Hallo mitenand

Da ich immer no uf de Suechi nachere geeignete Location bi mini Frag a üch:

Kännt öper de Heubode in Holzhäusern oder s'Restaurant Rosegarte (macht Catering im Heubode) in Zug?

Wenn ja:
Wie ischs det so? Wie ischs s Ässä? Location (dinne und / oder Zelt)? Tisch / Stüehl Möglichkeite? Etc

Liebs Grüessli und merci scho für üchi Infos!
Brucolino

Hey Brucolino ich bin letscht jahr mal dete gsi amene Hochziiit aber nur zum Apero (daher chani sässe nid beurteile nur dLocation).... leider isches gaaanz en verregnete samschtig gsi und denn hends de apero ide schüüüne näbem hauptzählt gmacht gha, was total lässig gsi isch will wirklich so waldhüttestimmig ufcho isch. drümlichkeit für sEsse hani denn au gseh, die isch au super dekoriert gsi und ideal vode grössi här hedsmi dunkt füres hochziit.... nid zgross aber glich schön platz für sich au chli zbewege. Bi schönem wätter hättets zum idunkle dusse auno welle öbbis mache mit lagerfüür - was vode location her natürlich super cho wär so im waldusse... also mir würds gfalle für es rustikals hochziit ide natur usse

Was sind denn gnau euchi vorstellige? villicht wüssti auno öbbis chli ide region (welli region chämt für euch überhaupt in frag?)

Also mal paar location woni kenne oder devo ghört han:

Garden Villa in Luzern (chamer miete und isch im summer mega cool und äbe nid edel sondern eifach und lässig mit pärkli)

Luegete, Pfäffikon/SZ (sehr gueti Chuchi und mega geniali ussicht)

Partyraum Michaelskreuz (fändi zwar de Heubode nochli schöner)

In Horge gids en neui Location zum Miete (gsehr recht chic us has aber selber au no nie gseh usser uf föteli) Seeyu heissts