi au grad am ziitplan... finds au schwer.

also ich ha zum glück e kollegin wo am gliche ort s styling mache lah hät und sie hät mer gseit es gaht ca. 2 stund mit haar und make up. wotsch ja denn det au nöd in stress cho.

mir planed guet 2 stund i für föteli, devo e halb stund mit trauzüge und bruutjungfere etc. eusi fotografin hät gmeint das seg super, mindestens 1 stund hett sie bruucht schinbar.
26.02.13 12:58
Emma13 

Re: Zeitplan Hochzeitstag

Valey, han mir das au scho 100 mal überleit...

han für mich jetz öpe de Ablauf:

6.30 Aufstehen, frühstücken, duschen
7.30 Coiffeur
9.30 Make-Up
11h Anziehen
12h Brautfotos, Vorbereitung, Familienfotos
13h Fotograf fährt zur Kirche (5min) Installation
13.45 Eintreffen Gäste
14h Start Trauung
15.20 Ende Trauung, Gruppenfotos, Gratulationen
16.15 Fahrt zur Apéro-Location (15min)
16.30-18.30 Apéro

Mir werdet am 18-19h euses Shooting ha und werdet somit spöter im Resti itreffe, han das nöd so gern eusi Gäst stundelang am Apéro allei zlah, so chönd sie fertig aperöle, zum Resti fahre, anesitze, echli rede etc. und mir treffet ca. am 19.15 im Resti i..
26.02.13 13:04
elea 

Re: Zeitplan Hochzeitstag

valley i werde 5h bevord trauuig afoht zum coiffeur go. si het gemint das goht ca. 2h. de beni ne bez dehai ond ha de ca. 1,5h zom mi alegge etc. (30min send no wäg).
mer werde au 2h apero ha, 1h devo werde mer verschwende ond go fötele.
so wini ghört ha esch 1h s minimom wome brucht för es shooting ( bes me warm wert durets jo au es betzeli)

vale hender s shooting ned vor de trauuig?
26.02.13 13:06
valey 

Re: Zeitplan Hochzeitstag

ui ja emma weni gsehne wie frühe du plant hesch und euchi trauig startet öppe 2 st. spöter als eusi hihihi :D

himbeer bi euch isch de fotograf ned die ganz zit debi??

aso i ha mer mal überleit

6.30 ufstoh zmorge ässe dusche...
7.30 coiffeur und make up
10.00 alegge suscht parat mache
11.00 Fötelis
12.00 Fotograf und BJ gönd zu de Chile
12.15 träffed d Gäst ih
12.30 Beginn Trauuig
13.45 Ende Trauung / Gruppenfotos
13.45-14.00 Gäste gehen schon zur Apero Location (einige Schritte)
14.00 - 14.30 Fotos Brautpaar
14.30 wir gehen zum Apero
ca- 16.15 Gäste gehen zur Location (ca. 45 min Fahrt)


Ja witer hani no kei ahnig
weis gar ned ob de ablauf guet isch??

elea ahh du muesch no neumed zum coiffeur
be mer isch guet chunt sie zu mir und tuet mer hoore mache und grad au schminke


nei vor de trauuig gsemmer eus ned
26.02.13 13:10
Canoa 

Re: Zeitplan Hochzeitstag

Hmm mech donkts ehr hend chli en längi Trouig, mer rächned met ca. 45 Min bis 1h!
Oder hender das scho metem Pfarrer agluegt das das so lang goht?!?

Das esch euse Ablouf:

08:00 Uhr Tagwache
09:00 – 11:30 Uhr / 2.5h Frisur & Make-up
11:30 Uhr Mittagessen
12:30 Uhr Anfahrt zur Kirche
13:30 Uhr Trauung
14:30– 18:00 Uhr / 3.5h Apéro

Gratulationen und Fotos mit den Gästen

16:15 – 17:30 Uhr / 1.15h Fotoshooting Brautpaar

18:00 – 18:30 Uhr / 0.30h Fahrt von der Kirche zum Restaurant
26.02.13 13:11
elea 

Re: Zeitplan Hochzeitstag

jo i go normal i coiffeur salon... aber ebe eusi trauuig foht erst am 15.00 a ond am 10.00 goni zom coiffeur... vell muesi jo a dem tag vorher ned mache...

aso i has gfüehl 30min send es bezeli knapp förs shooting!
ebe mer hend 1h shooting ond euse fotograf het gmeint aso 1h bruchts scho. muss aber au dezue sege dasser bi eus am obe ned debi esch.

er hend jo de ganz tag de fotograf ond de videofelmer aso werds generell emol scho meh fötelis ge vo euch au wenner nome 30min fotoshooting hend!!!

fende es chont au no bez drufa wo er s shooting werdet ha. wenners grad nach de chele chönet ache chönet ehr die 30min au voll usnötze. wenner no 10min neumet he mönd fahre werds scho sehr knapp...
26.02.13 13:13
valey 

Re: Zeitplan Hochzeitstag

Canoa
aso euse pfarrer hed gmeint goht öppe en stund trauuig..

elea ah ja guet euchi trauuig isch spöter de hesch schön ziit :D
jaa bi eus nach de chile chasch ebe ned gross fötele hed ned eso super tolli ört..
es werd de eher am obe fötelis geh bim schloss.. drum rechni nach de trauuig öppe 30min für glich es paar dusse vor de chile mache...
und de am obe vorem ässe 1-2 stund

mueses no mit ehm bespräche..

ha eifach so angst dasi öppis doof berechne de gehts en stress
oder mer hend kei zit für öppis..
26.02.13 13:18
elea 

Re: Zeitplan Hochzeitstag

ah wenner zobe nomol fötelet de esch das tiptop!
dor das, dass ehr vell lüt am apero hend, hetti det velecht no 30min meh iberechnet. aber sosch wördi sege tönt din zitplan sehr guet!!!!
26.02.13 13:19
sarasina031 

Re: Zeitplan Hochzeitstag

@valey

Bi üs isch trouig um 14.00 uhr
Ig ha dr coiffeurtermin scho am 7ni mit mine froue
D visagistin chunt ou zum coiffeur aber när ou no hei füre finschliff.

Mach dir keini sorge wäg de fotos, 30- 60 min duret üses shooting ou.
D gäst si mit apero u kuatsche beschäftigt
Üses apero düret übrigens 2,5 std.
 1 .. 5 6 7 8 9 .. 13
Riesen-Gruppenfotos   Aperolocation   Zeitplan   Freitag-Feierabend-Bier   duo-regenschirm-weiss-1   trauuig   Coiffeur   trauung   herzchen-regenschirm-rot   fötelis   Location   einfach   Gratulationen   fotograf   Brautpaar-Shooting   Prewedding-Shootings   Shooting   Hochzeitstag   wirklich   Fotoshooting