Jo, mer wärde s Shooting vor de Trauuig mache. Do mer amene Fritig hürote, wird d Trauuig erst am spötere Nomittag si und de grad zemlich aschliessend s Apéro. de hämmer vorhär no gnueg Zyt zum s Shooting mache. Mir wärde bi de Trauuig ca. 45 Lüt si inkl. Chind, bim Apéro ca. 110 wöu no Vereine chömed und am Obe 26 Lüt.

Jo das si schöni Bilder!

fami send scho alli termine am SA weg gsi demfall? FR wer au en uswiichoption för eus gsi wenns metem SA ned klappet hett!

do er zobe nome 26i send, send ehr de glich em grosse saal?

fami i ha em november aglüte ond de hends no 2 frei samschtige gha förs 2013. aber die send vom datum her gar end das gsi womer hend welle! mer hend aber mega glöck gha dass es paar abgseit het genau i dem monet womer hend wele hürote! hend wörkli rese schwein gha! sosch hette mers secher au of d fritig gleit! wel de ort esch ideal! es geht zwar vell schöni ort am sempacher see oder so aber i has eusne gäst au ned wele zuemuete dass si ide nacht no 45min mönd hai fahre! ond da alli bi eis us region aarau, zofinge bzw olte send passt das perfekt!

mer werde ca. 20lüt si. dorom werde mer s esse ond de ganz obe ide Lounge verbrenge. vom platz her esch das keis probelm, da mer au ned tanze wend!
jo i hoffe au dass bi eus s wetter schön esch ond mer dosse chöne hürote! eusi fotograf womer werde ha het au of em engelberg ghürote ond bi ehm hets gregnet, aso hends "müsse" em zelt hürote. aber er het gseit au das sig super schön gsi! dorom probieri jez mol so ztenke dass rege au ned e weltondergang esch ;)

jo i stell mer das au ganz toll vor de chame entweder denne höckle oder de use go ond chli oms füür stoh! gseh d manne scho dete stoh ond zigarr rauche ;)

fendes uh lässig met enre andere engelberg-brut zplöiderle! d Toluwu esch au eini vo eus ;)

haha toluwu doch mer hend de glich fotograf! mer hend au de falko vo erlinsbach!
muesch luege schlossentli hemmer no s gliche chleid! da wer de hammer
da du vor mer hürotisch beni de scho sehr gspannt of dini fötelis ;)

ehr hend e cocktailmixer? das esch denn hammer! so öpis hani no nie ghört!!! de het de eifach en tesch woner allne d drinks mixet wo me wet? aso of dinere hochzit weri gern gast ;)

jo i denke wenn me denn ed lounge wechslet, gehts secher es paar gäst wo de ufbroch grad "nötzet" ond werde go! aber i denke ned dass es d gsellschaft zerrist! denke ehner dass die wo de no debi send de eher echli zeme hocke unds zeme gmüetlech hend!

jo i ha ebe mol gseh dasd sunflower gschrebe het das ere maa fotograf esch ond de beni of sini HP go luege ond de hend mer sini belder mega gfalle ond de hani ehm mol gschrebe! :)

nei dasch wörkli super! wennd fami jez au no de falko het denn verrecki

eschs ned s gliche chleid? da wer de gepfel gsi ;)

cool, ond de chont er extra zo euch as HZ? sone tolli idee! as gast wördi das super fende! wel ebe es geht vell wo wii ned soo gern hend ond do esch en cocktail perfekt!

i hadenkt dasi eifach so getränk (velecht en grappa ond o bez woodka) en chüelschrank ide lounge stelle ond die wo de spoht am obe no lost hend chönet sech det bediene!

du, aber ebe ide lounge hends jo en chüelschrank! die sele de för dech doch öbere stelle! wer doch kei sach!!! ;)

mer wohne z aarau! ond eusi familie ond frönde chöme alli us de region olte / aarau / zofinge ond suhretal! so esch de engelberg super!

muss sege i hoffe au echli dasd lüt denn so züg (grappa etc.) au trenket! tönt zwar doof aber de werds halt lockerer ond das gfallt mer! :)

aber du brengsch mi grad of en tolli idee. i mache ab und zue applemartini för me ond d koleginne. eigentli chönnti au selber chli vorbereite und i chüehlschrank stelle. döft halt eifach ned zvell si, esch halt sou starch..

aber ebe vorallem die ältere hend doch gern mol no en grappa nach em esse oder ebe die wo de dosse stönd ond rauche esch doch cool wenn die no e schlock whisky chöne dezue ha! denke so öpis chont secher guet a!

i ha zwar gern wii, aber zvell ned! i werde emmer so müed vom wii! ond wet jo au ned am 11i scho müed si ;)

da met em schnapps esch natürli au super wenn ehr sogar no chönet euchi eigete ettikette druf due! machts nomol speziell!!!

mage chum me warte bes zom probeesse ond em aschlüssende gspröch met de floristin! ha tusig froge a die :)

du wen si seget si chöne de chüehlschrank ned öbere due, denn nemmsch paar starchi manne ond de träge die de scho öbere :D