| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Suche Guetzliausstecher Braut-Bräutigam
 1 2
13.03.09 08:54
Frangipani 

Re: Suche Guetzliausstecher Braut-Bräutigam

Hi Surri
Das isch au ganz e geniali Idee mit Tüfeli und Ängeli! Vo wo häsch du dänn die Förmli gha?
13.03.09 10:51
Miracle  		Re: Suche Guetzliausstecher Braut-Bräutigam

@Piglet: Gerngscheh... han chli müesse google, aber schlussendlich gfunde... dä tip vo dä Suri findi no wichtig: Kei grossi Details, suscht bricht das Zügs ab.

Als Tischchärtli wär das au no cool... uf dä Guetzi chasch ä liechti, mit Zitroneglasur, Schrift innebringe und jewils direkt dä Name druf schriebe....

13.03.09 13:41
Frangipani 

Re: Suche Guetzliausstecher Braut-Bräutigam

A alli die wo Guetzli als Tischkärtli mached:
1. Wieviel Gäst händ ihr dänn, bzw. wieviel Guetzli müend ihr bache?
2. Und wenn bached ihr die, erst am Vortag? ...viel früener chames ja nöd, sust wärdes ja härt, oder???
Ich finde d Idee super, han mir jetzt eifach grad überleit, mir 60 Gäst wird das no e heide Arbeit! ..da sind mir sicher en ganze tag am backe...

14.03.09 00:09
Piglet 

Re: Suche Guetzliausstecher Braut-Bräutigam

Hallo Frangipani

1. mer händ am Fest ca. 50 Gäst
2. e ha dänkt weme se ine Büchse duet oder grad verpackt sötte si eigentli ned hert wärde. Chont haut nochli of d'Sorte a. Aber Wiehnachtsguetsli wärde jo ou ned grad hert.
Ha mer vorgstöut dass das chli grösseri Guetsli sind aus normal oder so ond denn jede eis oder zwöi (je nach Motiv ond so) öberchont.

@miracle: jo klar aus Tischchärtli chönt mes ou grad bruche. Aber denn no of jedes Guetsli dr Name schribe... das werd ufwändig! Ond vorauem esches ned so eifach met Glasur z'schribe cha ou rächt schnäu id Hose go.

E hole mer denn äuä höuf vo minere Trouzügin, de klappet das scho.
16.03.09 07:32
fraztaz 

Re: Suche Guetzliausstecher Braut-Bräutigam

hallo zämä

da mit dr glasur isch eigentli scho ä gueti idee. aber würkli sehr ufwändig. i ha am weekend gad für mi schatz bachä u nu öppis chliises mit schoggiglasur drufgschriibä. isch höllä ziitufwendig!

wäg dä haltbarkeit chunts würkli scho recht uf d'sortä drufaa. xeni amig scho bi dä wiehnachtsgüezi. i täts eifach mau vorher usprobierä.

Am 05.09.09 isch es sowiet!
16.03.09 11:27
Nadine123 

Re: Suche Guetzliausstecher Braut-Bräutigam

aber wenn ihrs jo denn eh ipackid, denn machid ihr jo eh ä Schleife oder so rundum. Denn chönd ihr jo denn gad no wiä ä ettikette oder so döt herebinde wo dä Name drufstoht.
16.03.09 11:39
fraztaz 

Re: Suche Guetzliausstecher Braut-Bräutigam

i würd d'güezi nid i so durchsichtigs papier iipackä. diä sii i churzer ziit hart u nämid dä gschmack vom papier aa. findi drum immer so schaad bi dä wiehnachtsgüezi. de lieber inärä bürchs verstauä u de ohni packig ufä tisch legä.

Am 05.09.09 isch es sowiet!
16.03.09 12:24
Piglet 

Re: Suche Guetzliausstecher Braut-Bräutigam

E dänke ene Böchs due ond d'Guetsli enere Böchs is Restaurant brenge sött go. Die chöne se denn wenn si dr Tesch decke hänelegge.
Me chönt ou es Loch is Guetsli mache ond dört en Ahänger dra mache. Mer hei aber eh scho anderi Tischchärtli planet bzw. mer näme Steine ond schribe dr Name druf.
16.03.09 14:08
chickpea 

Re: Suche Guetzliausstecher Braut-Bräutigam


Hallo Piglet

Ich bin mir am überlegen, etwas mit Änisbrötli zu machen, meine Freundin hat bereits einige Model darunter ein paar Herzformen und neu eine Hochzeitsform. Ich habe auch eine sehr schöne Form die sich der Heiratsantrag nennt. Die Formen sind zwar etwas teuer, aber ich habe das Glück, dass meine Freundin schon einige hat und sehr Backbegeistert ist. Wir dachten die Änisbrötli eignen sich sehr gut für den Apero weil sie sehr dekorativ sind und gut schmecken. Als Tischdekoration und Gastgeschenk eignen sie sich auch sehr gut.

auf www.anismodel.ch findest du unter Herzen oder Hochzeit einige passende Motive. Auf dem Weihnachtsmarkt habe ich sie etwas günstiger kaufen können.

Gruss Chickpea
 1 2
Schoggi-Pfäffer-Guetsli   nussknackerfigur   Backbegeistert   Tischdekoration   Fuessballspieler   huuswaarägschäft   schlussendlich   Weihnachtsmarkt   Hochzeitsform   Braut-Bräutigam   WC-Türen-Figuren-mässig   Heiratsantrag   Wiehnachtsguetsli   Hochzitsmandle   Tischchärtli   wiehnachtsgüezi   Mailänderli-Teig   Guetzliausstecher   Bräutigam-Form   handwerchliches