Cool mir ou mir hätte ja eigentlech welle ä Boum pflanze hie bi üs dahei, damr jetz aber ja nid hie fiire chöi mr das nid ganz umsetze wimr hei welle.

Findes so ä schöne ´´Ersatz´´

Wi Gross wirsch du dä Boum zeichne? (A3 / A4 ?? ) bimr äbe no nid ganz sicher....... möchtis ja när bi üs dahei irahme u ufhänke. Wasmr ouno nid sicher si obmrs ´´nur´´ für di gladene Gescht mache oder ou scho am Apero was aber fasch sicher scho z´fiil wird si

Wi machet ihrs?

17. September 2011

Auso mir pflanze ja ebe ou e ächte Boum, e Nektarineboum, wil dä so schöni Blüete het und so feini Frücht treit. Der Fingerabdruck Boum passt eso wunderbar is Ganze ine. üsem Trouzüge sini Frou molet ne, wiener usxeht und wie gross er isch, isch e Überraschig für üs, si het mi grad hüt gfragt, öbi s Datum und üsi Näme ou druff wetti und i has de ihre überloh z entscheide wies am Beschte usxeht.... cha der i däm Sinn leider nid witerhälfe!
Aber A3 würdine scho mindischtens mache!!! Süsch si die Fingerabdrück de gar riisig...
ui, i mues de no go Stämpuchüssi bsorge.

Für alli Schläckmüler

Lollis zum Sälbermache für´s Candy Buffet! Egal i welere Farb u Form




Hie e aleitig drzue

http://www.livingathome.de/kueche/lollis...chen-27468.html


I has sälber nonie gmacht aber äs tönt super eifach u wirdes sicher versueche (Zumal das Isomalt no relativ günschtig isch )

Grüessli Bluemefee





17. September 2011

Datei-Anhänge

Konzepte_0018.jpg (2x) Mime-Type: image/pjpeg, 45 kB

Hallo ihr Liebe

Ich han mich hüt kreativ ustobet. Gester hani ide Drogerie es Kilo Isomalt bstellt (choschtet 21 Franke) und hüt hani mich a die Lollies gwooget. Sie sind mega fein worde, aber es isch no e rechti Büez. D Masse chüelt halt sehr schnell us und do mues mor flink sii mit de Förmli. Was bi mir nonig so richtig klappet isch, de Stängel in Lolli inezbringe. Ide Beschriibig isch jo gstande, dass mor de Stängel aifach mit emene Tupf Isomalt cha uf einere Siite amache. Es hebet au, aber i glaub nöd, dass es de Schleckmüler Stand haltet und ehrlich xsait hani kei Luscht noch em Apéro zig abeghaiti Lollis go ufneh und wegschmeisse. Also wenns süscht öpper au no usprobiert bini gspannt uf euri Erfahrige und Tipps.