mer sind zerst im kurz gsi. händ döt es paar für 3000.- schön gfunde, wissgold, de halb glan, halb satiniert und de vo de frau 1 diamäntli.
denn simmer ame weekend z'italie gsi...händ ähnlichi, eifach nooo schöneri, und de vo de frau mit 6 diamäntli für 1000 euro gfunde!!! au wissgold. sie händ üs sehr guet berate..und au gegem eignige intresse paladium abgrate. denn mit de jahre nimmt mer viellicht zue oder ab, und en ring us gold chamer easy verchlinere oder vergrössere lah...bim paladium wird das denn bitz schwiriger.
und z'italie isch's gold billiger...nöd wills schlechter isch..sondern will de stundeasatz vo de bearbeitig nöd so tür isch wie do.

liebs grüessli

10.07.09 :) il giorno della mia vita...

hallo nagio u stern

mir sii o bim kurz u bim meister xi. bim chévre häts o no ganz schöni. mir gö si jetzt ga säuber machä bim schär z'thun. viellicht isch das o no ä möglichkeit für euch stern. isch zwar nid würkli billiger, däfür heid dir ä einmaligä ring.

Am 05.09.09 isch es sowiet!

Hallo zäme,

ech gseh scho, d Meinige gönd weder mol wiit usenand.

Mer händ üsi Reng imene Schmockworkshop sälber gmacht. Händ also ned nome s "Material" zahlt sondern halt au die Stonde womer dete gsi send. Zahlet för beidi Reng met Kors und Mettagässe 6000 Franke. Das esch es üs voll wärt! Mer händ einzigartigi Reng wo jewils de Partner för eim gschmedet het. No individueller chaschs ned ha

Wär glaub e chli enttüscht, wenn ech "üsi Reng" plötzlech no bemene andere Päärli wörd gseh Drom händ mer eigentlech vo afang aa öppis eigets welle.

Aber äbbe jedere das ihre! Freue mech of de Momänt, wo ech mim Maa dörf de Reng astecke!

Liebe Gruess pearl

aso oisi ring händ zämme so um die 390.- franke koschtet mit dä gravur..


Dä 09.05.09 isch oisä grossi Tag!

Zuletzt bearbeitet am 25.03.2009