| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Daheim Apero feiern?
 1 2
13.11.13 20:36
Snicki  		Daheim Apero feiern?

Hallo Brüt
Ich han do mol en Frog a eu.

Würid iehr Dehei Apero fiire wenns wür passe?
Mier wohnid ufemene Buurehof, wo jedoch nüm in Betrieb isch. Mer hettid eigentlich alles do. E huufe Platz, e liebe Vermieter wo wür zuestimme, en herrliche Blick ufe See, i d Berge, Infrastruktur wär au vorhande. D'Chille wär su nur 10 Min. aweg.
Natürlich würid mer es Catering Unternehme ahstelle. Ich wet mich eifach nüt kümmere müesse, das wär d'Bedingig. Nochem Apero giengts de wiiter is Restaurant mit de Gladne.

Ich bin momentan grad total gaga und chume zu kei gachidem Gedanke. Min Zuekünftig isch begeischteret vo dere Idee.

Was meinid iehr? Ich bruche unparteiischi Meinige

13.11.13 20:43
snet  		Re: Daheim Apero feiern?

Ich finde die Idee klasse! Wenn ihr schon eine mega Location sowieso zur Verfügung habt und dennoch gratis, würd ich mir das nicht mal überlegen! Go for it!
13.11.13 20:56
zwergli89 

Re: Daheim Apero feiern?

Also wenn ich die Möglichkeit hät würdis sofort mache!
Isch doch u schön, wenn de Tag dihei chasch fiire und so grad au no chli chasch spare...

Noch dinere Beschriibig isch dis dihei genau das won i für üsi Hochzyt sueche und i der Umgebig (Olte) niene finde..
13.11.13 22:56
squishy-fishy

nicht registriert

 Re: Daheim Apero feiern?

Perfekter gots doch nüm? I verstooh dii GG dass er begeiisteret isch. Ich wärs also au! Go for it!!
Es trönt traumhaft vo dä Laag mit em Blick uf dä See und so nöch vo dä Kiirche.
Wichtig wär's mir eiifach, dass ihr nöd am Morge no meega schaffä müänd und alles schön herrichte. Vo dem her, wär eiifach en guätä Caterer wichtig. Aber dä lot siich sicher uftriibe!

Also würkli perfekt! I würds sofort machä. Aber miir wohnet leiider ned so perfekt

14.11.13 07:52
elea 

Re: Daheim Apero feiern?

hey snicki, i miech das sofort!!! besser goht jo nöm!!! wen ehr so en super Location hend, wiso au ned? i wörd eifach luege dass en caterer nemsch wo sech om alles kömmeret, so dass du ned no muesch ufruhme am nöchste tag oder so.
aber hey i wörds definitiv mache!!
14.11.13 09:07
Snicki  		Re: Daheim Apero feiern?

Guete Morge mitenand

Ich bin total unschlüssig. Natürlich wär d'Location super, aber ich han eifach eswie Schiss, dass ich dete denn au no muess luege, das alles lauft, verstöhnd iehr wien ich meine?
Vermuetlich müesstemer, wie iehr sägid, eifach en super Caterer ha ...

Zwergli: öb sich e huufe loht loh spare, da bin ich mier äbe no ned eso sicher. Binere gmietete Location het mer jo sicherlich au en Understand (falls es wür rägne ) ... Mier müesstid no es Zält miete etc.

Es goht mier ned umbedingt ums spare, mer hürotet jo (hoffentlich ) nur einisch.
14.11.13 09:12
Emma13 

Re: Daheim Apero feiern?

Snicki, unbedingt!

Tönt nachere super Lag und dihei ischs doch immer am schönste

Mir hend nachem zivile de Apéro bi eus dihei gmacht und es isch eifach wunderschön gsi, klar... mir hend am nöchste Tag putzt und gschrubbt (mir hend keis Catering gah) aber das wär i euem Fall bitz andersch. Ich finds ganz ä gueti Idee und wenn ihr sogar no Blick uf de See hend.... schöner gahts gar nöd...
14.11.13 09:46
Canoa 

Re: Daheim Apero feiern?

Also es tönt rächt guet!!! Aber Snicki ech verstoh dini Bedänke guet.
Aber ech dänke wenn das em Caterer klar metdeilsch vorhär, dass du nüt wotsch tzue ha a dem Tag ond sie för alles müesse luege dänki werd das au klappe. Ech meine du chasch jo schöscht emmer no t TM oder öbert anders bestemme wo de t Asprächsperson för de Caterer si sell a dem Tag.
14.11.13 10:19
Found  		Re: Daheim Apero feiern?

Alles i Allem tönts werkli guet.
Schliess mech ou i de Meinig vo desne a, lueg, dass e guete Caterer hesch.
Weiss halt ned, öb du det ou gross dekoriert ha wotsch? Das esch noch minere Menig am Apéro ned zwingend. Aber falls jo, müesstisch do evt. ou separat luege, das macht ned jede Caterer...

Aber s wechtigschte: Alli wend schön, aber lueg, wies bi schlecht Wetter usgsäch.
Gieng es Zelt öberhoupt? Wie tüür chiems? Und wie gseds Hochzit i dinere Vorstellig us?
Falls ned sehr warm set sie, esch es Zelt ou ungmüetlech und ned e glongne Uftakt.

Aber ech dröcke d Dume för schön, de wärs super!
Vorusgsetzt, er hättid ou ergendwo Schatte...
Das wär förs Buffet und d Gäscht wechtig, wenns ganz schön wär.
14.11.13 11:08
elea 

Re: Daheim Apero feiern?

snicki, eventuell fendsch sogar en caterer wos zelt wörd metbrenge falls nötig!!!
verstoh dini bedenke scho, aber ebe met emne guete caterer wod klar seisch, er sell alles vo a bis z erledige klappet das secher...
i denke dehai füehlsch du ond gg euch secher wohl und au för euchi gäst eschs en lockeri athmosphäre! ond so wie du beschribsch tönt traumhaft.
 1 2
begeischteret   hoffentlich   Tischtüecher   Beschriibig   athmosphäre   beschribsch   Möglichkeit   begeiisteret   unparteiischi   Caterer   wunderschön   Nochbersdorf   Vermuetlich   Location   Vorusgsetzt   Apero-Location   Infrastruktur   wechtigschte   Asprächsperson   unschlüssig